Gálatas 2:9 - Tüpä Ñe'ëngagwer

⁹ Santiago, Pedro iyavei Juan, a'e Jesús reroyasar yemovɨräkwäsa yuvɨrekoi, oikwa yuvɨreko Tüpä ombou va'e oporovasasa cheu, a'ese imboetasa ore rekosa pɨpe che po pɨsɨ yuvɨreko, Bernabé upe avei egwë e'i yuvɨreko iyavei ipɨ'a rupi ete ore oroporavɨkɨ va'erä ava nda'ei va'e judío pa'üve oroiko, inungar a'e oporavɨkɨ judío pa'üve yuvɨreko.

Tũpa Ñehengagüer

⁹ Sese Santiago, Pedro iyavei Juan, ahe chupe, “Oyemovɨracua vahe Jesús reroyasar pãhuve” ehi yuvɨreco, ahe oicua yuvɨreco Tũpa ombou vahe oporovasasa cheu. Ahese imboetasa ore recosa pɨpe che po pɨsɨ yuvɨreco, Bernabé upe avei ẽgüe ehi yuvɨreco. Iyavei ipɨha rupi eté ore oroporavɨquɨ vaherã ava ndahei vahe judío pãhuve oroico, inungar ahe oporavɨquɨ judío pãhuve yuvɨreco.

Gálatas 2:9 Iomraidhean Croise

San Mateo 16:18

Iyavei che aipo a'e nde ereiko Pedro, ipare ko ita arɨve amopü'ara che tüpärogwä; iyavei ñepëi yepe manosa ndosekoreroyɨi chietera opirätäsa pɨpe.

San Lucas 22:8

Jesús oyokwai Pedro iyavei Juan, aipo e'i chupe: –Peso tapemoigätu yande karu agwä Pascua pieta resendar.

San Juan 1:42

Ipare Andrés vɨraso Simón Jesús rekosave; osepiase rumo Jesús, aipo e'i chupe: –Nde Simón, Juan ra'ɨrɨ, nderer gwarä rumo Cefas (a'e Pedro: oyapave).

Los Hechos 12:17

Pedro rumo omopü'a opo imbokiriri agwä. Ichui opa omombe'u yande Yar opɨsɨrö agwer vokendasa sui yuvɨreko chupe. Ipare aipo e'i iri: –Pemombe'upa Santiago upe iyavei ambuae Jesús reroyasar upe. Ipare öseño, oso ambuae tekwa rupi oiko.

Los Hechos 15:13

Osendupase iñe'ë yuvɨreko, a'ese Santiago aipo e'i: –Che mu eta, peyapɨsaka tuprɨ che ñe'ë rese:

Los Hechos 15:7

Koiye yemomborandu gwasu pare, Pedro opü'a aipo e'i: –Che mu eta, peikwa ite Tüpä che poravose pe pa'ü sui ko ñe'ësa avɨye va'e mombe'u agwä ava nda'ei va'e judío upe, tovɨroya yuvɨreko oyapave.

Los Hechos 4:36

Egwë e'i ava judío ramoi Leví suindar Chipre pendar José serer va'e, Jesús ñe'ë mombe'usar osero Bernabé e'i yuvɨreko chupe (“porombovɨ'asar Ra'ɨrɨ” oya aipo e'i).

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 12:3

Tüpä ni'ä oporovasasa pɨpe che kwai, sese aipo a'e peü pepɨ'añemoñeta eme pe yemboɨvateai agwä rese. Iyakatu rumo peikwa tuprɨ pe pɨ'añemoñetasa peyesendar Tüpä peü mba'e imbougwer rupi sese pe yeroyasa pɨpe.

Romanos 15:15

ko tekokwer rese rumo aikwachia opakatu che sɨkɨye e'ɨ̇sa pɨpe peü pe resarai e'ɨ̇ agwä ichui. Esepia ayapo Tüpä che kwaita ombou va'e che raɨsusa pɨpe cheu,

1 Corintios 15:10

Che rumo Jesús ñe'ë mombe'usar aiko, esepia Tüpä oyapo mba'e avɨye va'e ite cheu; iyavei che rovasa oiko evokoiyase che rekokwer osekuñarö sereko. Ichui che aporavɨkɨ katu opakatu ambuae Jesús ñe'ë mombe'usar sui. Nda'ei rumo cheyesui tëi egwë a'e vichiko, Tüpä rumo che pɨtɨ̇vɨï oporovasasa pɨpe.

2 Corintios 11:5

Che rumo namo'äi ete ɨvɨ kotɨ katu tëi aikora evokoi supi pegwata va'e Jesús ñe'ë mombe'usar yemboɨvateai tëi va'e sui.

2 Corintios 12:11

Che ndayarakwai va'e nungar aiko peü, pe rese tëi rumo egwë a'e. Iya rumo peñe'ë tuprɨra che rese, esepia yepe nda'ei seko ɨvate va'e aiko viña, ko Jesús ñe'ë mombe'usar anga'u tëi rumo pe supi pegwata va'e nda'ei ɨvate katu va'e che sui yuvɨreko.

2 Corintios 8:4

oporandu avei opakatu oreu yuvɨrekoi va'erä ore rupi Tüpä reroyasar pɨtɨ̇vɨï agwä.

Gálatas 1:16

egwë e'i a'e oikwa uka Gwa'ɨrɨ cheu, che imombe'u agwä ko ñe'ësa Ta'ɨrɨ rekokwer resendar ava nda'ei va'e judío upe. Ndasoi rumo ava tëi upe ikwa agwä;

Gálatas 1:18

Ichui mbosapɨ aravɨter pare, aso tekwa Jerusalén ve a'ese ramo Pedro amborɨ quince arɨ rupi gwerañomi tëi.

Gálatas 2:1

Koiye catorce aravɨter pare oroso iri Jerusalén ve Bernabé rese iyavei orovɨraso Tito oreyeupi.

Gálatas 2:2

Esepia Tüpä omombe'u ite a'eve che so agwä. A'eve amombe'u ñe'ësa Poropɨsɨrösa resendar ava nda'ei va'e judío upe yuvɨreko. Amombe'u avei kokotɨ mborerekwar ikwaprɨ yuvɨrekoi va'e upe, mba'e che rembiapokwer oikwa tuprɨ va'erä mboravɨkɨ nda'ei che rembiapo egwë e'i tëi va'e.

Gálatas 6:3

Amove ava, che ɨvate katu va'e aiko e'i tëi, egwë e'i rumo a'e ae oyembopa aipo o'esa pɨpe oiko.

Efesios 2:20

Pe inungar tüpäro maräne'ɨ̇ imopü'ambrɨ i'ɨvɨpɨrä arɨ pendar peiko; Jesús ñe'ë mombe'usar iyavei Tüpä ñe'ë mombe'usar evokoiyase inungar i'ɨvɨpɨ yuvɨrekoi tüpäro movɨräkwä agwä Jesucristo rumo inungar ita yɨpɨndar va'e imo'ɨ̇visa yandeu.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Colosenses 1:29

Ko rese ni'ä che aporavɨkɨ eteprɨ opakatu Cristo pirätäsa pɨpe.

1 Timoteo 3:15

akoi che araka'ese, ereikwañora rumo pe reko tuprɨ agwä ava Tüpä rese yuvɨrekoi va'e pa'üve, a'e akoi Tüpä oikove va'e upendar yuvɨrekoi, oyemovɨräkwä tuprɨ va'e avei ko porombo'esa supiete va'e mboyekwa agwä.

1 San Juan 1:3

Oromombe'u ñe'ësa orosepia va'e orosendu va'e avei peü, ipɨpe sui peiko va'erä orerese, inungar ore oroiko yande Ru Tüpä rese, Ta'ɨrɨ Jesucristo rese avei.

Apocalipsis 3:12

Akoi oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e che Ru pɨri narä ite yuvɨrekoira, a'e evokoiyase inungar-ra che Ru Tüpä rëtä vɨräkwäsa ndopai va'e yuvɨreko; sese aikwachia ukara che Ru Tüpä rer che Ru Tüpä rekwa rer aveino, a'e Jerusalén pɨasu, evokoi ou va'erä ɨva pendar che Ru Tüpä sui; aikwachia aveira che rer ipɨasu va'e yuvɨreko sese.