Gálatas 5:24 - Tüpä Ñe'ëngagwer

²⁴ Cristo Jesús rese yuvɨrekoi va'e rumo, opa omombo gwekokwerai ko ɨvɨ pɨpendar tëi oyesui yuvɨreko, gwemimbotarai opɨ'añemoñeta raisa avei.

Tũpa Ñehengagüer

²⁴ Jesucristo rese ité yuvɨrecoi vahe rumo, opa ité omombo güecocuerai co ɨvɨ pɨpendar tẽi oyesui yuvɨreco, güemimbotarai, opɨhañemoñeta raisa avei no.

Gálatas 5:24 Iomraidhean Croise

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

Romanos 6:6

Yaikwa avei ni'ä yɨpɨndar yande rekokwerai yatɨkaprɨ nungar kurusu rese Cristo rupive, yande rekokwerai mokañɨpa agwä egwë ya'e yaiko, ipɨpe sui ndayaiko iri chira angaipa povrɨve tëi.

Romanos 8:13

Esepia peikoño vɨtese pe remimbotarai pɨpe, a'ese pekañɨ tëira; pemombopase rumo Espíritu rer pɨpe mba'e naporäi va'e peyesui, a'ese perekora tekovesa apɨre'ɨ̇.

Romanos 8:9

Pe rumo ndapeiko iri pe remimbotarai pɨpe, peiko Espíritu rese, esepia Tüpä Espíritu sekoi perese. Akoi ndovɨrekoi va'e Espíritu Cristo suindar oyese, a'e nda'ei ete Cristo suindar.

1 Corintios 15:23

Ñepëi-pëi yandeu imombe'usa rupi; yɨpɨndar rumo Cristo okwerayevɨra, ichui yande seroyasar yaiko va'e yakwerayevɨ aveira Cristo oyevɨse kuri.

1 Corintios 3:23

iyavei pe ni'ä Cristo upendar, Cristo evokoiyase Tüpä upendar sekoi.

1 Corintios 6:13

Aipo e'i avei yuvɨreko: “Tembi'u yande avɨter upe narä, iyavei yande avɨter evokoiyase yande rembi'u upe narä.” Evokoi spiete, Tüpä opara omokañɨ ñuvɨrïo mba'e evokoi nungar. Yande retekwer rumo ndikwaitai yagwasa tëi va'erä, a'e rumo yande Yar upe narä. Esepia yande retekwer nda'ei yemboagwasasa angaipa upe narä tëi, a'e yande Yar upe narä ite, iyavei yande Yar sekoi yande rete upe narä.

2 Corintios 10:7

Pe rumo pema'eño tëi a'e ava rekokwer rese. Akoi ava pe pa'ü pendar oikwa va'e Cristo rese gwekosa, toikwa tuprɨ avei ore Cristo rese ore rekosa yuvɨreko.

Gálatas 2:20

sese nda'e iri che ite aikove, esepia Cristo rumo che rese sekoi. Sese ite ayeroya che retekwer pɨpe che rekove agwä, a'e ni'ä oyemondo omano agwä che raɨsupave.

Gálatas 3:26

pe ni'ä opakatu Tüpä ra'ɨrɨ peiko Cristo Jesús rese yeroya pɨpe,

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Gálatas 3:29

Iyavei Cristo suindar peikose, evokoiyase Abraham suindar tuprɨ ite peiko, a'ese peipɨsɨra Tüpä remimombe'u porerekosa yandeundar.

Gálatas 5:20

mba'e ra'anga upe yerure tëisa, yembopayesa, ñeroɨrösa, ñe'ëpoepɨ-epɨsa iyavei ambuae ava mba'e pota raisa; ñemoɨrö seraisa, yemboya'o-ya'osa, pɨ'añemoñeta yoyae'ɨ̇sa.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Efesios 3:1

Sese che Pablo, sokendaprɨ aiko ko'ave Cristo Jesús rekokwer mombe'usa sui tëi, nda'ei va'e judío peiko va'e rekokwer avɨye agwä rese egwë a'e.

Efesios 3:11

Egwë e'i, Tüpä opɨ'añemoñeta ndopai va'e mboavɨye agwä, yande Yar Cristo Jesús rese.

Efesios 3:6

Ko ñe'ësa ndikwasai va'e pɨpe: Tüpä oñe'ë opakatu ava ɨvɨ pɨpendar upe yaiko va'erä Cristo Jesús rese, yaipɨsɨ va'erä avei iporovasasa oyoya tuprɨra tekwa Israel pendar rese kuri.

Colosenses 2:11

Ichui avei imbocircuncidaprɨ peiko, nda'ei rumo pe rete rese yaposa ava tëi rembiapo, ko rumo Tüpä oyapo va'e pe rekokwer rese, peiko va'erä Cristo rese, ipɨpe sui omokañɨpa pe angaipa pe sui.

1 San Pedro 2:11

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe.