Hebreos 10:20 - Tüpä Ñe'ëngagwer

²⁰ yaikoveño itera ipɨasu va'e tekokwer tekovesa yandeu ombou va'e pɨpe, a'e ni'ä omboi tüpäro pɨpe asɨasa turukwar yande reike agwä Tüpä rovai, a'e turukwar inungar Jesús rete.

Tũpa Ñehengagüer

²⁰ Yaicoveño itera ipɨasu vahe tecocuer tecovesa yandeu ombou vahe pɨpe. Ahe niha omboi tũparo pɨpe asɨasa turucuar yande reique ãgua Tũpa rovai. Ahe turucuar inungar Jesús rete.

Hebreos 10:20 Iomraidhean Croise

San Mateo 27:51

A'e arɨ pɨpeve avei tüpäro pɨpe turukwar ɨvate kotɨ sui oyembovo tuprɨ ɨvɨ kotɨ oso. Ɨvɨ avei orɨrɨi, ita gwasu avei opa tuprɨ oyeka

San Marcos 15:38

tüpäro asɨasa turukwar ɨvate kotɨ sui ovo tuprɨ.

San Lucas 23:45

Arɨ avei ogwe tuprɨ, a'e pɨpeve avei turukwar tüpäro asɨasa mbɨter rupi tuprɨ ovo.

San Juan 10:7

Jesús aipo e'i iri: “Supiete ko rese aipo a'e: Che aiko okendɨpɨ supi yuvɨroike va'e ovesa yepi.

San Juan 10:9

Che ite ni'ä aiko okenda: akoi oike va'e che rupi, a'e oñepɨsɨröra. Iyavei inungar akoi ovesa oike ichui osë oyosɨ kapi'i o'u va'erä yepi.”

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

Efesios 2:15

Omomba opakatu Moisés porokwaita, a'e oipota ñepëi ava nungar teko pɨasu pɨpe yande reko agwä, judío iyavei nda'ei va'e judío. Egwë e'i imokañɨpa yande yeamotare'ɨ̇sa yandesui yande reko tuprɨ agwä.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 6:19

Ko mba'e ñasärö va'e omovɨräkwä tuprɨ yande ä sereko, inungar mba'e ɨarusu mombɨtasa omovɨräkwä tuprɨ ɨarusu ɨvɨtu sui. Egwë e'i yande remiarö oike turukwar gwasu tüpäro asɨasa kupeve oɨ imaräne'ɨ̇ katu va'esave ɨvave

Hebreos 9:3

Imoñuvɨrïosa turukwar tüpäro asɨasa kupeve oime ambuae oɨ, a'e serer Nimaräi Katu Va'e;

Hebreos 9:8

Ko rese Espíritu Maräne'ɨ̇ oikwa uka yandeu avaño tëi ndiya vɨtei ete oike ipa va'e oɨ imaräne'ɨ̇ katu va'e pɨpe Tüpä rovai oime vɨtese yɨpɨndar oɨ yasɨaprɨ.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

1 San Juan 4:2

Ko rese peikwara ava Espíritu Tüpä suindar vɨreko va'e: Jesucristo ou opakatu gwete reseve e'ise, aipo e'i va'e vɨreko Espíritu Tüpä suindar ite.

2 San Juan 1:7

Setavai ogwata ɨvɨ yakatu rupi oporombopa tëi va'e yuvɨreko, ndoikwai ete Jesucristo ouse ko ɨvɨ pɨpe ava supiete va'e nungar yuvɨreko. Akoi egwë e'i va'e, a'e oporombopa tëi va'e Jesucristo amotare'ɨ̇mbar yuvɨrekoi.