Hebreos 10:1 - Tüpä Ñe'ëngagwer

¹ Esepia Moisés porokwaita mba'e avɨye va'e ra'anga nungar tëi ou, nda'ei rumo a'e ite ou. Sese a'e porokwaita ndoikatui ete ava Tüpä rese oyemboya va'e reko mo'ɨ̇vi tuprɨ agwä, mba'e seropove'ëprɨ aravɨter yakatundar pɨpe.

Tũpa Ñehengagüer

¹ Esepia, Moisés porocuaita mbahe avɨye vahe ou vaherã rahanga tẽi, ndahei ahe eté vahe ité. Sese ahe porocuaita ndoicatui eté ava Tũpa rese oyemboya vahe reco mohɨvi tuprɨ ãgua mbahe seropovẽheprɨ aravɨter yacatundar pɨpe tẽi.

Hebreos 10:1 Iomraidhean Croise

Romanos 8:3

Esepia Tüpä oyapo ndoikatui va'e Moisés porokwaita yapo, supiete ndoikatui yapo ava angaipa pɨpe sui: Sese Tüpä ombou Gwa'ɨrɨ yande nungar tuprɨ ite iyavei angaipa repɨrä, egwë e'i imokañɨ opakatu yande angaipa yandesui, yande remimbotarai avei.

Colosenses 2:17

Esepia yɨpɨndar oime va'e mba'e ou agwä renonde egwë e'i tëiete, ko rumo Cristo supiete va'e sekoi.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Hebreos 7:11

Ava Israel pendar oipɨsɨ mborokwaita pa'i Leví sui a'e Aarón suindar yuvɨrekoi va'e. Supietese pa'i eta ava vɨrekose Tüpä suindar gweko katuprɨsa evokoi mborokwaita reroya pɨpe viña, evokoiyase ndoyemboyekwai chietera ambuae pa'i viña. Nda'ei chira rumo a'e Aarón nungar, a'e Melquisedec nungar itera.

Hebreos 8:5

Ko ɨvɨ pɨpendar pa'i rumo i'añeko ɨva pendar ra'anga rese tëi yuvɨreko, yaikwa ni'ä a'e sa'anga tëi, esepia Moisés oyapo potase tüpäro, Tüpä aipo e'i chupe: “Ema'ekwa tuprɨ akoi ɨvɨtrɨve amboyekwa va'e rese ndeu, a'e inungar tuprɨ eyapo.”

Hebreos 9:11

Cristo rumo ou, iyavei a'e ite kurïtëi yande Pa'i Ɨvate katu va'e sekoi mba'e avɨye va'e gweru yandeu. A'e pa'i reikesa rumo nda'ei ava rembiapo nungar tëi, a'e rumo avɨye katu iyavei nda'ei ete ko ɨvɨ pɨpe yapoprɨ.

Hebreos 9:23

Iyakatu ite imoatɨrösa evokoi nungar mba'e mɨmba ruvɨ pɨpe seropove'ëprɨ, esepia ko mba'e ɨva pendar nungar tëi sa'angaposa; ɨva pendar ite rumo ipotasa seropove'ëpɨ̇ra mba'e avɨye katu va'e evokoi sui.

Hebreos 9:25

Iyavei Cristo ndoikei seta yupagwer tüpäro pɨpe mba'e reropove'ë agwä, inungar opakatu pa'i ɨvate katu va'e oyapo yuvɨreko yepi, yuvɨroike tüpäro maräne'ɨ̇ pɨpe vɨropove'ë va'erä mba'e ruvɨ tëi yuvɨreko yepi.