Hebreos 10:23 - Tüpä Ñe'ëngagwer

²³ Yayemovɨräkwä katura mba'e avɨye va'e yande remiarö pɨpe yamombe'u va'e ava upe yande pɨ'añemoñeta rerova e'ɨ̇sa pɨpe. Esepia Tüpä omboavɨye itera mba'e gwemimombe'ugwer yandeu.

Tũpa Ñehengagüer

²³ Yayemovɨracua catura mbahe avɨye vahe yande remiaro pɨpe yamombehu vahe ava upe yande pɨhañemoñeta rerovaẽhɨsa pɨpe. Esepia, Tũpa omboavɨye itera mbahe güemimombehugüer yandeu.

Hebreos 10:23 Iomraidhean Croise

1 Corintios 1:9

Tüpä omboavɨye va'e ite oñe'ëngagwer yepi, ipɨpe sui yande yaiko sembiporavo Ta'ɨrɨ yande Yar Jesucristo rupi yagwata va'erä.

1 Corintios 10:13

Pe rumo kurïtëi ndapeiko vɨtei ete tekoa'äsa yavai va'e pɨpe. Sese peyeroyaño itera Tüpä rese, a'e ni'ä oikwa pe yemovɨräkwäsa, noñokwai chira tekoa'äsa imbou peü. Akoi mba'e tëi oimese pe rekoa'äse, Tüpä ombou voiñora pirätäsa evokoi mba'e tëi sui pe së agwä, chupe pe ñemosa agwä.

2 Corintios 9:13

A'e evokoiyase omboeteira Tüpä yuvɨreko, esepia ko pe poropɨtɨ̇vɨïsa pɨpe pemboyekwa itera pe Cristo ñe'ë reroyasa peiko, a'e avei omboeteira Tüpä yuvɨreko. Esepia pemondoño itera mba'e pe porerekosa chupe, iyavei opakatu ambuae ava upe.

1 Tesalonicenses 5:24

A'e akoi pe poravo va'e oyeupe narä seko tuprɨ va'e, omboavɨye aveira opakatu ko mba'e.

2 Tesalonicenses 3:3

Yande Yar rumo seko ɨ̇vi va'e, a'e pe rekokwer movɨräkwära iyavei peräröra mba'e tëi sui.

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Hebreos 11:11

Yepe Sara nimembɨi va'e viña iyavei Abraham okwakwami, Tüpä rese oyeroyasave rumo oipɨsɨ pirätäsa Tüpä sui gwa'ɨ agwä, esepia vɨroya ite Tüpä oñe'ë omboavɨye agwä chupe.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

Santiago 1:6

Iyakatu rumo evokoi ava oporandura Tüpä upe sese oyeroya pɨpe, nda'ei chira opɨ'añemoñeta rerova-rova tëisa pɨpe; esepia akoi ava ipɨ'a ñemoñeta kokotɨ-kotɨ va'e, a'e inungar paragwasu pɨpe ɨvɨtu ombo'ɨtu-ɨtu tëi va'e ɨ sereko.

Apocalipsis 3:11

Ayevɨ poyavara. Peyemovɨräkwä katu Tüpä reroyasa pereko va'e rese, evokoiyase ñepëi yepe ava ndovɨrokwai chietera Tüpä suindar porerekosa pe sui.