Gálatas 4:12 - Tüpä Ñe'ëngagwer

¹² Che rɨvrɨ eta, aipota che rekokwer moña peye: esepia che aiko inungar pe kurïtëi. Ndapeyapoi ete ni'ä mba'e naporäi va'e cheu.

Tũpa Ñehengagüer

¹² Iyavei che rɨvɨreta, aipota che recocuer moña peye. Esepia, cuese che asẽ Moisés porocuaita povrɨ sui inungar pe yɨpɨndar ẽgüe ahe vichico pe pãhuve. Ahese ndapeyapoi eté mbahe cheu.

Gálatas 4:12 Iomraidhean Croise

Los Hechos 21:21

Eremombe'u avei opakatu judío upe yuvɨrekoi va'e ambuae tekwa rupi nde erembo'e Moisés porokwaita reroya e'ɨ̇ agwä, iyavei aipo ere pembocircuncida iri rene pe ra'ɨrɨ, iyavei peiko iri rene yande rekokwer araka'endar pɨpe.

2 Corintios 2:5

Akoi yande rɨvrɨ omoime uka va'e vɨ'are'ɨ̇sa ko mba'e tëi apo pɨpe, nda'ei che gweraño ndache mbovɨ'ai, pe avei rumo seni opakatu egwë peye. Che “aipo a'e peü” esepia ndaipotai che ñe'ë rasɨ agwä.

2 Corintios 6:11

Che rɨvrɨ eta Corinto pendar, ore ñe'ësa pɨpe opakatu mba'e oromboyekwa peü; iyavei pe raɨsu agwä orovɨreko ore pɨ'a pɨpe tuvicha va'e pe rese.

2 Corintios 6:13

Che ni'ä opovɨreko che ra'ɨrɨ nungar; pemboyevɨ avei katu che pe raɨsusa cheu.

Gálatas 2:14

Che asepiase rumo, nda'oyoyai sekokwer yuvɨreko ko ñe'ësa poropɨsɨrösa resendar supi tuprɨ va'e rese, ichui Pedro upe añe'ë opakatu Jesús reroyasar rovake: “Nde ni'ä judío, ereiko rumo inungar nda'ei va'e judío; ¿ma'erä evokoiyase kurïtëi erembo'e tëi nde rembiapo pɨpe evokoi ava nda'ei va'e judío Jesús reroyasar judío rereko uka agwä?”

Gálatas 4:11

¡Che ayembosɨkɨye pe rese, che porombo'esa revo egwë e'i tëi va'e ipa'üve yuvɨreko chupe a'e peü!

Gálatas 4:13

Peikwa ni'ä che yɨpɨndar che mba'easɨse vichiko, a'ese amombe'u ko ñe'ësa pɨsɨrösa resendar peü.

Gálatas 6:14

Che rumo ndayemboɨvate potai ete, yande Yar Jesucristo mano agwer kurusu reseaño ite ayembovɨ'a. Cristo mano agwer sui ko ɨvɨ pɨpendar opa ite omano yuvɨreko cheu, che evokoiyase inungar omano va'e aiko ko ɨvɨ pɨpendar upe.

Gálatas 6:18

Che rɨvrɨ eta, yande Yar Jesucristo oporoaɨsusa pɨpe taperovasa opakatu pe rereko. Amén.