Gálatas 3:1 - Tüpä Ñe'ëngagwer

¹ ¡Ndapemba'ekwai ete pe Galacia pendar! ¿Pe ndoyavɨi ipaye va'e remimbopa peiko? Oromombe'u tuprɨ ni'ä pe rovai ete akoi Jesucristo kurusu rese yatɨka agwer peü.

Tũpa Ñehengagüer

¹ ¡Ndapembahecuai eté pe Galacia pendar! Pe ndoyavɨi ipaye vahe remimbopa peico. Oromombehu tuprɨ niha pe rovai eté acoi Jesucristo curusu rese yatɨca agüer pẽu.

Gálatas 3:1 Iomraidhean Croise

San Mateo 24:24

Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

San Mateo 7:26

Akoi osendu va'e che ñe'ë ndoyapoi va'e mba'e che remimbotar, a'e inungar ndipɨ'a ñemoñeta tuprɨi va'e omopü'a gwëtära ɨvɨ ku'i arɨve tëi.

San Lucas 24:25

Evokoiyase Jesús aipo e'i chupe: –¡Ndapeikwai ete rumo pe pɨ'a pɨpe seroya tuprɨ agwä opakatu Tüpä ñe'ë mombe'usar remimombe'ugwer!

Los Hechos 16:6

Espíritu Maräne'ɨ̇ ndoipotai Asia rupi yuvɨraso va'erä Tüpä ñe'ëngagwer mombe'u agwä, sese oya'uva yuvɨraso Frigia rupi Galacia rupi avei,

Los Hechos 6:7

A'ese Tüpä ñe'ëngagwer oyemosai katu tekwa pɨpe, ichui oyemboeta katu iri avei Jesús reroyasar yuvɨreko Jerusalén ve. Seta avei judío pa'i vɨroya iñe'ëngagwer yuvɨreko.

Romanos 10:16

Nda'ei rumo opakatu vɨroya ko ñe'ësa avɨye va'e yuvɨreko. Esepia Isaías aipo e'i araka'e: “Che Yar, ¿uma pi'ä vɨroya ore ñe'ë yuvɨreko?”

Romanos 2:8

ombou aveira oñemoɨrösa ava ndiporomboyeroyai va'e upe, a'e akoi, ko ñe'ësa supiete va'e reroya rägwer sui vɨroya va'e mba'e tëi.

Romanos 6:17

Avɨye Tüpä upe, esepia pe yɨpɨndar mbigwai tëi nungar peiko angaipa pɨpe viña, kurïtëi rumo pemboyeroya pe pɨ'ave ite porombo'esa peipɨsɨ va'e.

1 Corintios 11:26

Esepia akoi pe'use ko peɨ'use avei, peyemoma'endu'ara pemombe'u aveira yande Yar mano agwer opakatu ava upe, egwë peyera iyevɨ rärö peiko.

1 Corintios 2:2

Esepia akoi aikose pe pa'üve, ndachepɨ'añemoñetai ete ambuae mba'e rese, Jesucristo rekokwer rese, yatɨka agwer rese katu ite che pɨ'añemoñeta vichiko.

2 Corintios 10:5

a'e ipɨpe ore opa orosekopɨ yepoepɨ-epɨsa iyavei opakatu semirä-mirä tëi va'e gweko ɨvate aisa pɨpe ndoikwa uka potai va'e Tüpä rekokwer ava upe. Iyavei opakatu ava pɨ'añemoñeta raisa orosekopɨ Cristo reroya tuprɨ agwä yuvɨreko,

2 Corintios 11:3

Che rumo asɨkɨye ko mba'e sui, inungar mboi ombopa Eva oporombopasa pɨpe, avɨyeteramo Karugwar pe mbopa aveira pe pɨ'a ñemoñetasa rerova agwä Cristo mboeteisa supiete va'e sui.

Gálatas 1:2

che Pablo, iyavei opakatu Jesús reroyasar yuvɨrekoi va'e reseve oromondo ore avɨravesa opakatu Jesús reroyasar Galacia ve peiko va'e upe.

Gálatas 1:6

Che pɨ'amondɨi eteprɨ peye esepia peyepepɨ poyava peiko Tüpä sui, a'e ni'ä pe renoi Jesucristo pe raɨsusa pɨpe sui, pe rumo peroya pota ambuae tëi yembo'esa pe ñepɨsɨrö agwä peiko viña.

Gálatas 2:14

Che asepiase rumo, nda'oyoyai sekokwer yuvɨreko ko ñe'ësa poropɨsɨrösa resendar supi tuprɨ va'e rese, ichui Pedro upe añe'ë opakatu Jesús reroyasar rovake: “Nde ni'ä judío, ereiko rumo inungar nda'ei va'e judío; ¿ma'erä evokoiyase kurïtëi erembo'e tëi nde rembiapo pɨpe evokoi ava nda'ei va'e judío Jesús reroyasar judío rereko uka agwä?”

Gálatas 3:3

¿Ndapemba'ekwai ete yɨpɨndar, Espíritu pɨpe pemboɨpɨ Cristo rupi pe gwata agwä egwë peye aveira pi'ä pe pirätäsa pɨpe tëi pe gwata tuprɨ agwä kurïtëi?

Gálatas 4:9

Kurïtëi rumo peikwa ite Tüpä, egwë e'i kurïtëi Tüpä ite oikwa pe rekokwer, sese ni'ä aipo a'e che yeupe, “¿marä e'i pi'ä oyevɨ iri mborokwaita tëi pɨpe mbigwai tëi gweko iri agwä yuvɨreko?”

Gálatas 5:11

Che rɨvrɨ eta, iya yayembocircuncida yande reko katuprɨ agwä, a'e vɨtese Jesús reroyasar upe viña, a'ese revo ndipoi chira che amotare'ɨ̇sar judío pa'üve a'ese avei ndipoi chira ñe'ësa kurusu rese Cristo manosa resendar amotare'ɨ̇mbar ipa'üve viña.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Efesios 5:15

Sese pema'ekwa tuprɨ pe rekokwer rese. Peikoi rene ndayarakwai va'e nungar; peikora rumo pe yapɨsaka tuprɨsa pɨpe.

2 Tesalonicenses 1:8

A'e oura opakatu Tüpä reroyasare'ɨ̇ mombaraɨsu agwä iyavei yande Yar Jesús ñe'ësa poropɨsɨrösa resendar rendu tëisar mombaraɨsu avei.

1 Timoteo 6:4

egwë e'i va'e oyemboɨvateai tëi mba'e rendukwa e'ɨ̇save. Iyavei oporandu-randu tëi ñe'ësa rese sekoa'ä agwä inungar imba'easɨ va'e; ichui osë mba'e pota raisa, ñemoɨrösa, ñe'ë-ñe'ë tëisa, yemboyeroya e'ɨ̇sa

Hebreos 11:8

Tüpä rese oyeroyasa pɨpe avei Abraham, oyeupe ñe'ëse omboyeroya ite oso ɨvɨ pɨsɨ agwä Tüpä remimbotar rupi. Osë oɨvɨ sui oso va'ëra ɨvɨ ndikwai va'esave,

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 4:17

Supiete kurïtëi oyepota arɨ Tüpä oporandu agwä opakatu ava gwekwa pendar rekokwer rese. Iyavei yandeu rane omboɨpɨse porandusa, ¿marä e'ira pi'ä evokoiyase Tüpä ñe'ëngagwer reroyasare'ɨ̇ yuvɨreko kuri?

2 San Pedro 2:18

Esepia oñe'ë tuprɨai anga'u tëi ava mongere'ɨ̇ agwä ava pɨ'añemoñeta raisa rupi seroyevɨ agwä, ipɨpe sui ombopa tëi a'e ava seko katuprɨ pota va'e yuvɨreko evokoi nungar mba'e tëi pɨpe iyevɨ iri agwä.

Apocalipsis 18:3

Iyavei opakatu ava ɨvɨ rupindar opa osavaɨpo yuvɨreko ndopoi potai ete yemboagwasasa sui, iyavei mborerekwareta ɨvate katu va'e ɨvɨ pɨpendar, oyapo mba'e tëi yemboagwasa yuvɨreko sese, iyavei mba'e mboepɨsar ɨvɨ pɨpendar iyavei oyeapo mba'e yar omba'e pota raisa pɨpe sui yuvɨreko.”

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.