Gálatas 5:5 - Tüpä Ñe'ëngagwer

⁵ Yande rumo yande kere'ɨ̇sa pɨpe yayeroya yande reko katuprɨ agwä rese, egwë ya'e Espíritu yande pɨtɨ̇vɨïsa pɨpe Jesús rese yeroyasa pɨpe avei.

Tũpa Ñehengagüer

⁵ Yande rumo yande querẽhɨsa pɨpe yayeroya yande reco catuprɨ ãgua rese. Ẽgüe yahe Espíritu yande pɨ̃tɨvɨisa pɨpe iyavei Jesús rese yeroyasa pɨpe avei.

Gálatas 5:5 Iomraidhean Croise

Romanos 5:21

Evokoiyase inungar angaipa ipirätä yandeu yande mano agwä, egwë e'i avei Tüpä oporovasasa ipirätä va'e pɨpe yande reko mo'ɨ̇vi tuprɨ agwä iyavei ombou tekovesa apɨre'ɨ̇ yareko va'erä yande Yar Jesucristo rese.

1 Corintios 1:7

Ko pɨpe sui ni'ä nipanei ete Tüpä porovasasa pesärö va'e peiko yande Yar Jesucristo yevɨ agwä kuri.

Efesios 2:18

Esepia Cristo rembiapo pɨpe sui ni'ä oyoya yande judío iyavei nda'ei va'e judío yaiko va'e yayemboya va'erä Tüpä rese Espíritu ñepëi va'e pɨpe.

Filipenses 3:9

iyavei sese chereko agwä; nda'ei porokwaita mboavɨyesa rese tëi aseka che reko katuprɨ agwä, che rumo aseka Jesucristo rese che yeroyasa pɨpe sui egwë a'e va'erä, egwë e'i ete Tüpä che pɨsɨ seko katuprɨ va'e nungar Cristo rese che yeroyasa pɨpe.

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

2 Tesalonicenses 3:5

Yande Yar tape pɨtɨ̇vɨï pe poroaɨsu agwä inungar Tüpä oporoaɨsu, iyavei perekora Cristo pirätäsa pe paraɨsusa pa'üve.

2 Timoteo 4:8

Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Tito 2:13

yasärö yande vɨ'aretesa pɨpe imombe'uprɨ sekoi va'e: oyevɨse kuri vɨ'aretesa yande Yar Tüpä iyavei Pɨsɨrösar Jesucristo.