Hebreos 10:29 - Tüpä Ñe'ëngagwer

²⁹ Ndapeikwai vo ¿akoi Tüpä Ra'ɨrɨ marä-marä tëi rerekosar suvɨ reroɨrösar avei a'e oipɨsɨra ñemoɨrösa tuvicha katu va'e yuvɨreko, Tüpä Espíritu raɨsusar reroɨrösar avei? Evokoi tuvɨ pɨpe ni'ä imboavɨyesa ñe'ësa yepi, ipɨpe avei ni'ä a'e ava Tüpä rembipe'a yuvɨrekoi.

Tũpa Ñehengagüer

²⁹ Peyapɨsaca tuprɨ co rese: ipĩrata catu oimera Tũpa ñemoɨrosa tahɨr reroɨ̃rosar upe curi iyavei acoi ava vɨreco vahe suvɨ inungar mbahe ẽgüe ehi tẽi vahe iyavei vɨroɨ̃ro tẽi vahe guaɨsusar Espíritu, chupe avei oimera Tũpa ñemoɨrosa ipĩrata catu vahe. Esepia, co tuvɨ rese niha seroyaprɨ ité Tũpa remimbotar. Ipɨpe avei niha ahe ava Tũpa rembipeha yuvɨrecoi.

Hebreos 10:29 Iomraidhean Croise

Hebreos 6:6

oyepepɨse rumo ichui, ndayaikatu iri seko reroyevɨ iri agwä Tüpä upe, esepia yatɨkaprɨ nungar iri ete vɨreko Tüpä Ra'ɨrɨ iyavei ambuae ava omoñe'ë-ñe'ë tëi iri sese.

Efesios 4:30

Peyapoi rene mba'e naporäi va'e Tüpä Espíritu Maräne'ɨ̇ mbovɨ'a e'ɨ̇ agwä, esepia ipɨpe sui ni'ä peiko Tüpä upe narä ite, ichui avei peipɨsɨra poropɨsɨrösa ipa va'e.

1 Corintios 11:27

Evokoiyase akoi ava okaruño tëi va'e, yuvɨroɨ'uño tëi va'e avei Yar mboetei e'ɨ̇save, a'e evokoiyase oyemboangaipa yuvɨreko yande Yar rembiapokwer omondose gwetekwer, iyavei oipɨyerese vuvɨ.

San Lucas 12:10

“Tüpä iñeröira akoi ava yande Yar Ra'ɨrɨ rese oñe'ërai va'e upe; niñeröi chietera rumo akoi ava oyuru pɨpe marä e'i va'e Espíritu Maräne'ɨ̇ upe.

Hebreos 2:3

¿Marä ya'era pi'ä evokoiyase yande yañemi Tüpä ñemoɨrösa sui viña akoi ndayandema'emo'ä tuprɨise ko yande pɨsɨrösa avɨye va'e rese? Esepia yande Yar a'e rane ite omombe'u yɨpɨndar ko ñe'ësa ñepɨsɨrösa resendar, ipare ramo oikwa yande pa'ü pendar sendusar yuvɨreko.

Los Hechos 7:51

“Pe rumo–ndapeyapɨsaka potai va'e ite peiko e'i Esteban chupe–oime tëi pe nambi, pe pɨ'a avei, ipɨpe rumo ndapeikwai ete ñe'ësa avɨye va'e. Espíritu Maräne'ɨ̇ amotare'ɨ̇mbar ite peiko yepi. Peramoi nungar tuprɨ avei peiko.

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

Hebreos 9:13

Supiete gwaka kuimba'e ruvɨ iyavei ovesa ruvɨ, gwaka kuña tanimbu akoi imondoprɨ va'e ava seko marä va'e rese, a'e avei vɨreko raimi tëi pirätäsa ava rete moatɨrö agwä.

1 Corintios 11:29

Esepia akoi pe'use iyavei peɨ'use yande Yar retekwer, pe pɨ'a ñemoñeta e'ɨ̇sa pɨpe, pekaru iyavei peɨ'u ipɨpe sui peseka mba'e naporäi va'e peyeupe narä peiko.

Hebreos 6:4

Esepia akoi ava yɨpɨndar osendukwa va'e Tüpä remimbotar, osä'a va'e avei Tüpä suindar porerekosa iyavei oyandu ite Espíritu Maräne'ɨ̇ gwekokwer pɨpe,

Hebreos 2:11

Esepia opakatu vɨreko ñepëi Vu yuvɨreko ko seko katuprɨ va'e, seko mbokatuprɨsar avei. Sese Tüpä Ra'ɨrɨ nochi ete, che rɨvrɨ eta peiko o'e agwä vɨroyasar upe.

San Juan 17:19

Sekokwer sui amondo che rekokwer ndeu narä, toyemondo katu yuvɨreko chupe ko ñe'ësa supi tuprɨ va'e reroya pɨpe viya.”

San Mateo 7:6

Pemondoi rene mba'e avɨye va'e kave upe, avɨyeteramo oyemboyerera peü opara pembo'i-mbo'ira yuvɨreko. Iyavei ndapemondoi chira mba'e porañete va'e kuchi upe, avɨyeteramo oyemboyerera mba'e-mba'e tëi apo yuvɨreko peü.”

Hebreos 13:20

Tüpä mba'e tuprɨ rerekosar, a'e ni'ä ombogwerayevɨ va'e yande Yar Jesús yande rärösar ɨvate katu va'e, suvɨ pɨpe omboyekwa gwemimbotar pɨasu ndopai va'e imbou yandeu,

San Juan 10:36

Iyavei Tüpä ni'ä che reropove'ë che mbou ko ɨvɨ pɨpe, ¿ma'erä vo evokoiyase nde ereñe'ë rai tëi peye cheu esepia ni'ä Tüpä Ra'ɨrɨ aiko a'ese tëi?

Hebreos 9:20

Evokoiyase aipo e'i: “Ko mba'e ruvɨ oikwa tuprɨ uka ko porokwaita Tüpä ombou va'e omboyeroya agwä peü.”

1 Corintios 15:25

Esepia Cristo rane ite oporokwaira oiko akoi Tüpä opase voi ete omondo opakatu yamotare'ɨ̇mbar ipovrɨve;

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

San Mateo 26:28

esepia ko che ruvɨ, a'e che Ru remimbotar ipɨasu va'e peü narä, che ruvɨ oyepɨyerera ava re'ɨi rekokwer angaipa repɨrä rese.

1 Corintios 15:27

Esepia Tüpä opakatu omondo mba'e Cristo povrɨve. Akoi aipo e'ise opakatu ite mba'e imondosa ipovrɨve, supiete nda'ei Tüpä upe avei, esepia a'e ni'ä opakatu mba'e omondo ipovrɨve.

San Marcos 7:2

A'ese osepia Jesús remimbo'e okaruse opokɨ'a reseve, egwë e'i ete nomboavɨyeise porokwaita yepoisa resendar, sese oñemoɨrö yuvɨreko chupe.

1 Corintios 6:11

Oime avei ni'ä akoi pe pa'ü pendar yɨpɨndar egwë e'i va'e yuvɨreko; kurïtëi rumo opa pe angaipa imokañɨsa pe sui iyavei pe ipe'aprɨ peiko Tüpä upe narä ite, a'e yande Yar Jesucristo rer pɨpe yande Ru Tüpä Espíritu pirätäsa pɨpe aveino.

Efesios 5:26

Egwë e'i yande rekokwer moatɨrö yande angaipa sui ɨ pɨpe Tüpä ñe'ëngagwer reroyasave

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 10:10

Tüpä evokoiyase yande pe'a angaipa sui oyeupe narä, esepia Jesucristo oyapo ite semimbotar mba'e ñepëi reseve apɨre'ɨ̇ va'erä gwete mondo pɨpe.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,