Gálatas 4:4 - Tüpä Ñe'ëngagwer

⁴ Oyepotase rumo arɨ imombe'uprɨ, a'ese Tüpä ombou Gwa'ɨrɨ, a'e o'a ñepëi kuña sui, evokoiyase imondosa Moisés porokwaita povrɨve,

Tũpa Ñehengagüer

⁴ Oyepotase rumo arɨ imombehuprɨ, Tũpa ombou Guahɨr, ahe oha cuña sui; evocoiyase ahe Moisés porocuaitavrɨve secoi.

Gálatas 4:4 Iomraidhean Croise

San Mateo 1:23

“Kuña ndaseko maräi va'e imembɨra oiko iyavei vɨrekora omembrɨ, a'e omondora serergwä Emanuel.” (“Tüpä yande rese sekoi” oyapave aipo e'i).

San Mateo 3:15

Jesús omboyevɨ chupe: –Egwë te'iño aipo, iyakatu yamboyeroyara opakatu mba'e avɨye va'e Tüpä rovai. Evokoiyase Juan oyapoñoite iporokwaita.

San Mateo 5:17

“Ndaperoyai chira rumo, esepia che ndayui Moisés porokwaita kwachiaprɨ mboye'o agwä; ndayui avei mba'e mokañɨ tëi agwä, che rumo ayu imboavɨye tuprɨ agwä ite.

San Marcos 1:15

Aipo e'i: “Oyepota arɨ ipapaprɨ, Tüpä mborerekwasa köimi ete sekoi yandeu. Peyevɨ Tüpä upe iyavei peroya ko ñe'ësa avɨye va'e.”

San Lucas 1:31

Kurïtëi nde membɨra eiko: ererekora nde membrɨ, eremondora serergwä Jesús.

San Lucas 1:35

Mbigwai ɨva pendar omboyevɨ chupe: –Espíritu Maräne'ɨ̇ ogweyɨra nde arɨve, Tüpä gweko pirätäsa pɨpe nde momembɨra. Sese a'e pitani o'a va'erä serer-ra Tüpä Ra'ɨrɨ ndaseko Maräi va'e.

San Lucas 2:7

A'eve o'a yɨpɨndar va'e imembrɨ kuimba'emi, iyavei oya'o turukwar pɨpe ichui omoñeno imondo mba'e mɨmba rembi'u rɨru pɨpe, esepia ni'ä ndoyosɨi ete oke agwä a'eve yuvɨreko.

San Lucas 20:44

¿Ma'erä ru evokoiyase Poropɨsɨrösar David suindar sekoi peye, David teiete avei Che Yar e'i chupe?

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 10:36

Iyavei Tüpä ni'ä che reropove'ë che mbou ko ɨvɨ pɨpe, ¿ma'erä vo evokoiyase nde ereñe'ë rai tëi peye cheu esepia ni'ä Tüpä Ra'ɨrɨ aiko a'ese tëi?

San Juan 3:16

“Supiete Tüpä osaɨsu iteanga opakatu ava, sese ombou Gwa'ɨrɨ ñepëi va'e, tokañɨ tëi eme che Ra'ɨrɨ reroyasar yuvɨreko oya, iyavei tovɨreko tekovesa apɨre'ɨ̇ o'esa pɨpe.

San Juan 6:38

Esepia che ndagweyɨi ɨva sui ayapo va'erä mba'e che remimbotar, ayu rumo ayapo va'erä mba'e che Ru remimbotar rupi, a'e ni'ä che mbousar.

San Juan 8:42

Jesús omboyevɨ chupe: –Supiete Tüpä ite pe yesupase, pe evokoiyase che raɨsura peye viña, esepia che ayu Tüpä sui iyavei sese kurïtëi aiko ko'ave. Ndayui che remimbotar tëi, Tüpä ni'ä che mbou.

Los Hechos 1:7

Jesús omboyevɨ chupe: –Ndiyai a'e arɨ kwa agwä peü esepia Tüpä gweraño ite vɨreko omborerekwasa a'e mba'e apo agwä;

Romanos 1:3

A'e ñe'ësa Tüpä Ra'ɨrɨ Jesucristo resendar, a'e ava gwekosa pɨpe ite oyesu ou mborerekwar gwasu David suindar;

Romanos 15:8

Che rumo aipo a'e peü Cristo ou judío pɨtɨ̇vɨï Tüpä remimombe'ugwer mboavɨye agwä judío ramoi araka'endar upe, egwë e'i Tüpä oñe'ë mboavɨyesa mboyekwa.

Romanos 5:6

Yande ae ndayaikatui yande ñepɨsɨrö agwä yande rekokwerai sui, Cristo upe osupitɨse arɨ, omano opakatu yande angaipa repɨrä.

Romanos 8:3

Esepia Tüpä oyapo ndoikatui va'e Moisés porokwaita yapo, supiete ndoikatui yapo ava angaipa pɨpe sui: Sese Tüpä ombou Gwa'ɨrɨ yande nungar tuprɨ ite iyavei angaipa repɨrä, egwë e'i imokañɨ opakatu yande angaipa yandesui, yande remimbotarai avei.

Romanos 9:5

A'e avei yuvɨrekoi yande ramoi araka'endar sui; ichui ou va'e, a'e Poropɨsɨrösar, a'e Tüpä sekoi opakatu mba'e ɨvɨ pendar yar, imboeteiprɨ katu tasekoi yepi. Amén.

Efesios 1:10

oyepotase a'e arɨ imboavɨye agwä. Tüpä opakatu mba'e ɨva pendar ko ɨvɨ pɨpendar avei, opara omoinge ñepëi reseve Gwa'ɨrɨ Cristo povrɨve.

Colosenses 2:14

Tüpä opa omboye'o yande angaipa yande reko momaräsar oime va'e sui; Cristo atɨkasa kurusu sui opa yande renose yande kañɨ rägwer sui.

1 Timoteo 2:6

Esepia a'e omano opakatu ava yangaipa va'e repɨrä ipɨsɨrö agwä avei, a'e imombe'usa chupendar arɨ iporavoprɨ rupi.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 2:14

Inungar ava vɨreko va'e gwa'ɨrɨ, oyoya so'o, suvɨ; egwë e'i avei Jesús vɨreko vo'o, vuvɨ yande nungar; omano pɨpe sui omokañɨ va'erä iporoyuka serai va'e pirätäsa; a'e karugwar.

Hebreos 9:10

Ñe'ësa tembi'u rese, ɨgwa rese iyavei ñemoatɨrösa nungar mba'e resendar tëi; yande retekwer resendar tëi porokwaita, a'e rumo egwë e'iño tëi yuvɨreko Tüpä remimbotar ipɨasu va'e yu agwä renonde.

1 San Juan 4:14

Orosepia oromombe'u avei, yande Ru ombou Gwa'ɨrɨ ava ɨvɨ pɨpendar pɨsɨrö agwä.

1 San Juan 4:2

Ko rese peikwara ava Espíritu Tüpä suindar vɨreko va'e: Jesucristo ou opakatu gwete reseve e'ise, aipo e'i va'e vɨreko Espíritu Tüpä suindar ite.