Gálatas 6:2 - Tüpä Ñe'ëngagwer

² Peñepɨtɨ̇vɨ-tɨvɨï katu mba'e yavairai va'e rese, egwë peyese Cristo porokwaita pemboavɨyera.

Tũpa Ñehengagüer

² Peñepɨtɨvɨ-tɨvɨi catu que mbahe yavai rai vahe rese. Ẽgüe peyese, Jesucristo porocuaita pemboavɨyera.

Gálatas 6:2 Iomraidhean Croise

San Mateo 8:17

Egwë e'i omboavɨye Tüpä ñe'ë mombe'usar Isaías rembikwachiagwer, aipo e'i va'e araka'e: “A'e ae vɨrokwa opakatu yande mba'erasɨsa yande sui iyavei oiporara opakatu mba'e tasɨ va'e yande rese.”

San Lucas 11:46

Jesús rumo aipo e'i chupe: –¡Peparaɨsu avei pe, Moisés porokwaita rese oporombo'e va'e!, pemondo rutei porokwaita ambuae porokwaita arɨve yavai va'e ava upe; pe rumo evokoiyase ndapeipɨtɨ̇vɨïmi ete a'e ava imboavɨye agwä rese yuvɨreko.

San Juan 13:34

Ko amondo porokwaita ipɨasu va'e peü: Peyeaɨsu va'erä ñepëi-pëi peiko. Inungar che opoaɨsu pe rereko yepi.

San Juan 15:12

Ko che porokwaita pɨpe aipo e'i: Peyeaɨsu katu ñepëi-pëi inungar che opoaɨsu pe rereko yepi.

Romanos 15:1

Yande yayemovɨräkwä katu va'e Cristo rese yande yeroyasa pɨpe, iyakatu yande teiete yañemosañora ava Tüpä rese ndipɨ'añemoñeta tuprɨ vɨtei va'e rese, nda'ei chira rumo yande ae tëi yayembovɨ'a.

Romanos 8:2

esepia ni'ä, Cristo Jesús rese yaikose, yande kwaisar Espíritu tekovesa mondosar yande renose angaipa povrɨ sui manosa sui avei.

1 Corintios 9:21

Iyavei ava ndoyuvɨrekoi va'e Moisés porokwaita povrɨve, che avei aiko inungar a'e yuvɨrekoi, egwë a'e tuprɨ avei imongere'ɨ̇ agwä yande Yar Tüpä upe vichiko, esepia ni'ä che rekokwer Cristo porokwaitavrɨve ite sekoi.

Gálatas 6:5

Esepia ñepëi-pëi ete yande yakatu yareko yande kwaita imboavɨye agwä.

1 Tesalonicenses 5:14

Che rɨvrɨ eta ko mborokwaita seyasara peü, pemboarakwara akoi ndoporavɨkɨ potai va'e imbo'e katu agwä, pemongere'ɨ̇ ava nikere'ɨ̇ va'e, peipɨtɨ̇vɨï avei akoi ndoyemovɨräkwä tuprɨi va'e gweko agwä rese, peñemosaño avei opakatu ava upe yepi.

Santiago 1:25

Akoi ndasesarai va'e ñe'ësa avɨye va'e sui, iyavei oyapɨsaka tuprɨ va'e ko mborokwaita maräne'ɨ̇ mba'e-mba'e tëi sui yande rerokwa va'e rese, iyavei oyemovɨräkwäño ite va'e oyapo va'erä iporokwaita, a'e ovɨ'aretera opakatu gwembiapo tuprɨ rese.

Santiago 2:12

Evokoiyase peñe'ë tuprɨra iyavei peiko tuprɨ, esepia oporandura yande rekokwer rese yande Yar oporokwaita pɨpe gweru va'e yande reko tuprɨ agwä.

Santiago 2:8

Supiete pemboavɨyese mborokwaita ɨvate katu va'e, inungar Ikwachiaprɨ pɨpe aipo e'i: “Esaɨsu ava ndeyeaɨsu nungar.”

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

2 San Pedro 2:21

Avɨye katura revo ndoikwaise tekokwer i'ɨ̇vi va'e yuvɨreko viña, ñe'ësa kwapare rumo oyepepɨño oyeupe porokwaita avɨye va'e mondore yuvɨreko.

2 San Pedro 3:2

Peyemoma'endu'a araka'endar Tüpä ñe'ë mombe'usar seko katuprɨ va'e ñe'ëngagwer rese; yande Yar Poropɨsɨrösar porokwaita rese avei, akoi Jesús ñe'ë mombe'usar pe mbo'e va'ekwer rese yuvɨreko.

1 San Juan 4:21

Jesucristo ombou ko porokwaita yandeu: akoi osaɨsu va'e Tüpä, tosaɨsu avei omboetasa yuvɨreko.