Gálatas 5:16 - Tüpä Ñe'ëngagwer

¹⁶ Pesendu che ñe'ë: Espíritu pirätäsa pɨpe katu peiko yepi, iyavei pesekai rene mba'e pe remimbotarai tëi.

Tũpa Ñehengagüer

¹⁶ Pesendu che ñehe: Espíritu pĩratasa pɨpe catu peico yepi. Iyavei peyapoi rene mbahe pe remimbotarai.

Gálatas 5:16 Iomraidhean Croise

Romanos 6:12

Sese ani peiko vɨte angaipa povrɨve tëi, iyavei pe kwai agwä pe remimbotarai mboyeroyasa pɨpe tëi.

Romanos 8:1

Egwë e'i ete, kurïtëi rumo ndipo iri ñemoɨrösa yandeu Cristo Jesús rese yaikose,

1 Corintios 7:29

Che rɨvrɨ eta, aipo mba'e amombe'u pota peü: Ndipukuvei ko arɨ naporäi va'e yepota agwä yandeu. Sese ko pɨpe suive tuprɨ omenda va'e toyuvɨrekoi nomendai va'e nungar yande Yar rese opɨ'a ñemoñetasa pɨpe;

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Gálatas 3:17

Ko mba'e amombe'u pota peü: evokoi porokwaita Tüpä ombou va'ekwer cuatrocientos treinta aravɨter pare, ndoikatui chietera Tüpä ñepëi reseve Abraham upe omombe'u va'ekwer iyavei oñe'ë omboavɨye va'erä mboye'o agwä.

Gálatas 6:8

Akoi ava oyapo va'e mba'e gwemimbotarai pɨpe, a'e oipɨsɨra kañɨsa apɨre'ɨ̇ va'e. Akoi oyapo va'e mba'e Espíritu remimbotar rupi, a'e oipɨsɨra tekovesa apɨre'ɨ̇ va'e yuvɨreko.

Efesios 2:3

Yɨpɨndar opakatu yande avei yagwata, yande remimbotar rupi tëi yande rekokwerai pɨpe, yande pi'añemoñeta raisa rupi tëi avei yayapo mba'e. Sese Tüpä ñemoɨrösa yaipɨsɨra opakatu ambuae ava rupive avei.

Colosenses 2:11

Ichui avei imbocircuncidaprɨ peiko, nda'ei rumo pe rete rese yaposa ava tëi rembiapo, ko rumo Tüpä oyapo va'e pe rekokwer rese, peiko va'erä Cristo rese, ipɨpe sui omokañɨpa pe angaipa pe sui.

1 San Pedro 1:14

Ta'ɨrɨ iporeroya va'e pe rekosa pɨpe ndapeikoi chira mba'e pe remimbotarai pɨpe, akoi pereko va'ekwer peyese Tüpä rekokwer kwae'ɨ̇ vɨteseve.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 2:11

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe.

1 San Pedro 4:6

Sese ni'ä ko ñe'ësa pɨsɨrösa resendar imombe'usa ava omano va'e upe, yuvɨrekoi va'erä espíritu pɨpe, Tüpä remimbotar rupi, yepe ko ɨvɨ pɨpe yuvɨrekoira mba'e tëi pɨpe viña, inungar ambuae ava oyapo yuvɨreko.