Gálatas 4:8 - Tüpä Ñe'ëngagwer

⁸ Yɨpɨndar mba'e ra'anga tüpä anga'u rembigwai tëi peiko Tüpä kwae'ɨ̇ pɨpe.

Tũpa Ñehengagüer

⁸ Yɨpɨndar tũpa angahu rembiguai tẽi peico Tũpa ité cuaẽhɨ pɨpe.

Gálatas 4:8 Iomraidhean Croise

San Juan 1:10

Akoi Ñe'ësa sekoi va'e ko ɨvɨ pɨpe; yepe Tüpä oyapo ɨvɨ ichui viña, ɨvɨ pɨpendar rumo ndoikwai ete sekoise yuvɨreko.

Los Hechos 14:12

Iyavei aipo e'i Bernabé upe yuvɨreko a'e sekoi tüpä Zeus, Pablo upe tüpä Hermes e'i yuvɨreko, esepia ni'ä a'e akoi oñe'ë katu va'e ite oiko.

Los Hechos 17:23

Asepiase peyeruresa rëtä pɨpe, a'eve asepia avei ikwachiaprɨ mba'e seropove'ëprɨ rendave aipo e'i öi: ‘Tüpä ndikwasai va'e’. Supiete, peyerure mba'ekwa e'ɨ̇sa pɨpe, sese che ayu imombe'u agwä peü.”

Romanos 1:23

esepia Tüpä nomanoi va'e seko porañete va'e mboetei rägwer sui, omboetei ava okañɨ tëi va'e ra'anga iyavei vɨräi, opakatu mba'e mɨmba, mboi tëi avei omboetei yuvɨreko.

Romanos 1:28

Esepia ndoikwa potai ete Tüpä yuvɨreko, a'e evokoiyase opoi ete ichui toyapoño ayase mba'e ndipotasai va'e gweko raisa pɨpe yuvɨreko oya chupe.

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

1 Corintios 12:2

Pe ni'ä kurïtëi peikwa tuprɨ ite yɨpɨndar Tüpä rese peiko e'ɨ̇ vɨtese, peyembopa uka mba'e ra'anga egwë e'i tëi noñe'ëi va'e upe peiko.

1 Corintios 8:4

Evokoiyase ko mba'e ra'anga upe tëi seropove'ëprɨ mba'e mɨmba yukaprɨ u agwä rese añe'ë, yande ni'ä yaikwa ko mba'e ra'anga egwë e'i tëi va'e ko ɨvɨ pɨpe, esepia oime ñepëi gweraño ite Tüpä.

Gálatas 4:3

Egwë ya'e avei yande yaiko: yande chi'ïvä'emise porokwaita povrɨve tëi yaiko ko ɨvɨ pɨpe.

Efesios 4:18

ndoikatui mba'e rendukwa tuprɨ agwä yuvɨreko. Iyavei ndovɨrekoi tekovesa Tüpä suindar oyese, esepia ndoikwai Tüpä ñe'ë opɨ'añemoñeta e'ɨ̇sa pɨpe yuvɨreko.

1 Tesalonicenses 1:9

Esepia a'e avei omombe'u yuvɨreko oreu akoi oreso agwer pe pɨri, pe ore pɨsɨ tuprɨ agwer resendar avei, omombe'u avei mba'e ra'anga sui pe poi agwer Tüpä oikove va'e rupi pe gwatasa yuvɨreko, pe chupe narä mba'e apo agwä aveino

1 Tesalonicenses 4:5

peikoi rene ava Tüpä ndoikwai va'e reko pɨpe pe remimbotar tëi apo agwä.

2 Tesalonicenses 1:8

A'e oura opakatu Tüpä reroyasare'ɨ̇ mombaraɨsu agwä iyavei yande Yar Jesús ñe'ësa poropɨsɨrösa resendar rendu tëisar mombaraɨsu avei.

1 San Pedro 4:3

Egwë peye puku rane ni'ä pe rembiapoai pɨpe peiko ava Tüpä reroyasare'ɨ̇ rekokwer nungar rupi tuprɨ. A'ese mba'e-mba'e tëi peyapo pe pɨ'añemoñeta raisa pɨpe, savaɨposa, pietasave pe räse tëi pɨpe pe arakwasa pemokañɨ peɨ'u tëisa pɨpe, pemboetei avei mba'e ra'anga tëi peiko.

1 San Juan 3:1

Esepia marä e'i rutei yande Ru Tüpä yande raɨsu, sese ava Tüpä ra'ɨrɨ e'i yuvɨreko yandeu, a'e ite ni'ä yaiko. Sese ko ɨvɨ pɨpendar ndayandekwai yuvɨreko, esepia ndoikwai avei Tüpä rekokwer yuvɨreko.