Filipenses 4:5 - Tüpä Ñe'ëngagwer

⁵ Pemboyekwa katu ava upe pe reko mbegwesa. Esepia köimi ete yande Yar yevɨ iri agwä yandeu.

Tũpa Ñehengagüer

⁵ Pemboyecua catu opacatu ava upe pe reco mbegüesa. Esepia, cõimi yande Yar yevɨ iri ãgua yandeu.

Filipenses 4:5 Iomraidhean Croise

San Mateo 6:25

“Evokoiyase, che aipo a'e peü: Ndapeyemoma'endu'ai chira mba'e pe remi'urä rese peɨ'u agwä rese avei pe rekove agwä rese no, pe turukwar peipota va'e perete rese narä. ¿Esepia yande rekovesa avɨye katu va'e tembi'u sui yande retekwer avei avɨye katu turukwar sui?

San Mateo 6:34

Peyemoma'endu'a gwasuai rene mba'e arayi'ive narä rese, esepia ni'ä oimerä arɨ pepɨ'a ñemoñeta agwä. Arɨ yakatu rupi pereko mba'e pemoigätu va'erä yepi.”

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

1 Corintios 16:22

Akoi ava ndosaɨsui va'e yande Yar, ¡a'e tokañɨ Tüpä ñemoɨrösa pɨpe! ¡Ore Yar, eyevɨ voi katu eyu!

1 Corintios 6:7

Supiete pe vavase pe yeope ae nda'ei ete mba'e avɨye va'e. ¿Ma'erä vo ndape ñemosaiño mba'e naporäi va'e upe? ¿Ma'erä toñomiño che mba'e yuvɨreko ndapeyei?

1 Corintios 8:13

Sese yande mba'e ro'o usa pɨpe sui yamboangaipa ukase yande rɨvrɨ viña, ndaya'u iri chietera evokoi mba'e ro'o yande rɨvrɨ mboangaipa uka e'ɨ̇ agwä.

1 Corintios 9:25

Iyavei opakatu oyemoigätu va'e ogwayɨ agwä oñearö tuprɨ opakatu mba'e tëi sui oyemomarä e'ɨ̇ agwä yuvɨreko. A'e egwë e'i porerekosa ndipokopɨi va'e pɨsɨ agwä tëi yuvɨreko, yande rumo yayemomborarara porerekosa apɨre'ɨ̇ va'e pɨsɨ agwä yaiko.

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Tesalonicenses 2:2

peikwa katu, tapepɨ'añemoñeta rerova eme iyavei peyembosɨkɨyei rene akoi ava che añe'ë Espíritu pɨpe e'i va'e sui, anise ikwachiaprɨ sui, ñe'ësa pesendu va'e sui inungar-ra ore ñe'ësa ite viña oyepota arɨ Jesús yevɨsa e'i tëi va'e yuvɨreko peü.

Tito 3:2

Toñe'ë-ñe'ë tëi eme ambuae ava rese yuvɨreko, toyuvɨrekoi tuprɨ iyavei poroaɨsusa pɨpe, tomboyekwa avei gweko mbegwesa opakatu ava upe yuvɨreko.

Hebreos 10:25

Ndayamopanei chira yande ñemonu'äsa Tüpä upe, ndayaikoi chira omopane va'e nungar, iya rumo yayemongere'ɨ̇ katura ñepëi-pëi yande yeupe; esepia vɨrovɨ arɨ yande Yar yevɨ iri agwä.

Hebreos 10:37

Supiete Ikwachiaprɨ pɨpe aipo e'i Tüpä: “Ou pɨ'aivi etera, akoi ou va'evɨ. Ndiaraka'ei chietera.

1 San Pedro 1:11

Cristo Espíritu yɨpɨve ite oikwa uka Tüpä ñe'ë mombe'usar upe, marä e'ira Cristo oparaɨsu oiko, ipare rumo oura teko orɨ porañete va'e chupe; a'e evokoiyase oikwa pota ite Espíritu remimombe'ugwer yuvɨreko.

1 San Pedro 4:7

Vɨrovɨ rumo arɨ ipa va'e opakatu mba'e kañɨ agwä. Sese peikora yapɨsakasa pɨpe yeruresa pɨpe avei.

Apocalipsis 22:20

Akoi omombe'u va'e ko ñe'ësa, aipo e'i: “Supiete ayevɨ poyavara.” Egwë te'i ayase. ¡Erio, che Yar Jesús!

Apocalipsis 22:7

“¡Ayevɨ poyava voira kuri! ¡Sorɨvete katura akoi ava vɨroya va'e ñe'ësa Tüpä suindar mba'e oime va'erä resendar ko kwachiar pɨpe!”