Gálatas 4:5 - Tüpä Ñe'ëngagwer

⁵ egwë e'i ou opakatu yande renose agwä evokoi porokwaita povrɨ sui Tüpä ra'ɨrɨ yande reko agwä

Tũpa Ñehengagüer

⁵ Ẽgüe ehi ou opacatu yande renose ãgua evocoi mborocuaitavrɨ sui Tũpa rahɨr ité yande reco ãgua.

Gálatas 4:5 Iomraidhean Croise

San Mateo 20:28

Esepia ava ɨvate katu va'e Ra'ɨrɨ, ndoui ava i'añeko va'erä yuvɨreko sese, a'e rumo ou ava rese oañeko agwä iyavei omondo va'erä gwekokwer ava re'ɨi repɨrä.

San Lucas 1:68

“¡Imboeteiprɨ tasekoi yande Yar, Tüpä Israel pendar, esepia ni'ä a'e ou gwekwa pɨsɨrö agwä!

San Juan 1:12

Opakatu rumo akoi oipɨsɨ va'e seroyasave, a'e chupe omondo ñekuñarösa Tüpä Ra'ɨrɨ seko agwä yuvɨreko.

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

Romanos 10:4

Esepia Cristo rekokwer pɨpe imboavɨyesa tuprɨ porokwaita, ipɨpe sui opakatu vɨreko va'e yeroyasa a'e seko katuprɨra yuvɨreko.

Romanos 8:14

Esepia opakatu ava Tüpä Espíritu remimbo'e, a'e Tüpä ra'ɨrɨ ite yuvɨrekoi.

Romanos 8:15

Supiete pe ndapeipɨsɨi Espíritu mba'e-mba'e tëi resendar pereraso iri va'erä sɨkɨyesa pɨpe, Espíritu pemoingo Tüpä ra'ɨrɨ nungar ete. Sese Espíritu yande reraso Tüpä upe, aipo e'i: “¡Abbá! ¡Che Ru!”

Romanos 8:19

Opakatu ava ɨvɨ pɨpendar osärö vɨte ite okere'ɨ̇sa pɨpe yuvɨreko, osepia pota avei teko porañete Tüpä ta'ɨrɨ yande rekose yuvɨreko.

Romanos 8:23

Nda'ei rumo a'e gweraño iparaɨsu yuvɨreko, yande avei egwë ya'e, yande yareko ite Espíritu a'e yɨpɨndar va'e yaipɨsɨ va'erä ichui kuri. Yayemombaraɨsu yasärö vɨte yande kere'ɨ̇sa pɨpe Tüpä ra'ɨrɨ ite yande rereko agwä, ipɨpe sui yande retekwer opara sekuñarösa kuri.

Romanos 9:4

A'e Israel suindar yuvɨrekoi, iyavei Tüpä oiporavo va'e gwa'ɨrɨ nungar sereko. Tüpä sekoi ipa'üve gwendɨgwer porañetesa pɨpe, omondo avei oñe'ë teko tuprɨsa resendar chupe, iyavei Moisés porokwaita, yeruresa iyavei mba'e seropove'ëpɨ̇ra chupe.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Gálatas 3:26

pe ni'ä opakatu Tüpä ra'ɨrɨ peiko Cristo Jesús rese yeroya pɨpe,

Gálatas 4:21

Pe mombe'u mba'e cheu, peiko pota va'e Moisés porokwaita povrɨve: ¿Ndapesendukwai vo porokwaita pɨpe aipo e'i va'e?

Gálatas 4:7

Sese yande Tüpä ra'ɨrɨ ite yaiko, nda'e iri kurïtëi mbigwai tëi nungar, Tüpä ra'ɨrɨ yande reko pɨpe a'e ombou aveira oporerekosa yande ma'erä.

Efesios 1:5

ipɨpe avei yɨpɨsuive yande pɨsɨ gwa'ɨrɨgwä Jesucristo yande pɨsɨrösa pɨpe gwemimbotar rupi.

Efesios 1:7

Tüpä yande raɨsu eteprɨsa pɨpe yande pɨsɨrö Gwa'ɨrɨ ruvɨ pɨyeresa pɨpe yande angaipa rese ñeröi agwä,

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 1:3

A'e ni'ä Tüpä rekokwer porañetesa sekoi, egwë e'i ete, a'e Tüpä rekokwer tuprɨ ite, a'e opakatu mba'e omovɨräkwä oñe'ë pirätäsa pɨpe. Yande angaipagwer sui yande moatɨrö pare oso, ogwapɨ Tüpä akato kotɨ öi ɨvave,

Hebreos 9:12

Cristo rumo oike imaräne'ɨ̇ katu va'esave ɨvave, nda'ei rumo ovesa iyavei gwaka ra'ɨrɨ ruvɨ reropove'ë agwä, a'e rumo vɨropove'ë vuvɨ ite opakatu rese; egwë e'i a'e ñepëi reseve oike apɨre'ɨ̇ va'e ñepɨsɨrösa reime agwä yandeu.

Hebreos 9:15

Sese, Jesucristo sekoi mba'e ipɨasu va'e moigätusar, esepia omanosa pɨpe oipɨsɨrö ava angaipa sui ipɨpe avei oime ñeröisa yɨpɨndar mborokwaita vrɨve yuvɨrekoi va'e upe, iyavei toipɨsɨ che rembiporavo yuvɨreko oyeupendar mba'e apɨre'ɨ̇ va'e che remimombe'ugwer rupi oyapave Tüpä egwë e'i.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.

Apocalipsis 14:3

Ipare osapukai sapukaisa ipɨasu va'e yuvɨreko Tüpä rovai iyavei ɨva pendar irugätu yuvɨrekove va'e rovai, ikwaiprɨ eta rovai aveino. Ñepëi yepe ɨva pendar ndoikatui ete evokoi sapukaisa rese oyembo'e va'erä. Egwë e'i rumo ava ciento cuarenta y cuatro mil tuprɨ yuvɨrekoi va'e, evokoi oñepɨsɨrö va'e ɨvɨ pɨpendar pa'ü sui, a'e gweraño tuprɨ ite oikatu osapukai yuvɨreko.

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.