Gálatas 5:4 - Tüpä Ñe'ëngagwer

⁴ Iyavei perekokwer pereko pota tëi teko katuprɨsa porokwaita reroyasa pɨpe, peyepepɨ ite Cristo sui; evokoiyase Tüpä porovasasa avei pemokañɨ tëi peyesui.

Tũpa Ñehengagüer

⁴ Pe pereco catuprɨ pota tẽi vahe Tũpa rovaque evocoi porocuaita tẽi reroya pɨpe, peyepepɨ ité Cristo sui. Evocoiyase Tũpa porovasasa avei pemocañɨ tẽi peyesui.

Gálatas 5:4 Iomraidhean Croise

Romanos 11:6

Iyavei Tüpä poroaɨsusa pɨpe ite yuvɨrekoise, nda'ei rumo mba'e sembiapokwer rese egwë e'i sereko; esepia egwë e'ise viña, Tüpä poroaɨsusa nda'e iri chietera poroaɨsusa sekoi.

Romanos 3:20

esepia ndipoi chietera ñepëi seko avɨye va'e Tüpä rovake ko porokwaita mboavɨye pɨpe, a'e mborokwaita rumo oikwa uka yande angaipa viyar yande reko.

Gálatas 2:21

Che naroɨrö potai Tüpä porovasasa; esepia oimese mba'e avɨye va'e porokwaita reroyasa pɨpe, a'ese Cristo omano tuprɨ tëietera viña.

Gálatas 5:2

Pesendu che ñe'ë. Che Pablo aipo a'e peü, akoi peyembocircuncida ukase, a'ese egwë e'i tëi va'e Cristo pereko.

Hebreos 12:15

Peñearö tuprɨ katu, tipo eme ava ndoipɨsɨi va'e Tüpä porovasasa pe pa'üve, iyavei tipo eme mba'e tëi ava pɨ'a pɨpe, avɨyeteramo opakatu rese ova tiëtera.

Hebreos 4:1

Oime vɨte Tüpä remimombe'u yande yaike va'erä ipɨri yande pɨtu'u agwä, sese iya ite yañearö tuprɨ, avɨyeteramo ñepëi pe pa'ü pendar ndoikei chira.

Apocalipsis 2:5

Sese peyemoma'endu'a yɨpɨndar pe rekokwer avɨye va'e rese; pemboasɨ mba'e pe rembiapo peyevɨ Tüpä upe; peyeaɨsu iri katu inungar yɨpɨndar. Anise ayevɨra peü, arokwapara oro apoprɨ tataendɨ rɨru pe sui akoi ndapeyevɨise Tüpä upe.