Gálatas 2:2 - Tüpä Ñe'ëngagwer

² Esepia Tüpä omombe'u ite a'eve che so agwä. A'eve amombe'u ñe'ësa Poropɨsɨrösa resendar ava nda'ei va'e judío upe yuvɨreko. Amombe'u avei kokotɨ mborerekwar ikwaprɨ yuvɨrekoi va'e upe, mba'e che rembiapokwer oikwa tuprɨ va'erä mboravɨkɨ nda'ei che rembiapo egwë e'i tëi va'e.

Gálatas 2:2 Iomraidhean Croise

San Mateo 10:16

“¡Pesendu tuprɨ che ñe'ë! Che opomondo ovesa nungar ava mba'e mɨmba oñaröai va'e nungar pa'üve. Peikora inungar mboi sesaeteai va'e, iyavei inungar apɨkasu sekoi tuprɨ va'e.

Los Hechos 15:12

Evokoiyase opakatu oyemongiriri yuvɨreko, osendu Bernabé iyavei Pablo ñe'ësa, mba'e sembiapo avei yuvɨreko, evokoiyase omombe'u ndayasepiai va'e poromondɨisa Tüpä oyapo uka ava nda'ei va'e judío pa'üve yuvɨreko chupe.

Los Hechos 15:2

Pablo iyavei Bernabé oyeaka gwasu yuvɨreko sese, ipare ramo koiye Pablo, Bernabé iyavei oime ambuae iporavosa va'e yuvɨraso va'erä Jerusalén ve mba'e moigätu agwä Jesús ñe'ë mombe'usar rese iyavei ava yarakwa katu va'e a'e tekwa tüpäro pendar rese.

Los Hechos 15:4

Yuvɨroyepotase Pablo iyavei Bernabé Jerusalén ve, a'eve oipɨsɨ tuprɨ Jesús ñe'ë reroyasar iyavei Jesús ñe'ë mombe'usar, ava yarakwa katu va'e avei, ipare opa omombe'u mba'e Tüpä oyapo va'e oyese yuvɨreko.

Los Hechos 18:9

Ñepëi pɨ̇tü pɨpe, yande Yar aipo e'i ikerve Pablo upe: “Ani eresɨkɨye; emombe'uño ite ñe'ësa avɨye va'e, erepoi rene ichui.

Los Hechos 23:11

A'ere arayi'ive pɨ̇tü pɨpe, yande Yar oyemboyekwa Pablo upe aipo e'i: “Eyemongere'ɨ̇ katu Pablo, inungar che mombe'u nde sɨkɨye e'ɨ̇sa pɨpe ko'ave Jerusalén ve, egwë ere aveira che mombe'u Roma ve eve.”

Los Hechos 5:34

Mborerekwar pa'ü pendar rumo oime mbɨa fariseo Gamaliel serer va'e, a'e Moisés porokwaita rese oporombo'e va'e iyavei imboeteiprɨ katu va'e. A'e opü'a oporokwai toyuvɨnose raimi okarve Jesús ñe'ë mombe'usar.

Romanos 9:16

Supiete, nda'ei yande remimbotar rupi tëi, nda'ei avei yande pirätäsa rupi Tüpä oyapo mba'e, a'e rumo oporoparaɨsuerekosa pɨpe mba'e oyapo yandeu.

1 Corintios 1:23

yande rumo yamombe'u ite ñepëi Poropɨsɨrösa atɨka agwer kurusu rese yaiko. Ko ñe'ësa nda'ei ete avɨye va'e judío eta pɨ'a rupi, iyavei ava nda'ei va'e judío upe ko ñe'ësa osenduse avɨye akoi egwë e'i tëi va'e yuvɨreko chupe;

1 Corintios 2:2

Esepia akoi aikose pe pa'üve, ndachepɨ'añemoñetai ete ambuae mba'e rese, Jesucristo rekokwer rese, yatɨka agwer rese katu ite che pɨ'añemoñeta vichiko.

1 Corintios 9:24

Peikwa ni'ä gwayɨsa oimese, ava opakatu gwasu yuvɨnoñase yuvɨreko, ivava katu va'e gweraño rumo oipɨsɨ porerekosa yepi. Evokoiyase inungar ko ivava katu va'e, egwë peye avei pe rekokwer pɨpe Tüpä porerekosa pɨsɨ agwä peiko.

1 Corintios 9:26

Evokoiyase che avei, nda'ei ava oya'uva-uva tëi va'e nungar aiko Tüpä remimbotar apo agwä iyavei che ndaikoi ava igwayɨ tëi va'e nungar.

2 Corintios 12:1

Ndipoi ete ava oipɨsɨ va'e mba'e a'e ae tëi oyemboeteisa pɨpe. Che rumo amombe'uño itera mba'e asepia va'e che ker nungar pɨpe iyavei yande Yar remimboyekwa che aipɨsɨ va'e ichui.

Gálatas 1:12

Nda'ei avei ava tëi che mbo'e, Jesucristo ite ni'ä oikwa uka cheu.

Gálatas 1:16

egwë e'i a'e oikwa uka Gwa'ɨrɨ cheu, che imombe'u agwä ko ñe'ësa Ta'ɨrɨ rekokwer resendar ava nda'ei va'e judío upe. Ndasoi rumo ava tëi upe ikwa agwä;

Gálatas 1:6

Che pɨ'amondɨi eteprɨ peye esepia peyepepɨ poyava peiko Tüpä sui, a'e ni'ä pe renoi Jesucristo pe raɨsusa pɨpe sui, pe rumo peroya pota ambuae tëi yembo'esa pe ñepɨsɨrö agwä peiko viña.

Gálatas 2:6

Ko rumo akoi ikwaprɨ Jesús reroyasar rerekwar, nomombe'ui ete yembo'esa ambuae va'e yuvɨreko cheu, oyoyaño ite che porombo'esa rese (yepe okwaita vɨrekora ɨvate yuvɨreko viña. Che rumo nañekuñaröi chietera che rekokwer sui, esepia ni'ä Tüpä nda'ei ava rete tëi osepia).

Gálatas 2:9

Santiago, Pedro iyavei Juan, a'e Jesús reroyasar yemovɨräkwäsa yuvɨrekoi, oikwa yuvɨreko Tüpä ombou va'e oporovasasa cheu, a'ese imboetasa ore rekosa pɨpe che po pɨsɨ yuvɨreko, Bernabé upe avei egwë e'i yuvɨreko iyavei ipɨ'a rupi ete ore oroporavɨkɨ va'erä ava nda'ei va'e judío pa'üve oroiko, inungar a'e oporavɨkɨ judío pa'üve yuvɨreko.

Gálatas 5:7

Peiko tuprɨ ni'ä yɨpɨndar viña. ¿Ava ru ndovɨroya uka iri mba'e supi tuprɨ va'e peü?

Filipenses 2:16

peyemovɨräkwä katu ñe'ësa avɨye va'e tekovesa ombou va'e rese. Akoi ouse Cristo kuri avɨ'aretera pe rese, esepia pe rese che poravɨkɨsa egwë nde'i tëi va'erä.

Filipenses 2:29

Peipɨsɨ tuprɨ peü iyepotase pe vɨ'aretesa pɨpe, esepia a'e yande rɨvrɨ yande Yar rese sekoi va'e, pesaɨsu itera evokoi nungar ava yepi,

1 Tesalonicenses 3:5

Evokoiyase che nañemosa irise, amondo Timoteo pe rekokwer rese porandu agwä, che asɨkɨye tëi avɨyeteramo karugwar omondora mba'e tëi pɨpe, ore poravɨkɨ agwer evokoiyase okañɨ tëira che e'save.

2 Timoteo 4:7

Ayapopa che rekoete pɨpe che poravɨkɨsa avɨye va'e che amotare'ɨ̇mbar pa'üve, amboavɨye che kwaita, ndayepepɨi ete che yeroyasa sui.

Hebreos 12:1

Sese yande, yaikwase seta ite evokoi ava oime omboyekwa va'e Tüpä rese oyeroyasa, iyakatu ite yaseyapa opakatu mba'e ndayande mbo'e katui va'e Tüpä upendar mba'e rese, iyavei angaipa yande mbo'a tuprɨ va'e, ichui yayemovɨräkwäño itera yande kwaita Tüpä ombou va'e rese yandeu inungar ivava katu va'e.