Gálatas 5:22 - Tüpä Ñe'ëngagwer

²² Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Tũpa Ñehengagüer

²² Yayapose rumo Espíritu remimbotar, yande evocoiyase yayeaɨsura, yande rorɨvetera, yaicora mbahe tuprɨ pɨpe, yande reco mbegüera, yaporoaɨsura yande reco avɨyesa pɨpe, yamboyecuara yande cuaita mboavɨyesa,

Gálatas 5:22 Iomraidhean Croise

San Mateo 12:33

“Ɨvɨra avɨyese, i'a avei avɨyera; ɨvɨra naporäise, i'a avei naporäi chira; sese ɨvɨra ikwasa i'a tuprɨsa rese.

San Lucas 13:9

Evokoi rese revo avɨyeteramo i'ara; anise ite rumo, ereyasɨa uka ñoitera.’ ”

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 15:2

Akoi ñepëi che remitɨ̇ räkä ndi'aise cheu; a'e oyasɨara vɨrokwara säkä ichui omoatɨrö tuprɨ katu aveira sereko, ti'a katu oyapave.

San Juan 15:5

“Che ni'ä uva ɨ nungar ite aiko, pe evokoiyase säkä nungar peiko. Akoi sekoi va'e che rese, che avei aiko sese, a'e i'a vai etera o'ä; che pore'ɨ̇ rumo ndapeikatui chietera mba'e apo agwä yepi.

Romanos 14:17

Esepia Tüpä mborerekwasave ndikwasai mba'e ya'u va'e yaɨ'u va'e avei, a'e rumo oipota yande reko tuprɨ agwä, mba'e avɨye va'e pɨpe iyavei Espíritu Maräne'ɨ̇ rese yande reko agwä.

Romanos 15:14

Che rɨvrɨ eta, ayeroya ite pe reko avɨyesa rese, esepia opakatu mba'e peikwapa tuprɨ ite, peikatu avei pe ñepëi-pëi peyeupe pe yemboarakwa agwä;

Romanos 15:3

Esepia Cristo nda'ei a'e ae tëi oyemo'äpɨsɨ oiko; a'e rumo oyapo mba'e Ikwachiaprɨ mombe'usa rupi tuprɨ ite: “Nde rese ñe'ë-ñe'ë tëi opa che aipɨsɨ.”

Romanos 15:30

Che rɨvrɨ eta, yande Yar Jesucristo rer pɨpe iyavei yeaɨsusa Espíritu ombou va'e pɨpe avei, aporandu peü opakatu che rese peyerure pirätä va'erä Tüpä upe che pɨtɨ̇vɨï agwä ko mboravɨkɨ rese.

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

Romanos 7:4

Che rɨvrɨ eta, pe ni'ä egwë peye avei Cristo rese; Cristo manosa sui nda'e iri porokwaitavrɨve peiko Cristo rese peiko agwä, a'e ni'ä akoi okwerayevɨ va'e, sese yande rekokwer egwë nde'i tëi va'e Tüpä upe.

Romanos 8:5

Esepia akoi yuvɨrekoi va'e gwemimbotar tëi pɨpe, gwekokwerai reseño tëi ipɨ'añemoñeta yuvɨreko; yuvɨrekoi va'e Espíritu semimbotar rupi, a'e ipɨ'añemoñeta Espíritu rembiapo rese yuvɨreko.

1 Corintios 13:13

Ko oime mbosapɨ mba'e ndopai va'erä a'e: Tüpä rese yande yeroyasa, mba'e yande remiarö ɨvave oime va'e iyavei yande yeaɨsusa; ko imombosapɨsa rumo avɨye katu va'e ite ambuae sui yandeu, a'e yeaɨsusa yepi.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

Efesios 4:23

Pesekuñarö katu pe pɨ'a ñemoñetaraisa yɨpɨndar pereko va'e,

Efesios 5:9

esepia poroesapesa pɨpe yande rekose, yayapo opakatu mba'e tuprɨ ava upe yande reko ɨ̇vi tuprɨsave, mba'e supi tuprɨ va'e pɨpe.

Filipenses 1:11

perekora pe rekokwer avɨye va'e ite Jesucristo ombou va'e peü Tüpä mboetei agwä.

Colosenses 1:10

Ipɨpe sui tapegwata tuprɨ yande Yar rupi seroyasar tuprɨ pe rekosa pɨpe, tapemboavɨye tuprɨ opakatu semimbotar, mba'e pe rembiapo tuprɨ pereko katura sovake, ipɨpe sui avei tapeikwa tuprɨ katu Tüpä rekokwer peiko.

2 Tesalonicenses 3:2

Peyerure avei ore repɨ agwä rese ava ndasekoporäi va'e, ipɨ'a ñemoñeta rai va'e sui, esepia ni'ä ndaopakatui Tüpä rese ipɨ'añemoñeta yuvɨreko.

1 Timoteo 3:11

Iyavei sembireko yuvɨrekoira oporomboeteisa pɨpe, nima'echiröi chira, osärö tuprɨra gwekokwer yuvɨreko, imboyeroyaprɨ aveira opakatu mba'e rese yuvɨreko.

1 Timoteo 4:12

Tipo eme ava nde reroɨrö va'e chi'ïvä'e katu nde reko rese; nde rumo ereiko tuprɨra Tüpä reroyasar rovake. Eñe'ë Tüpä reroyasave nde reko tuprɨsa pɨpe. Esaɨsu tuprɨ nde yeroyasave nde rekokwer maräne'ɨ̇ pɨpe.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 1:8

Pe ni'ä pesaɨsu yande Yar Jesucristo, yepe ndapesepiai viña; kurïtëi rumo sepia e'ɨ̇ pɨpe peyeroya sese, pereko ite pe vɨ'aretesa tuvicha va'e, avɨye katu va'e avei, ndapeikatui rumo imombe'u agwä,

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!