Gálatas 4:19 - Tüpä Ñe'ëngagwer

¹⁹ Che ra'ɨreta, che paraɨsu iri ete vichiko, inungar kuña imembɨrasɨ va'e, Cristo sekoi va'erä pe rese.

Tũpa Ñehengagüer

¹⁹ Che rahɨreta, che ayembopɨharasɨ ité vichico pe rese. Inungar cuña imembɨrasɨ vahe; ẽgüe aheño itera ayemombaraɨsu vichico ‘toico rane ité Cristo sese yuvɨreco’ che yapave pẽu.

Gálatas 4:19 Iomraidhean Croise

San Lucas 22:44

Mba'e-mba'e tëi porarasa pɨpe oyerure katu, a'ese sakuvo inungar tuvɨ osë ichui otɨkɨ ɨvɨve.

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

Romanos 8:29

Esepia yɨpɨve Tüpä yande kwapa oiko, yande poravo Gwa'ɨrɨ nungar ite yande reko agwä a'e tasekoi tenonde opakatu upe ambuae vɨvrɨ eta sui oya.

2 Corintios 12:14

Kurïtëi che ayemoigätu imombosapɨsa rupi che so agwä pe pɨri, iyavei ndopomañekoi chira mba'e rese. Che ndasekai mba'e pe rembiereko, pe rekokwer ite rumo aipota; esepia iyesupa omonu'ära gwarepochi gwa'ɨrɨ upe narä, iyavei nda'ei ta'ɨrɨ tëi egwë e'i oyesupa upe yepi.

Efesios 4:13

opakatu yaiko tuprɨ rane itera oyese Jesús rese yeroyasa pɨpe iyavei yaikwa tuprɨra Tüpä Ra'ɨrɨ rekokwer, a'ese yaiko tuprɨra yande Cristo rese inungar ava ipɨ'añemoñeta tuprɨ katu va'e, a'ese yasupitɨra Cristo rekokwer.

Efesios 4:24

iyavei peikora tekokwer ipɨasu va'e pɨpe, sese ni'ä Tüpä yande apo yande reko ɨ̇vi tuprɨ agwä, yande reko maräne'ɨ̇ va'erä supi tuprɨ va'e pɨpe, inungar a'e sekoi.

Filipenses 1:8

Tüpä oikwa ite che opoaɨsu eteprɨse opakatu pe rereko, esepia Cristo Jesús ni'ä pe raɨsu uka cheu.

Filipenses 2:17

Yepe che rekokwer seropove'ësara viña Tüpä upe peyeroyasa mboavɨye agwä rese, a'ese che avɨ'aretera iyavei aikora opakatu pe rese che vɨ'aretesa pɨpe.

Filipenses 2:5

Pe pɨ'a ñemoñetara ñepëi-pëi peyese inungar Cristo Jesús rese yepi,

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 2:1

Che aipota peikwa che yemboakɨsa pe rekokwer rese, Laodicea pendar rekokwer rese, seta ambuae ava che kwapare'ɨ̇ rekokwer rese avei.

Colosenses 3:10

iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

1 Tesalonicenses 2:7

Yepe Cristo ñe'ë mombe'usar oroiko viña oroikatu ite oroporandu va'erä orepɨtɨ̇vɨï agwä peye viña, oroyemominiño rumo oroiko pe pa'üve. Inungar akoi kuña osärö tuprɨ va'e omembrɨ imboakwa agwä yepi,

1 Timoteo 1:2

amondo ndeu che avɨravesa che ra'ɨrɨ Timoteo, Tüpä reroyasa pɨpe tombou yande Ru Tüpä, yande Yar Cristo Jesús oporovasasa, oporoparaɨsuerekosa nde reko tuprɨ agwä ndeu.

Tito 1:4

Nde Tito, nde ni'ä che ra'ɨrɨ ite ereiko sese yande poreroyasa pɨpe esepia oyoya yaroya va'e yaiko. Yande Ru Tüpä yande Pɨsɨrösar Jesucristo tombou oporovasasa nde reko tuprɨ agwä ndeu.

Filemón 1:10

aporandu pota mba'e avɨye va'e rese ndeu Onésimo upe narä, esepia a'e inungar che ra'ɨrɨ ite sekoi iyavei che amombe'u chupe ñe'ësa avɨye va'e ko'ave che rokendasave.

Filemón 1:19

Che Pablo, aikwachia che po pɨpe ite seroya tuprɨ agwä: Che amboepɨra ndeu. Namombe'u potai rumo mba'e erenose va'e resendar ndeu, esepia nde kurïtëi erepɨta itera che povrɨve narä.

Hebreos 5:7

Ko ɨvɨ pɨpe Cristo oikove vɨtese, oyerure pirätä oyase'osa pɨpe Vu Tüpä upe, esepia a'e oikatu ipɨsɨrö agwä manosa sui; egwë e'i iporeroya tuprɨsa pɨpe, Tüpä osendu ite iyeruresa.

Santiago 1:18

A'e rumo ombou tekovesa yandeu ko ñe'ësa supiete va'e pɨpe, toyuvɨrekoi inungar yɨpɨndar mba'e mitɨ̇ a seropove'ëprɨ cheu opakatu che rembiapo sui o'esave yandeu.

1 San Juan 2:1

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

1 San Juan 2:12

Che ra'ɨreta, ko aikwachia peü narä, esepia Tüpä iñeröi pe angaipa rese peü Jesucristo rekokwer pɨpe.

1 San Juan 5:21

Che ra'ɨreta, peñearö tuprɨ katu akoi tüpä oroiko e'i tëi va'e sui.

3 San Juan 1:4

Ndipoi ete ni'ä ambuae ñe'ësa asendu va'e che mbovɨ'arete katu va'e che ra'ɨreta ogwatase ko porombo'esa supiete va'e rupi yuvɨreko.