Filipenses 4:9 - Tüpä Ñe'ëngagwer

⁹ Peyapoño itera mba'e che opombo'e va'ekwer amondo va'e rese peü, pesendu va'e che aipo a'ese, che repia va'ekwer yapose peye: evokoiyase Tüpä gweko tuprɨsa reseve sekoira pe rese.

Tũpa Ñehengagüer

⁹ Iyavei peyapo ité acoi mbahe che opombohe vahecuer, pesendu vahe che aipo ahese, che repia vahecuer yapose peye. Evocoiyase Tũpa güeco tuprɨsa reseve secoira pe rese.

Filipenses 4:9 Iomraidhean Croise

San Mateo 1:23

“Kuña ndaseko maräi va'e imembɨra oiko iyavei vɨrekora omembrɨ, a'e omondora serergwä Emanuel.” (“Tüpä yande rese sekoi” oyapave aipo e'i).

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

San Mateo 7:21

“Nda'ei opakatu aipo e'i yuvɨreko cheu: ‘Che Yar, Che Yar’, yuvɨroikera Tüpä mborerekwasave, oyapo va'eño tuprɨ Che Ru ɨva pendar remimbotar yuvɨroikera a'eve.

San Lucas 6:46

“¿Ma'erä vo peñe'ë cheu, ‘Che Yar, che Yar’, ipare rumo ndapeyapoi ete mba'e che remimombe'u?

San Lucas 8:21

A'e omboyevɨ chupe: –Akoi osendu va'e Tüpä ñe'ëngagwer iyavei vɨroya va'e ite yuvɨreko, a'e yuvɨrekoi che sɨ iyavei che rɨvrɨ eta.

San Juan 13:17

Pesendukwase ko nungar mba'e iyavei peyapo tuprɨse, a'ese pevɨ'arete katura peiko.

San Juan 15:14

Pe ni'ä che mborɨpareta peiko, akoi peyapose mba'e che remimbotar opokwaise.

San Juan 2:5

A'ese ichɨ aipo e'i ava ɨgwa rese i'añeko va'e upe: –Peyapo opakatu mba'e semimbotar pe kwaise.

Los Hechos 9:6

Epü'a, ipare eike eso tekwa ve; a'eve omombe'ura mba'e ereyapo va'erä yuvɨreko ndeu.”

Romanos 15:33

Egwë te'i Tüpä gweko tuprɨsa pɨpe tasekoi opakatu pe rese yepi. Amén.

Romanos 16:20

egwë e'i pɨ'aivira Tüpä Karugwar rekopɨpa gweko katuprɨsa pɨpe, pe avei evokoiyase pesekoreroyɨra. A'ese yande Yar Jesús perovasara perereko.

1 Corintios 10:31

Iyakatu rumo pe'use mba'e, peɨ'use avei, anise mba'e peyapose, peyapo ru opakatu Tüpä mboeteisa pɨpe.

1 Corintios 14:33

esepia Tüpä sekoi Tüpä mba'e avɨye va'e aposar ite, nda'ei mba'e naporäi va'e aposar. Iya ite rumo yayapora mba'e avɨye va'e Jesús reroyasar yande rekosa pɨpe,

1 Corintios 4:16

Sese, che aipota ite che rekokwer moña agwä peye.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

Filipenses 3:17

Che rɨvrɨ eta, peiko che nungar iyavei pema'ekwa tuprɨ ava ore rekokwer moñasar rese.

Filipenses 4:7

Evokoiyase Tüpä omondora gweko tuprɨsa peü, pe Jesucristo rese peiko va'e, ko teko tuprɨsa ni'ä avɨye katu ava pɨ'a ñemoñetasa sui, ipɨpe sui osäröra pe pɨ'a, pe pɨ'a ñemoñetasa avei peü.

1 Tesalonicenses 1:6

Pemboyeapɨ ore rekokwer peiko iyavei yande Yar rekokwer, iyavei yepe peparaɨsu mba'e-mba'e tëi pa'üve peiko viña, peipɨsɨ ko ñe'ësa pe vɨ'asa pɨpe Espíritu Maräne'ɨ̇ ombou va'e peü.

1 Tesalonicenses 2:14

Che rɨvrɨ eta akoi peiporara va'e, mba'e-mba'e tëi pemu eta pa'üve peikose, egwë e'i tuprɨ avei Tüpä reroyasar Judea pendar yuvɨrekoi va'e Cristo Jesús rekokwer rese. Imu judío ae oseka-seka yamotare'ɨ̇save yuvɨreko.

1 Tesalonicenses 5:23

Tüpä tombou teko tuprɨsa peü iyavei tape pe'apa tuprɨ oyeupe narä, iyavei tosärö tuprɨ opakatu pe pirätäsa, pe'ä, pe rete avei pe reko maräne'ɨ̇ agwä ko yande Yar Jesucristo yevɨ irise kuri.

2 Tesalonicenses 3:4

Iyavei oroyeroya ite yande Yar rese mba'e pe rembiapo agwer rese peyapo vɨteño va'erä avei akoi pe kwaisa agwer rese.

2 Timoteo 4:22

Yande Yar Jesucristo toiko nde rese, iyavei Tüpä taperovasa opakatu pe rereko.

Santiago 1:22

Nda'ei pesenduño tëira ko ñe'ësa avɨye va'e; iya rumo peyapora mba'e ko ñe'ësa remimbotar rupi ete, esepia egwë peyese pe ae tëi peyembopara peiko.

2 San Pedro 1:10

Sese che rɨvrɨ eta, peyemovɨräkwä katu Tüpä pe renoisa mboyekwa agwä iporavoprɨ pe rekosave, egwë peyese ndapevɨapi chietera mba'e tëi pɨpe.

1 San Juan 3:22

a'e avei ni'ä ombou opakatu mba'e yandeu yaporanduse chupe, esepia yamboyeroya iporokwaita iyavei yayapo semimbotar yaiko.