Gálatas 3:17 - Tüpä Ñe'ëngagwer

¹⁷ Ko mba'e amombe'u pota peü: evokoi porokwaita Tüpä ombou va'ekwer cuatrocientos treinta aravɨter pare, ndoikatui chietera Tüpä ñepëi reseve Abraham upe omombe'u va'ekwer iyavei oñe'ë omboavɨye va'erä mboye'o agwä.

Tũpa Ñehengagüer

¹⁷ Co mbahe amombehu pota pẽu: evocoi porocuaita Tũpa ombou vahecuer cuatrocientos treinta aravɨter pare, ndoicatui chietera Tũpa ñepei reseve Abraham upe omombehu vahecuer iyavei oñehe omboavɨye vaherã mboyeho ãgua.

Gálatas 3:17 Iomraidhean Croise

San Juan 1:17

esepia mborokwaita yaipɨsɨ ou va'e Moisés sui yepi; poroaɨsusa rumo iyavei mba'e supiete va'e, a'e yavɨye ite Jesucristo rupi.

Los Hechos 7:6

Iyavei, Tüpä aipo e'i chupe ndesuindar yuvɨrekoira ambuae ava rekwa rupi, a'e pendar ava sekwa va'e rembigwairä semimombaraɨsugwä tëi avei yuvɨrekoira cuatrocientos aravɨter rupi.

Romanos 3:25

Tüpä rumo ombou Gwa'ɨrɨ Cristo oipɨyere va'erä vuvɨ yande angaipa rese ñerö agwä. Ko poropɨsɨrösa yareko yande yeroyasa pɨpe. Na e'i pota Tüpä yande rekokwer moigätu agwä: ipɨpe sui iñeröira yande angaipa yayavɨ va'ekwer upe,

Romanos 3:3

¿Mba'e evokoiyase avɨyera? ¿Tüpä pi'ä opoira gweko tuprɨsa sui, ambuae ava ndaseko tuprɨi va'e rekokwer sui tëi tie?

1 Corintios 1:12

Supiete aipo a'e, oime pe pa'üpendar aipo e'i va'e yuvɨreko: “Che aiko Pablo rupindar”; ambuae aipo e'i: “Che aiko Apolo rupindar”; aipo e'i avei ambuae: “Che aiko Pedro rupindar”; iyavei ambuae aipo e'i, “Che Cristo rupindar aiko.”

1 Corintios 1:17

Cristo ndachekwai che poroapirämo agwä, a'e rumo che kwai amombe'u va'erä iñe'ëngagwer vichiko, iyavei nda'ei ñe'ësa yavai katu va'e aiporu, esepia nañomi potai ete ko ñe'ësa pirätägwer Cristo kurusu rese imano agwer resendar ava sui.

1 Corintios 10:19

Che rumo mba'e ra'anga avɨye va'e ite nda'ei, iyavei mba'e ro'o ikwave'ëprɨ mba'e ra'anga upe, avɨye katu ite nda'ei avei.

1 Corintios 7:29

Che rɨvrɨ eta, aipo mba'e amombe'u pota peü: Ndipukuvei ko arɨ naporäi va'e yepota agwä yandeu. Sese ko pɨpe suive tuprɨ omenda va'e toyuvɨrekoi nomendai va'e nungar yande Yar rese opɨ'a ñemoñetasa pɨpe;

2 Corintios 1:20

esepia opakatu Tüpä remimombe'ugwer imboavɨyesa ite. Sese akoi yamboeteise Tüpä, aipo ya'e “Amén” Cristo Jesús rer pɨpe.

2 Corintios 9:6

Peyemoma'endu'a ko rese: akoi noñotɨ̇ atɨimi va'e mba'e, chupe movɨrömi tëi avei i'a; akoi oñotɨ̇ atɨ va'e rumo mba'e, a'e seta katu avei i'a chupe.

Gálatas 3:15

Che rɨvrɨ eta, amboyoya pota mba'e ko ɨvɨ pɨpendar mba'e rese: inungar akoi ava ñepëi reseve oikwachiase gwemimbotar omombe'u va'e, a'ese ndipoi ete ambuae ava omboye'o va'erä ndipoi avei ambuae ava omboyeapɨ iri va'erä.

Gálatas 3:21

¿Moisés porokwaita pi'ä kokotɨ tëi Tüpä remimombe'ugwer sui? ¡Ani nda'ei ete supi! Esepia akoi porokwaita ombouse tekovesa apɨre'ɨ̇, a'ese porokwaita reroya pɨpe yande reko katuprɨra Tüpä rovake viña.

Gálatas 5:16

Pesendu che ñe'ë: Espíritu pirätäsa pɨpe katu peiko yepi, iyavei pesekai rene mba'e pe remimbotarai tëi.

Gálatas 5:4

Iyavei perekokwer pereko pota tëi teko katuprɨsa porokwaita reroyasa pɨpe, peyepepɨ ite Cristo sui; evokoiyase Tüpä porovasasa avei pemokañɨ tëi peyesui.

Efesios 2:12

peyemoma'endu'a yɨpɨndar Cristo ndapereko vɨteise peyese, a'ese ipe'aprɨ peiko Israel tekwa gwasu sui, iyavei ndaperekoi ete Tüpä remimombe'ugwer peyese. Pe ɨvɨ pɨpe ndaperekoi ete peporoarösa iyavei ndaperekoi ete Tüpä.

Efesios 4:17

Ko rese aipo a'e peü, iyavei opokwai yande Yar rer pɨpe: ndapeiko iri chira inungar ava ndoikwai va'e Tüpä yuvɨreko, a'e yuvɨrekoi va'e opɨ'añemoñeta raisa pɨpe tëi

Colosenses 2:4

Ko mba'e amombe'u peü ava oñe'ë tuprɨaisa pɨpe tëi pe mbopa e'ɨ̇ agwä.

Hebreos 11:13

A'e ava opakatu ite omanopa tëi mba'e ndoipɨsɨ vɨtei seve Tüpä semimombe'ugwer oyeupendar yuvɨreko; iyavei a'e vɨrekose poreroyasa, osepia avei amombrɨ rupive tëi yuvɨreko, sorɨvete avei imboavɨravesave inungar ambuae ɨvɨ pɨpendar yuvɨreko raimi tëi va'e ko ɨvɨ pɨpe.

Hebreos 7:18

Sese mborokwaita araka'endar opa ite imokañɨsa, esepia a'e nipirätäi ete, poropɨtɨ̇vɨï agwä rese,

1 San Pedro 1:20

Tüpä ombou Cristo araka'e, ɨvɨ ɨva apoe'ɨ̇ vɨteseve mba'e moigätu agwä, kurïtëi rumo oyemboyekwa peü mba'e tuprɨ pɨpe pereko agwä.