Hebreos 10:25 - Tüpä Ñe'ëngagwer

²⁵ Ndayamopanei chira yande ñemonu'äsa Tüpä upe, ndayaikoi chira omopane va'e nungar, iya rumo yayemongere'ɨ̇ katura ñepëi-pëi yande yeupe; esepia vɨrovɨ arɨ yande Yar yevɨ iri agwä.

Tũpa Ñehengagüer

²⁵ Ndayamopanei chira yande ñemonuhasa Tũpa upe. Ndayaicoi chira omopane vahe nungar, iya rumo yayemonguerẽhɨ catura ñepei-pei yandeyeupe. Esepia, vɨrovɨ arɨ yande Yar yevɨ iri ãgua.

Hebreos 10:25 Iomraidhean Croise

San Mateo 10:15

Supiete arɨ kañɨ oyepotase ko tekwa upe, ɨvate katura Tüpä ñemoɨrösa ava Sodoma, Gomorra ɨgwar upendar sui kuri.”

San Mateo 18:20

Esepia oimese ñuvɨrïo, anise mbosapɨ oñemonu'äse che rer pɨpe yuvɨreko, a'eve che aiko ipa'üve.”

San Juan 12:48

Akoi ava che reroɨrö va'e ndovɨroyai avei che ñe'ë, oime rumo imokañɨ agwä: ko che ñe'ësa supiete va'e chupe oyemokañɨ ukara arɨ ipa va'e pɨpe yuvɨreko.

Los Hechos 16:16

Ipare ambuae arɨ oroso irise oroyerure agwä, a'ese ñepëi kuñatäi ore rovaïchi, a'e karugwar pirätäsa pɨpe mba'e mombe'usar tëi. A'e kuña mbigwai tëi sekoi va'e, seta oipɨsɨ seprɨ gwarepochi gwerekwar upe narä yepi.

Los Hechos 2:1

Oyepotase Pentecostés pieta, opakatu Jesús reroyasar oñemonu'ä oɨ gwasu pɨpe yuvɨreko.

Los Hechos 2:42

Opakatu vɨroya tuprɨ ite Jesús ñe'ë mombe'usar porombo'esa, opakatu gwasu avei oyeaɨsu tuprɨ yuvɨreko, oyerure iyavei oñemonu'ä oyeupe mboyape mboya'o-ya'o agwä yuvɨreko yepi.

Los Hechos 20:7

Domingo pɨpe oroñemonu'ä mboyape u agwä, a'ese Pablo omombe'u ñe'ësa oiko pɨ̇tü mbɨter rupi Jesús reroyasar upe. Esepia a'e osë pota a'ere arayi'ive voi ete ichui.

Romanos 12:8

iyavei akoi oipɨsɨ va'e porombo'esa arakwasa resendar ambuae ava mongere'ɨ̇ katu agwä, tasekoi katu ava mongere'ɨ̇ agwä. Akoi iporereko va'e, toyapo gweko mbegwemisa pɨpe; akoi oipɨsɨ va'e mboravɨkɨ, toyapoño okere'ɨ̇sa pɨpe; iyavei akoi iparaɨsu va'e pɨtɨ̇vɨïsar, toipɨtɨ̇vɨïño avei vorɨvetesa pɨpe.

1 Corintios 11:20

Peñemonu'äse pe pɨ'a ñemoñetasa nda'oyoyai va'e pɨpe pe karu agwä, nda'ei yande Yar rese pe yemoma'endu'asave egwë peye.

1 Corintios 14:23

Esepia akoi Jesús reroyasar oñemonu'äpase yuvɨreko, oyoya gwasu peñe'ëse ñe'ësa ndikwasai va'e pɨpe tëi, ipare yuvɨroikese pe pa'üve Jesús reroyasare'ɨ̇ ndosendukwai va'e Tüpä suindar mba'e yuvɨreko, opakatu ko ndayarakwai va'e tëi e'ira yuvɨreko peü.

1 Corintios 14:3

Esepia akoi ava omombe'u va'e Tüpä suindar ñe'ësa yasendukwa va'e pɨpe, a'e oipɨtɨ̇vɨï ambuae ava Tüpä rese iyeroya agwä, oporomongere'ɨ̇ katu oporombovɨ'a katu avei.

1 Corintios 3:13

a'e iporavɨkɨ agwer rumo arɨ kañɨse ikwasa tuprɨra ñepëi-pëi yuvɨreko; esepia a'e arɨ pɨpe yande Yar oura tata reseve, ñepëi-pëi pe poravɨkɨ agwer kwa agwä.

1 Corintios 5:4

Akoi peñemonu'äse, che avei aikora pe pa'üve che ma'endu'asa pɨpe, iyavei yande Yar Jesús pirätäsa avei sekoira pe rese,

Filipenses 4:5

Pemboyekwa katu ava upe pe reko mbegwesa. Esepia köimi ete yande Yar yevɨ iri agwä yandeu.

1 Tesalonicenses 4:18

Sese peyemongere'ɨ̇ katu ko ñe'ësa pesendu va'e rese.

1 Tesalonicenses 5:11

Sese peyemongere'ɨ̇ katu, iyavei peyemovɨräkwä katu vɨte peyeupe inungar ko peyapo peiko.

Hebreos 10:24

Iyavei yasekañora ñepëi-pëi yañepɨtɨ̇vɨï va'erä yande yeaɨsu katu agwä iyavei mba'e tuprɨ apo agwä yande yeupe.

Hebreos 10:37

Supiete Ikwachiaprɨ pɨpe aipo e'i Tüpä: “Ou pɨ'aivi etera, akoi ou va'evɨ. Ndiaraka'ei chietera.

Hebreos 13:22

Che rɨvrɨ eta, peñemosaño che opomboarakwa va'e rese, movɨrö tëi ni'ä ko ñe'ësa aikwachia peü.

Hebreos 3:13

Iya rumo peyemongere'ɨ̇ katu ñepëi-pëi arɨ yakatu rupi “kurïtëi” sese oñe'ë ko Ikwachiaprɨ, pe rekove pɨpe angaipa upe pe yembopa uka iri e'ɨ̇ agwä, pe mba'e reroya iri e'ɨ̇ agwä rese avei.

Santiago 5:8

Pe avei peñemosaño, peyemongere'ɨ̇ katu, esepia köimi ete yande Yar yevɨ agwä.

1 San Pedro 4:7

Vɨrovɨ rumo arɨ ipa va'e opakatu mba'e kañɨ agwä. Sese peikora yapɨsakasa pɨpe yeruresa pɨpe avei.

2 San Pedro 3:11

Opakatu ite ni'ä ko mba'e yapoprɨ okañɨ tëi va'erä sese, ¡peyemovɨräkwäño itera pe reko maräne'ɨ̇sa rese Tüpä rese pe pɨ'a ñemoñetasa pɨpe!

2 San Pedro 3:14

Sese che rembiaɨsu, pesärö vɨteseve ko tekokwer, egwë peyera opakatu peikatugwer rupi pe reko tuprɨ agwä pe angaipa e'ɨ̇ pɨpe, peü Tüpä peyavɨ mba'e e'i e'ɨ̇ agwä.

2 San Pedro 3:9

Esepia yande Yar ndiaraka'ei ete oñe'ë mboavɨye agwä, inungar amove ava, aipo e'i yuvɨreko viña, a'e rumo avɨye eteprɨ gweko mbegwesa pɨpe yandeu, esepia ndoipotai ñepëi yepe yande kañɨ tëi agwä; a'e rumo oipota opakatu tuprɨ ite yande rekokwer ñekuñarö agwä.

San Judas 1:19

A'e ava ni'ä omboya'o-ya'o ukara ava yuvɨreko; gwekokwer ɨvɨ pɨpendar tëi vɨreko va'e, a'e ni'ä ndovɨrekoi Tüpä Espíritu yuvɨreko.