Hebreos 10:15 - Tüpä Ñe'ëngagwer

¹⁵ Iyavei Espíritu Maräne'ɨ̇ aipo e'i tuprɨ avei ikwachiaprɨ araka'endar pɨpe yandeu:

Tũpa Ñehengagüer

¹⁵ Iyavei Espíritu Santo aipo ehi tuprɨ avei icuachiaprɨ aracahendar pɨpe yandeu:

Hebreos 10:15 Iomraidhean Croise

San Juan 1:15

Juan ni'ä oñe'ë sese ava upe aipo e'i: “Ko uve ni'ä akoi aipo a'e peü kwese akoi ou va'erä che rakɨkwei a'e ɨvate katu va'e che sui, esepia yɨpɨve ite sekoi che yesue'ɨ̇ vɨteseve.”

San Juan 15:26

“Akoi ouse rumo Poropɨtɨ̇vɨïsar che Ru suindar a'e che amboura, Espíritu supiete va'e che Ru sui ou va'e, a'e omombe'ura che rekokwer.

Los Hechos 28:25

Iyavei opɨ'añemoñetasa nomboyoyaise yuvɨreko, omboɨpɨ yuvɨnosë. A'ese Pablo aipo e'i ava upe: –Supiete Isaías omombe'u Espíritu remimombe'u pe rekokwer resendar pe ramoi upe araka'e aipo e'i:

Hebreos 3:7

Sese, inungar Espíritu Maräne'ɨ̇ aipo e'i Ikwachiaprɨ pɨpe: “Ko pɨpeve voi, pesenduse Tüpä ñe'ë,

Hebreos 9:8

Ko rese Espíritu Maräne'ɨ̇ oikwa uka yandeu avaño tëi ndiya vɨtei ete oike ipa va'e oɨ imaräne'ɨ̇ katu va'e pɨpe Tüpä rovai oime vɨtese yɨpɨndar oɨ yasɨaprɨ.

2 San Pedro 1:21

esepia nda'ei Tüpä ñe'ë mombe'usar oyesui tëi omombe'u yuvɨreko, a'e rumo ava seko katuprɨ va'e ite, Tüpä omombe'u uka oñe'ë chupe Espíritu Maräne'ɨ̇ pirätäsa pɨpe araka'e.

Apocalipsis 19:10

Ipare añenopɨ'ä mbigwai ɨva pendar rovai imboetei agwä, a'e rumo aipo e'iño cheu: “Egwë erei rene, esepia che mbigwai ɨva pendar Tüpä suindar aiko, nde nungar iyavei nde rɨvrɨ eta nungar ogwata va'e Jesús ñe'ëngagwer rupi. Emboetei katu Tüpä eiko.” Esepia ni'ä evokoi Jesús ñe'ëngagwer omogere'ɨ̇ katu ite Tüpä ñe'ë mombe'usar sereko.

Apocalipsis 2:11

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi ava oyemovɨräkwä va'e mba'e-mba'e tëi apoe'ɨ̇ agwä, a'e ndoiporarai chira imoñuvɨrïosa manosa oimese kuri.’ ”

Apocalipsis 2:17

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi ava oyemovɨräkwä va'e mba'e-mba'e tëi apoe'ɨ̇ agwä, semi'urä amondora ndasepiasai va'e maná iyavei amondora ita morochi va'e chupe, a'e ita rese ikwachiasara terer ipɨasu va'e, evokoi ava oipɨsɨ va'e gweraño oikwara.’ ”

Apocalipsis 2:29

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar yuvɨrekoi va'e upe!’ ”

Apocalipsis 2:7

¡Akoi osendu pota va'e, toyapɨsakaño Espíritu omombe'u va'e rese opakatu che reroyasar upe! Akoi oyemovɨräkwä va'e mba'e-mba'e tëi apoe'ɨ̇ agwä, ito'u amondora ɨvɨra a tekovesa resendar oime va'e teko orɨsave che Ru Tüpä pɨri.’ ”

Apocalipsis 3:13

¡Akoi ava osendu pota va'e, toyapɨsakaño Espíritu omombe'u va'e rese che reroyasar yuvɨrekoi va'e upe!’ ”

Apocalipsis 3:22

¡Akoi ava osendu pota va'e, toyapɨsakaño Espíritu omombe'u va'e rese che reroyasar yuvɨrekoi va'e upe!’ ”

Apocalipsis 3:6

¡Akoi ava osendu pota va'e, toyapɨsakaño Espíritu omombe'u va'e rese che reroyasar yuvɨrekoi va'e upe!’ ”