Gálatas 4:17 - Tüpä Ñe'ëngagwer

¹⁷ Evokoi ava ikere'ɨ̇ ite pe rese, nda'ei rumo mba'e avɨye va'e apo agwä yuvɨreko. A'e rumo oipota pe mboyepepɨ agwä tëi ore sui yuvɨreko pe kere'ɨ̇ agwä supi.

Tũpa Ñehengagüer

¹⁷ Evocoi ava iquerẽhɨ ité pe rese, ndahei rumo mbahe avɨye vahe apo ãgua yuvɨreco. Ahe rumo oipota pe mboyepepɨ ãgua tẽi ore sui yuvɨreco pe querẽhɨ ãgua supi.

Gálatas 4:17 Iomraidhean Croise

San Mateo 23:15

“¡Peparaɨsu katu itera, pe Moisés porokwaita rese oporombo'e va'e, pe avei fariseo, pe inungar ava oñe'ë ñotëi va'e tekokwer rese yuvɨreko yepi!, pegwata opakatu ɨvɨ rupi iyavei paragwasu rovai rupi ava mbo'e, ipare rumo pe remimbo'ekwer mba'e tëi katu pe sui, pe nungar karugwar ratave narä tëi pereko uka.”

Romanos 10:2

Supiete ikere'ɨ̇ Tüpä upe mboravɨkɨ apo agwä yuvɨreko viña; okere'ɨ̇sa sui rumo oyavɨ sendukwa e'ɨ̇sa pɨpe yuvɨreko.

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

1 Corintios 11:2

Avɨye peü che rɨvrɨ eta esepia ndaperesai ete che sui yepi iyavei pema'endu'a pegwataño vɨte avei che opombo'e va'e agwer rupi.

1 Corintios 4:18

Oime pe pa'ü pendar oyeroya iteanga va'e oyese ipɨ'a ñemoñeta avei ndou chira revo yande repia e'i cheu yuvɨreko viña;

1 Corintios 4:8

Ndoyavɨi pereko ite va'e opakatu mba'e pe remimbotar viña, ndoyavɨi avei nipanei va'e ite mba'e peü, iyavei ndoyavɨi mborerekwar ɨvate katu va'e peiko ore sui. ¡Mborerekwar ɨvate katu va'e peikose viña, a'ese ore avei oroikera pe mborerekwasave!

2 Corintios 11:3

Che rumo asɨkɨye ko mba'e sui, inungar mboi ombopa Eva oporombopasa pɨpe, avɨyeteramo Karugwar pe mbopa aveira pe pɨ'a ñemoñetasa rerova agwä Cristo mboeteisa supiete va'e sui.

Gálatas 4:16

Iyavei kurïtëi, ¿opoamotare'ɨ̇ tie pe rereko, mba'e supi tuprɨ va'e mombe'u pɨpe sui tëi?

Gálatas 4:18

Avɨye ite ni'ä yande kere'ɨ̇se mba'e apo ambuae ava upe, mba'e avɨye va'e apo agwä rumo; nda'ei chira pe pa'üve che rekoseño pereko pe kere'ɨ̇sa, iyakatu rumo pekere'ɨ̇ño itera yepi.

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

2 San Pedro 2:3

Gwarepochi potaraisa pɨpe pe mbopara yuvɨreko ko porombo'esa kokotɨ tëi va'e rese; kañɨsa rumo oimeño itera yuvɨreko chupe, yɨpɨsuive ite ni'ä a'e imokañɨpɨ̇ra yuvɨrekoi.