Gálatas 3:29 - Tüpä Ñe'ëngagwer

²⁹ Iyavei Cristo suindar peikose, evokoiyase Abraham suindar tuprɨ ite peiko, a'ese peipɨsɨra Tüpä remimombe'u porerekosa yandeundar.

Tũpa Ñehengagüer

²⁹ Jesucristo rese peicose, pe evocoiyase Abraham suindar nungar tuprɨ ité peico. Evocoiyase pe avei peipɨsɨra Tũpa remimombehu porerecosa yandeundar.

Gálatas 3:29 Iomraidhean Croise

San Mateo 3:9

aipo ndapeyei chira peyeupe ae: ‘Ore oroiko Abraham suindar’; amombe'u aipo peü ko ita sui Tüpä oikatu ite oyapo va'erä ava Abraham suindar oyeupe narä.

Romanos 8:17

Iyavei yande ta'ɨrɨ ite yaiko, egwë ya'e aveira Tüpä porerekosa pɨsɨ, a'e Cristo reseve yamboya'ora ipɨsɨ, esepia yaiko ite paraɨsusa pɨpe supive egwë ya'e aveira yaiko ipɨri seko porañetesave kuri.

1 Corintios 15:23

Ñepëi-pëi yandeu imombe'usa rupi; yɨpɨndar rumo Cristo okwerayevɨra, ichui yande seroyasar yaiko va'e yakwerayevɨ aveira Cristo oyevɨse kuri.

2 Corintios 10:7

Pe rumo pema'eño tëi a'e ava rekokwer rese. Akoi ava pe pa'ü pendar oikwa va'e Cristo rese gwekosa, toikwa tuprɨ avei ore Cristo rese ore rekosa yuvɨreko.

Gálatas 3:16

Egwë e'i avei Tüpä remimombe'ugwer Abraham upe araka'e ichuindar upe avei. Esepia Ikwachiaprɨ pɨpe noñe'ëi ete “ichuindar rese”, ñe'ësa seta va'e pɨpe, a'e rumo ñe'ësa ñepëi va'e pɨpe; aipo e'i “iyavei ndesuindar” a'e Cristo ite sekoi.

Gálatas 3:18

Supiete akoi Tüpä suindar ou va'erä porerekosa Moisés porokwaita mboavɨyesa pɨpe suise viña, a'ese nda'ei chiaveira Tüpä remimombe'ugwer sui; a'e rumo ñepëi reseve Tüpä remimombe'ugwer rupi Abraham upendar porerekosa.

Gálatas 3:28

Iyavei ndipoi ete yemboya'osa Jesucristo rese yaikose, yepera judío viña, nda'ei va'e judío, anise mbigwai, nda'ei va'e mbigwai, kuimba'e anise kuña; esepia opakatu ñepëi va'e nungar ite peiko Cristo rese.

Gálatas 3:7

Sese iya peikwara opakatu akoi oyeroya va'e Tüpä rese yuvɨreko, a'e Abraham suindar ite.

Gálatas 4:1

Amboyoapɨ vɨtera ko che ñe'ësa peü: inungar ava omanose, oseya omba'e eta gwa'ɨrɨ upe chi'ïvä'emise, yepe a'e ta'ɨrɨ opakatu mba'e yar sekoira viña, a'e rumo inungar tuprɨ mbigwai tëi sekoi va'e yepi.

Gálatas 4:7

Sese yande Tüpä ra'ɨrɨ ite yaiko, nda'e iri kurïtëi mbigwai tëi nungar, Tüpä ra'ɨrɨ yande reko pɨpe a'e ombou aveira oporerekosa yande ma'erä.

Gálatas 5:24

Cristo Jesús rese yuvɨrekoi va'e rumo, opa omombo gwekokwerai ko ɨvɨ pɨpendar tëi oyesui yuvɨreko, gwemimbotarai opɨ'añemoñeta raisa avei.

Gálatas 6:16

Peipɨsɨ teko katuprɨsa iyavei teko poroaɨsusa opakatu yuvɨrekoi va'e ko ñe'ësa che remimombe'ugwer rupi, opakatu tekwa Israel Tüpä suindar avei.

Efesios 3:6

Ko ñe'ësa ndikwasai va'e pɨpe: Tüpä oñe'ë opakatu ava ɨvɨ pɨpendar upe yaiko va'erä Cristo Jesús rese, yaipɨsɨ va'erä avei iporovasasa oyoya tuprɨra tekwa Israel pendar rese kuri.

Tito 3:7

ipɨpe yande rekoai sui yande renose yande reko ɨ̇vi tuprɨ agwä, oporoaɨsusa pɨpe toipɨsɨ ko tekovesa apɨre'ɨ̇ gwemiarö yuvɨreko oya.

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Hebreos 11:18

“Nde ra'ɨrɨ Isaac sui seta oimerä ndesuindar.”

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.

Hebreos 6:17

Supiete, Tüpä omboyekwa pota mba'e gwempiapo akoi ava upe omondo va'erä oporoaɨsusa, iyavei a'e omboavɨye pota ite oñe'ësa supiete va'e. Sese omboavɨye ite oñe'ëngagwer oiko.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

Apocalipsis 21:7

Akoi ava oyemovɨräkwä va'e mba'e-mba'e tëi apoe'ɨ̇ agwä, a'e oipɨsɨra ko mba'e opakatu oma'erä yuvɨreko; che aikora Tüpä chupe narä yuvɨreko, a'e evokoiyase che ra'ɨrɨ yuvɨrekoira.