Hebreos 10:32 - Tüpä Ñe'ëngagwer

³² Peyemoma'endu'a akoi yɨpɨndar mba'e araka'endar rese, akoi peipɨsɨse tesapesa avɨye va'e, peyemovɨräkwäño avei pe rekoa'äsa upe pe yemombaraɨsusa pɨpe.

Tũpa Ñehengagüer

³² Peyemomahenduha acoi aracaco co tesapesa nungar supi eté vahe pɨsɨ ramose, peyemovɨracuaño ité pe recoãhasa upe pe yemombaraɨsusa pɨpe.

Hebreos 10:32 Iomraidhean Croise

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Romanos 12:12

Peikoño pe vɨ'aretesave mba'e ɨva pendar rärösa pɨpe; peñemosaño mba'e rasɨkwer peiporarase; iyavei anichira pepoi pe yeruresa sui yepi.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

Filipenses 3:16

Ko yande rekokwer yareko va'e sui rumo ndayande resarai chietera yepi.

Colosenses 2:1

Che aipota peikwa che yemboakɨsa pe rekokwer rese, Laodicea pendar rekokwer rese, seta ambuae ava che kwapare'ɨ̇ rekokwer rese avei.

Hebreos 12:4

Esepia pe ndapemano vɨtei ete angaipa upe peye mbopɨ'avɨräkwäsa pɨpe,

Hebreos 5:12

Araka'e suive peporombo'era viña; peipota vɨte rumo peü mba'e ndayavaimi va'e imombe'u iri agwä yembo'esa Tüpä suindar. Ndapeyemovɨräkwäi rumo, peɨ'u iri pota kambɨ mba'e säta va'e u rägwer sui.

Hebreos 6:10

Esepia Tüpä seko avɨye va'e, iyavei ndasesarai chietera pe rembiapo avɨye va'e sui pe poroaɨsusa pemboyekwa va'e peipɨtɨ̇vɨïse seroyasar, a'e ni'ä ko peyapoño vɨte peiko.

Hebreos 6:4

Esepia akoi ava yɨpɨndar osendukwa va'e Tüpä remimbotar, osä'a va'e avei Tüpä suindar porerekosa iyavei oyandu ite Espíritu Maräne'ɨ̇ gwekokwer pɨpe,

2 San Juan 1:8

Peñearö katu pe poravɨkɨ reprɨ mokañɨ tëi e'ɨ̇ agwä, tapeipɨsɨ katu Tüpä porerekosa peyeupe narä.

Apocalipsis 2:5

Sese peyemoma'endu'a yɨpɨndar pe rekokwer avɨye va'e rese; pemboasɨ mba'e pe rembiapo peyevɨ Tüpä upe; peyeaɨsu iri katu inungar yɨpɨndar. Anise ayevɨra peü, arokwapara oro apoprɨ tataendɨ rɨru pe sui akoi ndapeyevɨise Tüpä upe.

Apocalipsis 3:3

Peyemoma'endu'a akoi porombo'esa peipɨsɨ va'e rese; pepoi rene ichui peyevɨ katu Tüpä upe. Ndapeyemovɨräkwäise rumo, asora peü inungar imondarai va'e, egwë a'era vicho pe resapɨ'a.