Gálatas 6:1 - Tüpä Ñe'ëngagwer

¹ Che rɨvrɨ eta, akoi Jesús reroyasar pe pa'ü pendar oyavɨse gwekokwer, perekokwer katuprɨsa pɨpe peipɨtɨ̇vɨï sekokwer moigätu agwä. Pe rekokwer mbegwemisa pɨpe; peikwa katura rumo, avɨyeteramo oyoya voi peyemboangaipa uka tiëtera.

Tũpa Ñehengagüer

¹ Che rɨvɨreta, acoi que Jesús reroyasar pe pãhu pendar oyavɨse güecocuer, pe peico vahe Espíritu rese, peipɨ̃tɨvɨi secocuer moingatu ãgua pe recocuer mbegüemisa pɨpe. Peicua catura rumo, avɨyeteramo oyoya voi peyemboangaipa uca tiẽtera.

Gálatas 6:1 Iomraidhean Croise

San Mateo 11:29

Peroya mborokwaita amondo va'e peü, iyavei peyembo'e katu che rekokwer sui, esepia ni'ä areko ite poroarösa vichiko iyavei che rekokwer yemominisa pɨpe; a'ese ramo ite peyosɨra pɨtu'usa avɨye va'e.

San Mateo 26:69

Pedro, evokoiyase ogwapɨ särö okarve ñachimbrɨ pɨpe öi. A'eve oyemboya kuña ñepëi mbigwai oso sese aipo e'i chupe: –Nde avei akoi eregwata eiko, Jesús Galilea pendar rupi.

San Mateo 26:75

ipare Pedro oyemoma'endu'a Jesús ñe'ë agwer rese: “Akoi takura ñe'ë renondeve mbosapɨ yupagwer rupi, ndaikwai va'e ite aipo mbɨa erera cheu.” Ichui Pedro osë okarve oso, oyase'o iteanga.

San Mateo 9:13

Peso iyavei peyembo'e ikwa agwä ko ñe'ësa resendar: ‘Aipota che peikora poroparaɨsu rekosa pɨpe, anichira mba'e peropove'ë tuprɨ tëi.’ Esepia che ndayui ava seko katuprɨ va'e reka, ayu angaipa viyar reka.

Romanos 14:1

Akoi ava ndoyeroya tuprɨ vɨtei va'e yande Yar rese oikese pe pɨri, peipɨsɨ tuprɨra; ani peiñe'ë poepɨra ipɨ'añemoñetasa nda'oyoyaise pe pɨ'añemoñeta rese.

Romanos 15:1

Yande yayemovɨräkwä katu va'e Cristo rese yande yeroyasa pɨpe, iyakatu yande teiete yañemosañora ava Tüpä rese ndipɨ'añemoñeta tuprɨ vɨtei va'e rese, nda'ei chira rumo yande ae tëi yayembovɨ'a.

Romanos 8:6

Iyavei akoi gwemimbotarai rese tëi ipɨ'añemoñeta va'e, a'e omano tëietera yuvɨreko; ipɨ'añemoñeta va'e rumo Espíritu suindar mba'e rese vɨrekora tekovesa apɨre'ɨ̇ va'e mba'e tuprɨ pɨpe yuvɨreko.

1 Corintios 10:12

Sese, akoi ava oyeeko movɨräkwä tuprɨ pota va'e, toñearö katu ovɨapi e'ɨ̇ va'erä mba'e tëi pɨpe.

1 Corintios 14:37

Akoi pe pa'ü pendar che Tüpä ñe'ëngagwer mombe'usar aiko e'iño tëi va'e, anise aikwa Espíritu suindar mba'e e'i va'e, iya rumo oikwa tuprɨ ko aikwachia va'e imondo peü, a'e yande Yar porokwaita resendar.

1 Corintios 2:15

Akoi ava vɨreko va'e rumo Tüpä Espíritu opɨ'a pɨpe oikatu opakatu mba'e kwa agwä, iyavei ndipoi chietera ava oikatu va'e imondo mba'e tëi pɨpe.

1 Corintios 3:1

Che rɨvrɨ eta, ndapegwata tuprɨi pɨ'a ñemoñetasa avɨye va'e rupi, pe rumo pegwataño vɨte ava tëi pɨ'a ñemoñetasa rupi peiko, pe pɨ'a ñemoñetasa inungar pitani pɨ'a ñemoñetasa tëi Cristo rese.

1 Corintios 4:21

¿Mba'e vo peipota peiko: peipota tie aso poronupasa reseve, anise tie asora mba'e tuprɨ pɨpe pe repia?

1 Corintios 7:5

Ndiyai peate'ɨ̇ oyeupe, oyoya rumo yayapo eme mba'e peyese peyeupe pe yerokɨ agwä Tüpä upe, a'e avɨyeño. Ndiyai rumo peyoeya pukura, avɨyeteramo ndapeñemosaï chira, ipɨpe sui avɨyeteramo Karugwar peätoi tiëtera.

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Corintios 2:7

Ko suive ite rumo peñeröira chupe, peipɨtɨ̇vɨï aveira, esepia avɨyeteramo ovɨ'are'ɨ̇sa pɨpe oyemokañɨ tëira.

2 Corintios 2:8

Sese kurïtëi opomongere'ɨ̇ pe mboyekwa iri agwä pe poroaɨsusa chupe.

Gálatas 5:23

yayemominiñora iyavei yande rekorä rese yañearö tuprɨra. Evokoi nungar yayapose, ndipoi ete porokwaita pɨpe yande yeamotare'ɨ̇ agwä.

Gálatas 6:18

Che rɨvrɨ eta, yande Yar Jesucristo oporoaɨsusa pɨpe taperovasa opakatu pe rereko. Amén.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

2 Tesalonicenses 3:15

Pereko eme katu yamotare'ɨ̇sa pɨpe, iyakatu rumo pemboarakwa katuñora inungar yande rɨvrɨ.

2 Timoteo 2:25

iyavei omboarakwara gwekoasɨ e'ɨ̇sa pɨpe akoi ava ndiporeroyai va'e, esepia avɨyeteramo Tüpä osekuñaröra ipɨ'añemoñeta raisa oyeupe yevɨ iri agwä, ipɨpe sui porombo'esa supiete va'e oikwara yuvɨreko.

Hebreos 12:13

ipare peseka perɨ i'ɨ̇vi va'e pe rekokwer upe narä toigätu che pɨ ndogwatai va'e pe yapave timarä katu iri eme pe'esa pɨpe.

Hebreos 13:3

Peyemoma'endu'a avei sokendaprɨ rese inungar-ra pe avei supive sokendaprɨ peiko va'e viña. Iyavei peyemoma'endu'a ava marä-marä tëi serekoprɨ rese, esepia avɨyeteramo egwë e'i aveira yuvɨreko peü.

Santiago 3:13

Akoi oimese pe pa'üve yarakwa va'e oyapɨsaka va'e avei, tomboyekwa katu gweko katuprɨsa, gweko mbegwesa avei omba'ekwa tuprɨsa pɨpe.

Santiago 3:2

Opakatu ite oime mba'e yande rembiavɨ naporäi va'e yepi; oimese ñepëi ava ndoyavɨi va'e oñe'ë, a'e ava seko ɨ̇vi tuprɨ va'e, oikwa avei opakatu gwekokwer rereko tuprɨ agwä.

1 San Pedro 3:15

pemboeteira rumo Cristo pe Yar sekosa rese pe pɨ'a pɨpe. Peyemoigätu voira ava pe remiarö rese oporanduse peü pe kere'ɨ̇sa pɨpe imombe'u tuprɨ agwä,

1 San Juan 5:16

Akoi osepia va'e yande mboetasa Tüpä reroyasar oyemboangaipa va'e, a'e rumo nda'ei manosave narä, oyerurera sese, evokoiyase Tüpä omondora sekove agwä chupe, oime rumo angaipa a'e gweru manosa, peyerure evokoi nungar angaipa rese nda'ei peü.