Gálatas 4:14 - Tüpä Ñe'ëngagwer

¹⁴ Yepe ko che mba'erasɨsa yavai eteprɨ peü viña, pe rumo ndache reroɨröi ete peye iyavei ndache momboi peye, pe rumo avɨye akoi Tüpä rembigwai ete che rereko peye, ¡inungar aiko Cristo Jesús itera peü viña!

Tũpa Ñehengagüer

¹⁴ Yepe co che mbaherasɨsa yavai eteprɨ pẽu viña, pe rumo ndache reroɨ̃roi eté peye iyavei ndache momboi peye. Ẽgüe ehi rumo avɨye acoi Tũpa rembiguai eté che rereco peye viña iyavei avɨye Jesucristo itera aico pẽu viña no.

Gálatas 4:14 Iomraidhean Croise

San Mateo 10:40

“Akoi pe pɨsɨ tuprɨ va'e yuvɨreko, a'e che pɨsɨ tuprɨ avei; akoi che pɨsɨ va'e, oipɨsɨ avei che mbousar.

San Mateo 18:5

Iyavei oipɨsɨ va'e ñepëi chi'ïvä'emi che rer pɨpe yuvɨreko, a'e che pɨsɨ ite.

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Lucas 10:16

“Akoi oyapɨsaka va'e peñe'ë rese, a'e oyapɨsaka avei che ñe'ë rese; iyavei akoi ndosendu potai va'e peñe'ë, che ñe'ë avei ndosendu potai, iyavei akoi ndosendu potai va'e che ñe'ë; che mbousar ñe'ë avei ndosendupotai yuvɨreko.”

San Juan 13:20

Supiete aipo a'e peü akoi che remimondo oipɨsɨ tuprɨ va'e, a'e che pɨsɨ tuprɨ ite; akoi che pɨsɨ tuprɨ va'e, a'e oipɨsɨ tuprɨ avei che mbousar no.”

1 Corintios 1:28

Tüpä oiporavo avei ko ɨvɨ pɨpe ava remieroɨrö seko mbegwemi va'e, ava seko ɨvɨ kotɨ katu va'e pe pa'ü pendar ko ava seko ɨvate va'e reroyɨ agwä.

1 Corintios 4:10

Ore oroiko va'e Cristo rese, ndoyavɨi egwë oro'e ñotëi va'e; pe evokoiyase pereko pe mba'e kwasa Cristo sui, peyeapo imba'ekwa eteprɨ va'e peiko Cristo rese pe rekosa pɨpe. Iyavei ore ndoyavɨi ndaseko pirätäi va'e oroiko ava rembiepiave; a'eseve avei rumo peyeekomomirätä tëi peiko. Ore seroɨrömbrɨ tëi oroiko, pe evokoiyase ava pe mboetei gwasu pe rereko yuvɨreko.

2 Corintios 5:20

Ore evokoiyase Cristo porokwaita rupi oroñe'ë va'e oroiko, inungar Tüpä ite oñe'ëra peü viña. Sese peyevɨ Tüpä upe a'e pe rekokwer moigätura oyeupe narä oro'e Cristo rer pɨpe peü.

Gálatas 3:26

pe ni'ä opakatu Tüpä ra'ɨrɨ peiko Cristo Jesús rese yeroya pɨpe,

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Gálatas 4:13

Peikwa ni'ä che yɨpɨndar che mba'easɨse vichiko, a'ese amombe'u ko ñe'ësa pɨsɨrösa resendar peü.

Gálatas 4:15

¿Marä peye pevɨ'aretesa rereko kurïtëi? Ndacheremiräi chietera aipo peü, esepia supiete penosera revo pembou va'erä peresa cheu viña.

1 Tesalonicenses 2:13

Ko rese, avɨye ndeu oro'e Tüpä upe arɨ yakatu rupi, esepia Tüpä ñe'ëngagwer oromombe'u va'e peü, peipɨsɨ ite ko Tüpä ñe'ë, nda'ei ava tëi ñe'ë. Supiete Tüpä ñe'ë, a'e ni'ä osekuñaröpa ite pe rekokwer peroya pare.

1 Tesalonicenses 4:8

Sese akoi ndosendu potai va'e ko yembo'esa, nda'ei ete ava tëi vɨroɨrö, a'e rumo Tüpä ite vɨroɨrö yuvɨreko akoi ombou va'e oyesuindar Espíritu Maräne'ɨ̇ peü.

Hebreos 13:2

Iyavei peresarai eme pe avasa sui ava oyepotase pe pɨri, esepia ko nungar apo pɨpe amove ava omoinge mbigwai ɨva pendar gwëtä pɨpe.