Hebreos 10:34 - Tüpä Ñe'ëngagwer

³⁴ Pesaɨsuño avei ambuae sokendaprɨ yuvɨreko, opase pe mba'e vɨrokwa yuvɨreko pe sui peñemosaño avei pe vɨ'aretesa pɨpe peiko, esepia peikwa ɨvave perekora mba'e avɨye katu va'e iyavei apɨre'ɨ̇ va'e.

Tũpa Ñehengagüer

³⁴ Pesaɨsuño ité avei ambuae soquendaprɨ yuvɨreco. Opase pe mbahe vɨrocua yuvɨreco pe sui peñemosaño avei pe vɨharetesa pɨpe peico. Esepia, peicua ɨvave perecora mbahe avɨye catu vahe iyavei apɨrẽhɨ vahe.

Hebreos 10:34 Iomraidhean Croise

San Mateo 19:21

Jesús omboyevɨ chupe: –Ereipotase mba'e tuprɨ pɨpe nde reko agwä, eso emondopa tuprɨ rane mba'e erereko va'e iyavei emondopa rane ava iparaɨsu va'e upe. Ichui ramo ite ererekora mba'e avɨye va'e ɨvave. Ipare eregwatara che rupi.

San Lucas 10:42

ñepëi mba'e rumo oime avɨyekatu va'e. A'e María oiporavo oyeupe narä mba'e avɨye katu va'e, iyavei ndipoi chietera ava vɨrokwa va'e ichui.

San Lucas 12:33

Pemondopa mba'e pereko va'e, pemondo avei ava iparaɨsu va'e upe; iyavei peikora mba'e rɨru ndopai va'e nungar, a'eve ɨvave peyapokatura ndopai va'e mba'e serekoprɨ, iyavei ava imondarai va'e ndoikatui chietera oike agwä mba'e rasoi avei ndoikatui chietera oike imomarä agwä.

San Lucas 9:25

¿Avɨyera pi'ä ava upe opakatu mba'e vɨrekose ko ɨvɨ pɨpe, a'e ae tëi oyembopase anise oñemokañɨ tëira oiko?

Los Hechos 21:33

Evokoiyase sundao rerekwar ɨvate katu va'e oyemboya oso sese, oipɨsɨ uka Pablo ipare oyokwai osundao ñapɨ̇chi agwä ñuvɨrïo karena pɨpe. Ipare oporandu ava upe, uma vo evokoi mbɨa mba'e vo oyapo peü.

Los Hechos 28:20

Sese oposo'o uka, opomoñeta pota avei mba'e avɨye va'e rese; esepia ko Tüpä rembiporavo ava pɨsɨrö agwä resendar reroyasa rese karena pɨpe ñapɨ̇chimbrɨ aiko.

Los Hechos 5:41

Ipɨpe Jesús ñe'ë mombe'usar ovɨ'arete iteanga, esepia Tüpä ombou chupe iparaɨsu agwä yuvɨreko Jesús rer rese iyeroyasa sui tëi.

2 Corintios 5:1

Yaikwa ni'ä yande retekwer ndipokopɨi va'e, inungar oɨ ndipokopɨi va'e avei, ikwasa avei ni'ä ko oɨ opara imokañɨsa kuri, esepia Tüpä opa omoigätu ambuae oɨ ɨvave ndopai va'e yandeu, nda'ei a'e ava rembiapo tëi.

Efesios 3:1

Sese che Pablo, sokendaprɨ aiko ko'ave Cristo Jesús rekokwer mombe'usa sui tëi, nda'ei va'e judío peiko va'e rekokwer avɨye agwä rese egwë a'e.

Efesios 4:1

Sese Cristo rekokwer mombe'usa sui che rokendasa pɨpe, peiko tuprɨra pe kwaita rupi Tüpä pe renoisa pɨpe a'e peü.

Efesios 6:20

Tüpä ni'ä che kwai ko ñe'ësa mombe'u agwä ichui tëi kurïtëi sokendaprɨ aiko, peyerure katu che rese che sɨkɨye e'ɨ̇sa pɨpe ko ñe'ësa mombe'u agwä.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

Colosenses 1:5

peyapɨsaka tuprɨsa pɨpe ni'ä, peipɨsɨra Tüpä porerekosa ɨvave mba'e avɨye va'e pereko agwä. A'e ichui ni'ä pesendu ñe'ësa supi tuprɨ va'e Jesucristo resendar yepi,

1 Timoteo 6:19

Evokoiyase vɨrekora mba'e avɨye va'e, apɨre'ɨ̇ va'e oyeupe narä yuvɨreko kuri, tekovesa supiete va'e rereko agwä.

2 Timoteo 1:16

Yande Yar tomondo paraɨsuerekosa Onesíforo mu upe, esepia Onesíforo seta yupagwer che mbovɨ'a iyavei nochi ete ava rovake che rokendasa sui.

2 Timoteo 2:9

Ko ñe'ësa avɨye va'e mombe'usa sui tëi che mombaraɨsu yuvɨreko, che rokendasave avɨye oporapichi va'e che rereko yuvɨreko; Tüpä ñe'ëngagwer mombɨta rumo ndoikatui ete yuvɨreko.

2 Timoteo 4:8

Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Hebreos 11:16

a'e rumo oipota ambuae ɨvɨ avɨye katu va'e yuvɨreko, a'e ɨva pendar. Sese Tüpä nochi ete, che Ru Tüpä oyeupe'ese, esepia vɨreko ite tekwa imoigätuprɨ chupe narä.

Hebreos 13:14

Supiete, ko ɨvɨ pɨpe ndayarekoi ete tekwa apɨre'ɨ̇ va'e, yande rumo yaseka evokoi tekwa oime va'erä yandeu kuri.

Hebreos 13:3

Peyemoma'endu'a avei sokendaprɨ rese inungar-ra pe avei supive sokendaprɨ peiko va'e viña. Iyavei peyemoma'endu'a ava marä-marä tëi serekoprɨ rese, esepia avɨyeteramo egwë e'i aveira yuvɨreko peü.

Hebreos 9:15

Sese, Jesucristo sekoi mba'e ipɨasu va'e moigätusar, esepia omanosa pɨpe oipɨsɨrö ava angaipa sui ipɨpe avei oime ñeröisa yɨpɨndar mborokwaita vrɨve yuvɨrekoi va'e upe, iyavei toipɨsɨ che rembiporavo yuvɨreko oyeupendar mba'e apɨre'ɨ̇ va'e che remimombe'ugwer rupi oyapave Tüpä egwë e'i.

Santiago 1:2

Che rɨvrɨ eta, pevɨ'areteñora peiko akoi oimese tekoa'äsa peü yepi.

1 San Pedro 1:4

ipɨpe sui avei Tüpä oipɨsɨ ukara peü pe momba'esa ɨvave yapokatuprɨ nokañɨi va'erä, ndituyui va'erä ndopai va'erä avei.

1 San Juan 3:2

Che rɨvrɨ eta kurïtëi yaiko ite Tüpä ra'ɨrɨ. Yande rumo ndayaikwa tuprɨ vɨtei yande reko agwä, yaikwa rumo akoi oyemboyekwase Jesucristo, a'ese yaikora inungar, a'ese avei yasepiara opakatu seko reseve.