Gálatas 6:13 - Tüpä Ñe'ëngagwer

¹³ Akoi oyembocircuncida uka tëi va'e avei rumo nomboavɨyei ete opakatu porokwaita remimombe'u yuvɨreko. Oipota rumo pe mbocircuncida ukara oyemboɨvateai agwä pe kwaise evokoi nungar apo yuvɨreko.

Tũpa Ñehengagüer

¹³ Acoi oyembocircuncida uca tẽi vahe avei rumo nomboavɨyei eté opacatu mborocuaita yuvɨreco. Oipota rumo pe mbocircuncida ucara oyemboɨvate ai ãgua pe cuaise evocoi nungar apo yuvɨreco.

Gálatas 6:13 Iomraidhean Croise

San Mateo 23:15

“¡Peparaɨsu katu itera, pe Moisés porokwaita rese oporombo'e va'e, pe avei fariseo, pe inungar ava oñe'ë ñotëi va'e tekokwer rese yuvɨreko yepi!, pegwata opakatu ɨvɨ rupi iyavei paragwasu rovai rupi ava mbo'e, ipare rumo pe remimbo'ekwer mba'e tëi katu pe sui, pe nungar karugwar ratave narä tëi pereko uka.”

San Mateo 23:23

“¡Peparaɨsu katu itera, pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yepi!, yepe pemondo ñepëi-pëi imboopayandepo yovaivesa pe remitɨ̇ menta, anís, comino pereko va'e sui ñepëi Tüpä uve narä viña, pe rumo pepoi ko porombo'esa avɨye katu va'e porokwaita sui, peyapora mba'e i'ɨ̇vi va'e, peporoparaɨsuerekora iyavei pemboavɨye tuprɨra pe kwaita yepi. Ko nungar peyapora peiko, ndaperesarai chira ambuae mba'e peyapo agwä sui.

San Mateo 23:3

Sese, iya peroyaño iyavei peyapo opakatu mba'e semimombe'u; anichira rumo peikora sembiapokwer rupi, esepia a'e omombe'u tuprɨ tëi mba'e, ipare rumo kokotɨ tëi mba'e oyapo yuvɨreko.

San Lucas 5:38

Sese uva rɨkwer ipɨasu va'e ñoñasara mba'e pirer ipɨasu va'e pɨpe avei.

1 Corintios 3:21

Sese, ndapeyeeko mboɨvateai chira ava tëi porombo'esa rupi; esepia opakatu mba'e oime va'e peündar ite:

1 Corintios 5:6

Ndapeyeeko mboɨvateai chira peiko ko mba'e tëi oimese pe pa'üve. Esepia peikwa ni'ä ko ñe'ësa aipo e'i va'e: “Yepe chi'ïmi imondosa mboyape mboapeposa mboyapegwä rese viña, a'e rumo oikepa tuprɨ mboyapegwä rese.”

2 Corintios 11:18

¡Esepia ni'ä seta iteanga ava a'e ae tëi oyemboɨvateai gwekokwer avɨye anga'u va'e tëi pɨpe, sese che avei ayemboɨvatera!

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

2 San Pedro 2:19

Opakatu mba'e apo yaikatu yande reko pɨpe e'i tëi yuvɨreko, a'e ae rumo mbigwai tëi nungar yuvɨrekoi gwekokwerai apo pɨpe, esepia ndoyuvɨnose katui ete ichui, supiete yayapoño itese mba'e tëi, a'e evokoiyase mbigwai nungar ite yande rereko uka.