Gálatas 2:11 - Tüpä Ñe'ëngagwer

¹¹ Iyavei osose Pedro tekwa Antioquía ve, a'eve oyavɨ gwekokwer, evokoiyase añe'ë pirätä sovai ete chupe mba'e sembiavɨ rese.

Tũpa Ñehengagüer

¹¹ Iyavei osose Pedro tecua Antioquía ve. Aheve oyavɨ güecocuer. Evocoiyase añehe pĩrata sovai eté chupe mbahe sembiavɨ rese.

Gálatas 2:11 Iomraidhean Croise

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

San Juan 1:42

Ipare Andrés vɨraso Simón Jesús rekosave; osepiase rumo Jesús, aipo e'i chupe: –Nde Simón, Juan ra'ɨrɨ, nderer gwarä rumo Cefas (a'e Pedro: oyapave).

Los Hechos 11:19

Koiye Esteban mano pare, omboɨpɨ Jesús reroyasar reka yuvɨreko, sese oime oñemi va'e Fenicia ve, Chipre ve iyavei Antioquía ve. A'eve omombe'u ñe'ësa Jesús rekokwer yuvɨreko judío upe, nda'ei rumo opakatu tuprɨ upe.

Los Hechos 11:20

Oime rumo, Jesús reroyasar Chipre ve Cirene ve avei oyepota tekwa Antioquía ve yuvɨraso ipare omombe'u avei ñe'ësa avɨye va'e yande Yar Jesús rekokwer resendar yuvɨreko.

Los Hechos 11:22

Oyanduse Jesús reroyasar Jerusalén pendar seräkwä, a'ese omondo Bernabé Antioquía ve yuvɨreko.

Los Hechos 11:27

A'e arɨ rupi araka'e, oime aipo Tüpä ñe'ë mombe'usar Jerusalén sui yuvɨraso va'e Antioquía ve.

Los Hechos 15:1

A'e arɨ rupi araka'e, oime yuvɨraso va'e Judea sui Antioquía ve a'eve omboɨpɨ Jesús reroyasar mbo'e yuvɨreko pe ndape ñepɨsɨröi chietera ndapeye mbocircuncidaise, aipo e'i ete Moisés rembikwachiagwer pɨpe araka'e.

Los Hechos 15:5

Oime rumo fariseo eta vɨroya va'e, a'e opü'a voi aipo e'i yuvɨreko chupe: –Iya imbocircuncidasa rane opakatu Jesús reroyasar nda'ei va'e judío yuvɨreko. Peyokwai avei opakatu ambuae Moisés porokwaita mboavɨye agwä yuvɨreko.

2 Corintios 11:5

Che rumo namo'äi ete ɨvɨ kotɨ katu tëi aikora evokoi supi pegwata va'e Jesús ñe'ë mombe'usar yemboɨvateai tëi va'e sui.

2 Corintios 12:11

Che ndayarakwai va'e nungar aiko peü, pe rese tëi rumo egwë a'e. Iya rumo peñe'ë tuprɨra che rese, esepia yepe nda'ei seko ɨvate va'e aiko viña, ko Jesús ñe'ë mombe'usar anga'u tëi rumo pe supi pegwata va'e nda'ei ɨvate katu va'e che sui yuvɨreko.

2 Corintios 5:16

Sese, ore ndorepɨ'a ñemoñeta iri ambuae ava rese inungar ava ipɨ'a ñemoñeta ko ɨvɨ pɨpendar yuvɨreko yepi; yepe yɨpɨndar inungar ava ɨvɨ pɨpendar tëi egwë oro'e ore Cristo rese ore pɨ'añemoñeta oroiko viña, kurïtëi rumo egwë ndoro'e iri orepɨ'añemoñeta sese.

Gálatas 1:18

Ichui mbosapɨ aravɨter pare, aso tekwa Jerusalén ve a'ese ramo Pedro amborɨ quince arɨ rupi gwerañomi tëi.

Gálatas 2:14

Che asepiase rumo, nda'oyoyai sekokwer yuvɨreko ko ñe'ësa poropɨsɨrösa resendar supi tuprɨ va'e rese, ichui Pedro upe añe'ë opakatu Jesús reroyasar rovake: “Nde ni'ä judío, ereiko rumo inungar nda'ei va'e judío; ¿ma'erä evokoiyase kurïtëi erembo'e tëi nde rembiapo pɨpe evokoi ava nda'ei va'e judío Jesús reroyasar judío rereko uka agwä?”

Gálatas 2:5

Ore rumo ndoroipotai ete semimbotar apo agwä yuvɨreko chupe, esepia tovɨreko vɨteño oyese ko ñe'ësa pɨsɨrösa resendar supi tuprɨ va'e yuvɨreko ore yapave peü.

Gálatas 2:7

A'e rumo oikwa yuvɨreko Tüpä che kwai oñe'ëngagwer poropɨsɨrösa resendar mombe'u agwä nda'ei va'e ava judío yuvɨrekoi va'e upe, inungar omondo Pedro oñe'ëngagwer poropɨsɨrösa resendar mombe'u agwä judío upe.

Gálatas 2:9

Santiago, Pedro iyavei Juan, a'e Jesús reroyasar yemovɨräkwäsa yuvɨrekoi, oikwa yuvɨreko Tüpä ombou va'e oporovasasa cheu, a'ese imboetasa ore rekosa pɨpe che po pɨsɨ yuvɨreko, Bernabé upe avei egwë e'i yuvɨreko iyavei ipɨ'a rupi ete ore oroporavɨkɨ va'erä ava nda'ei va'e judío pa'üve oroiko, inungar a'e oporavɨkɨ judío pa'üve yuvɨreko.

1 Timoteo 5:20

Akoi oimese rumo angaipa aposar ipa'üve, a'ese eremboarakwara opakatu ava rovake, evokoiyase ambuae osɨkɨyera angaipa apoe'ɨ̇ agwä yuvɨreko.

Santiago 3:2

Opakatu ite oime mba'e yande rembiavɨ naporäi va'e yepi; oimese ñepëi ava ndoyavɨi va'e oñe'ë, a'e ava seko ɨ̇vi tuprɨ va'e, oikwa avei opakatu gwekokwer rereko tuprɨ agwä.

San Judas 1:3

Che rɨvrɨ eta che rembiaɨsu, yɨpɨndar che pɨ'a ñemoñeta ite yande pɨsɨrösa resendar kwachia agwä peü viña; ipare rumo che pɨ'a ñemoñeta iri iyaño revo che aikwachia pe yemovɨräkwä tuprɨ katu agwä yembo'esa yaroya va'e rese. A'e yembo'esa yaroya va'e ñepëi reseve imondoprɨ opakatu yandeu.