Gálatas 3:27 - Tüpä Ñe'ëngagwer

²⁷ opakatu pe ñapirämombrɨ peiko va'e Cristo rupi pe gwata agwä, Cristo rekokwer avei pereko.

Tũpa Ñehengagüer

²⁷ Opacatu pe ñapiramombrɨ peico vahe Jesucristo rupi pe guata ãgua, secocuer avei pereco.

Gálatas 3:27 Iomraidhean Croise

San Lucas 15:22

Tu rumo aipo e'i gwembigwai upe: ‘Peso, taperu avɨye katu va'e turukwar pemboyemonde; pemonde avei kwäpenda ïkwä rese, pɨtaki avei ipɨ rese.

Los Hechos 16:15

Sese ñapirämosa, opakatu sëtä pendar reseve, ipare ore mombɨta pota: –Che reroyase peye yande Yar reroyasar che rekose, pepɨtara che rëtäve. Egwë e'i oremombɨta.

Los Hechos 2:38

Evokoiyase aipo e'i a'e ava upe: –Pemboasɨ pe angaipa peyevɨ Tüpä upe, iyavei peñeapirämo opakatu Jesucristo rer pɨpe, evokoiyase Tüpä iñeröira pe angaipa rese. Iyavei omondora Espíritu Maräne'ɨ̇ peü.

Los Hechos 8:16

Esepia Espíritu Maräne'ɨ̇ ndogweyɨ vɨtei ete sese yuvɨreko; oñeapirämoño tëi vɨte yande Yar Jesús rer pɨpe yuvɨreko.

Los Hechos 9:18

A'ese voi ete pira pirer nungar mba'e ovɨapipa sesa sui, a'ese voi sesapɨso iri. Ichui opü'a ipare voi ñapirämosa.

Romanos 13:14

Iya rumo, perekora yande Yar Jesucristo rekokwer peyese, anichira pe pɨ'añemoñeta mba'e-mba'e tëi apo agwä pe remimbotarai pɨpe tëi.

Romanos 3:22

Jesucristo rese yande yeroyasa pɨpe, Tüpä oseko mo'ɨ̇vi ete opakatu ava vɨroyasar. Nomboyoavɨi ete rumo oporoaɨsusa sereko:

1 Corintios 10:2

Egwë e'i ete opakatu ogwatase mba'e pɨ̇tüvrɨ rupi iyavei paragwasu osasase yuvɨreko, opa ñapirämosa Moisés rupi ogwata agwä yuvɨreko araka'e.

1 Corintios 12:13

Egwë ya'e avei opakatu, yepe yande pa'üve oime judío, nda'ei va'e judío, mbigwai nda'ei va'e avei mbigwai, yande rumo opakatu ñapirämombrɨ yaiko ñepëi va'e nungar yande reko agwä Espíritu ñepëi va'e pɨpe; a'e ñepëi Espíritu avei opa yaipɨsɨ.

Efesios 4:24

iyavei peikora tekokwer ipɨasu va'e pɨpe, sese ni'ä Tüpä yande apo yande reko ɨ̇vi tuprɨ agwä, yande reko maräne'ɨ̇ va'erä supi tuprɨ va'e pɨpe, inungar a'e sekoi.

Colosenses 3:10

iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,