Gálatas 3:5 - Tüpä Ñe'ëngagwer

⁵ Akoi Tüpä omondose Espíritu peü iyavei oyapo va'e mba'e poromondɨisa pe pa'üve, ¿ma'erä pi'ä oyapo? Esepia ko ñe'ësa pesendu va'e peroya ite, sese egwë e'i peü nda'ei Moisés porokwaita tëi reroya pɨpe.

Tũpa Ñehengagüer

⁵ Tũpa niha omondo oEspíritu pe rese iyavei oyapo poromondɨisa pe pãhuve. ¿Mahera pĩha oyapo? Esepia, co ñehesa pesendu vahe peroya ité, sese ẽgüe ehi pẽu ndahei Moisés porocuaita tẽi reroya pɨpe.

Gálatas 3:5 Iomraidhean Croise

Los Hechos 14:3

Ipare rumo, Jesús ñe'ë mombe'usar a'eve opɨta puku yuvɨreko, iyavei oyeroyasa pɨpe Tüpä rese omombe'u mba'e supiete va'e yuvɨreko; iyavei yande Yar oikwa ite omombe'use Tüpä poroaɨsusa yuvɨreko, omondo avei pirätäsa mba'e poromondɨisa apo agwä chupe.

Romanos 10:17

Egwë e'i, oime yande yeroyasa yasenduse ñe'ësa avɨye va'e, iyavei ñe'ësa avɨye va'e ou Cristo sui ete.

Romanos 15:19

egwë a'e poromondɨisa mba'e yavai va'e apo Tüpä pirätäsa pɨpe. A'e ayapo Espíritu Tüpä suindar pirätäsa pɨpe. A'e ichui che amboavɨye ñe'ësa Cristo resendar mombe'u vichiko, tekwa Jerusalén sui tuprɨ agwata opakatu rupi, ayepota ɨvɨ Iliria ve aveino.

1 Corintios 12:10

Ambuae oipɨsɨ pirätäsa mba'e poromondɨisa oyapo va'erä yuvɨreko. A'e ichui avei vɨreko ambuae ava omombe'u va'erä ñe'ësa Tüpä suindar yuvɨreko. Ambuae upe Tüpä omondo mba'ekwasa espíritu naporäi va'e iyavei Espíritu supi tuprɨ va'e kwa tuprɨ agwä, ambuae evokoiyase ichui avei oikatu ñe'ësa ndikwasai va'e Tüpä suindar pɨpe oñe'ë agwä; a'e ichui avei ambuae oikatu a'e ñe'ësa ndikwasai va'e mombe'u tuprɨ agwä ava upe.

2 Corintios 10:4

Esepia ore yoepɨsa nda'ei ava ko ɨvɨ pɨpendar yoepɨsa nungar, orovɨreko rumo Tüpä pirätäsa mba'e tëi seko pirätä va'e rekopɨ agwä. Ava arakwasa tëi rekopɨ agwä avei

2 Corintios 12:12

Che ñemosa tuprɨ pɨpe mboravɨkɨ ayapo pe pa'üve, ayapo mba'e poromondɨisa mba'e pesepia yesapɨ'arai va'e imboyekwa agwä che supiete va'e Jesús ñe'ë mombe'usar che rekosa pɨpe.

2 Corintios 13:3

esepia peipota ite che rekoa'ä agwä Cristo pi'ä omoñe'ë uka pe yapave cheu. Cristo ndaseko mbegwemi peü mba'e apo oiko, a'e rumo omboyekwa opirätäsa peü.

2 Corintios 3:8

¡kurïtëi rumo iporañete katu ite ñe'ësa Tüpä remimbotar ipɨasu va'e resendar Espíritu ombou va'e yandeu!

2 Corintios 9:10

Tüpä ni'ä ombou mba'e rä'ɨi ava remitɨ̇rä, mba'e semi'urä avei, sese ombou katura mba'e peü, iyavei ombouvicha katura pe rembiapo avɨye va'e ava pɨtɨ̇vɨï agwä.

Gálatas 3:2

Aipota pemboyevɨ che porandusa cheu ¿Moisés porokwaita mboyeroya pɨpe pi'ä peipɨsɨ Espíritu Tüpä suindar, anise ko ñe'ësa pesendu va'ekwer reroya pɨpe tie?

Filipenses 1:19

esepia che aikwa ko opakatu mba'e-mba'e tëi sui añepɨsɨröra pe yeruresa pɨpe iyavei che pɨtɨ̇vɨïra Jesucristo Espíritu.