Gálatas 5:26 - Tüpä Ñe'ëngagwer

²⁶ Ndayayemboɨvateai chira, esepia ipɨpe sui yayeamotare'ɨ̇, yaipotarai avei yande mboetasa rekokwer nungar yande reko agwä.

Tũpa Ñehengagüer

²⁶ Ndayayemboɨvate ai chira. Esepia, ipɨpe sui yayeamotarẽhɨ, yaipota rai avei yande mboetasa recocuer nungar yande reco ãgua.

Gálatas 5:26 Iomraidhean Croise

San Lucas 14:10

Akoi nde so'ose pietasave yuvɨreko, a'eve eregwapɨra tenda ipami va'e arɨve, oyevɨirise ou akoi nde so'o ukasar, aipo e'ira ndeu: ‘Che mborɨpar, erio ko'ave tenda imboeteiprɨ katu va'esave.’ A'ese ereipɨsɨra poromboeteisa opakatu ogwapɨ va'e karusa renda rovai yuvɨreko.

1 Corintios 3:7

Evokoiyase ndiyai peyeroya mba'e tɨ̇sar rese tëi, imboɨ'usar rese tëi avei, peyeroya katura rumo Tüpä rese, a'e ni'ä pe reko momirätä katu pe rereko.

Gálatas 5:15

Peikwa katu, esepia peyeupeae tëi peyapose mba'e-mba'e, a'ese peñemokañɨpa tëietera peae peiko.

Filipenses 4:15

Iyavei pe Filipo pendar peikwa akoi yɨpɨndar peipɨsɨse pɨsɨrösa resendar Tüpä ñe'ëngagwer akoi che sose Macedonia sui, ndipoi ete Jesús reroyasar ambuae tekwa pendar iporereko va'e yuvɨreko che rese, pe gweraño pembou pe porerekosa, avɨye pe esa pɨpe che pɨtɨ̇vɨï agwä.

Santiago 4:16

Pe rumo peñe'ëño pe yemboɨvateaisa pɨpe mba'e pe rembiaporä rese; opakatu evokoi nungar mba'e rumo naporäi.

1 San Pedro 5:5

Iyavei pe mbɨa chi'ïvä'e peiko va'e, pemboyeroyara ava Jesús ñe'ë rärösar. Iyavei opakatu peyemboyeroyara pe reko mbegwesa pɨpe, esepia aipo e'i Ikwachiaprɨ pɨpe: “Tüpä ava oyeeko mboɨvateai va'e amotare'ɨ̇mbar sekoi, ava seko mbegwemi va'e upe rumo ombou oporovasasa.”