Gálatas 5:18 - Tüpä Ñe'ëngagwer

¹⁸ Akoi Espíritu pe rerogwatase, a'ese nda'e iri chira Moisés porokwaita povrɨve tëi peiko.

Tũpa Ñehengagüer

¹⁸ Acoi Espíritu ité pe reroguatase, ahese ndahe iri chiaveira Moisés porocuaitavrɨve peico.

Gálatas 5:18 Iomraidhean Croise

San Juan 16:13

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Romanos 7:4

Che rɨvrɨ eta, pe ni'ä egwë peye avei Cristo rese; Cristo manosa sui nda'e iri porokwaitavrɨve peiko Cristo rese peiko agwä, a'e ni'ä akoi okwerayevɨ va'e, sese yande rekokwer egwë nde'i tëi va'e Tüpä upe.

Romanos 8:12

Egwë e'i che rɨvrɨ eta, yareko yande kwaita, nda'ei rumo yande remimbotarai pɨpe yande reko agwä.

Romanos 8:14

Esepia opakatu ava Tüpä Espíritu remimbo'e, a'e Tüpä ra'ɨrɨ ite yuvɨrekoi.

Gálatas 5:16

Pesendu che ñe'ë: Espíritu pirätäsa pɨpe katu peiko yepi, iyavei pesekai rene mba'e pe remimbotarai tëi.

Gálatas 5:23

yayemominiñora iyavei yande rekorä rese yañearö tuprɨra. Evokoi nungar yayapose, ndipoi ete porokwaita pɨpe yande yeamotare'ɨ̇ agwä.

Gálatas 5:25

Yande yaikose Espíritu pirätäsa rese, a'ese Espíritu rupi ete yagwatara.

1 Timoteo 1:9

Yaikwa avei akoi porokwaita nda'ei ava avɨye va'e upe narä. A'e rumo ndiporeroyai va'e mboarakwa agwä, ndayarakwa potai va'e upe narä, angaipa viyar upe narä avei, opakatu mba'e-mba'e tëi aposar upe narä avei, nomboetei va'e Tüpä iyavei chupendar pɨ'a ñemoñetasa; akoi vu, osɨ oyuka va'e; opakatu ava oporapichi va'e upendar,

2 Timoteo 1:7

Esepia Tüpä nomboui sɨkɨyesa yandeu, a'e rumo ombou yande reko movɨräkwäsa, poroaɨsusa, iyavei yande mbopɨ'añemoñeta tuprɨ agwä.