Gálatas 4:30 - Tüpä Ñe'ëngagwer

³⁰ Kurïtëi ¿Marä e'i pi'ä Ikwachiaprɨ pɨpe? Supiete aipo e'i: “Emboyepepɨ nde rëtä sui kuña mbigwai tëi imembrɨ reseve, esepia kuña mbigwai tëi membrɨ ndiyai oyoya kuña nda'ei va'e mbigwai membrɨ rese vu mba'e pɨsɨ agwä yuvɨreko.”

Tũpa Ñehengagüer

³⁰ ¿Mara ehi icuachiaprɨ aracahendar pɨpe? “Pemboyepepɨ pe rẽta sui cuña mbiguai tẽi imembrɨ reseve. Esepia, cuña mbiguai tẽi membrɨ ndiyai oyoya cuña ndahei vahe mbiguai membrɨ rese vu mbahe pɨsɨ ãgua yuvɨreco” ehi.

Gálatas 4:30 Iomraidhean Croise

San Juan 8:35

Ñepëi mbigwai ndiyai ete sekoi va'erä omu pɨri; ñepëi ta'ɨrɨ rumo sekoi etera omu pɨri yepi.

Romanos 11:2

Yɨpɨsuive ite, Tüpä oikwa Israel gwekwa nungar sereko; sese kurïtëi ndasesarai ete ichui. ¿Ndapeikwai vo Ikwachiaprɨ pɨpe aipo e'i Tüpä ñe'ë mombe'usar Elías resendar aipo e'i oyeruresa pɨpe oñe'ërai ava Israel pendar rese Tüpä upe? Aipo e'i:

Romanos 4:3

Esepia Ikwachiaprɨ araka'endar pɨpe aipo e'i: “Abraham vɨroya ite Tüpä, sese Tüpä oikwa uka seko ɨ̇vi katuprɨsa.”

Gálatas 3:22

Ikwachiaprɨ araka'endar pɨpe rumo aipo e'i, opakatu ava inungar mbigwai tëi oangaipa pɨpe yuvɨrekoi, akoi vɨroya va'e Jesucristo oipɨsɨra Tüpä remimombe'ugwer yuvɨreko kuri.

Gálatas 3:8

Iyavei Ikwachiaprɨ pɨpe omombe'u ite senondeve Tüpä oipɨsɨ aveira opakatu oyese oyeroya va'e nda'ei va'e judío ko ɨvɨ pɨpendar oyeupe narä. Iyavei omombe'u ko ñe'ësa ikatuprɨ va'e Abraham upe: “Opakatu ava ɨvɨ pɨpendar sovasaprɨra yuvɨreko ndesui.”

Gálatas 4:22

Esepia aipo e'i Abraham vɨreko ñuvɨrïo gwa'ɨrɨ: ñepëi ta'ɨrɨ aipo sembigwai Agar membrɨ, ambuae ta'ɨrɨ evokoiyase sembireko Sara membrɨ.

Gálatas 4:31

Sese, che rɨvrɨ eta, yande nda'ei sembigwai tëi membrɨ nungar yaiko, yande rumo sembireko membrɨ nungar yaiko, esepia a'e nda'ei mbigwai.

Santiago 4:5

Sese ni'ä Ikwachiaprɨ pɨpe aipo e'i: “Tüpä oporoaɨsu gwekate'ɨ̇sa pɨpe Espíritu omondo va'e yande pɨ'a pɨpe.”