Filipenses 4:22 - Tüpä Ñe'ëngagwer

²² Iyavei opakatu ambuae yuvɨrekoi va'e ko'ave Jesús reroyasar, iyavei akoi mborerekwar ɨvate katu va'e rëtäve yuvɨrekoi va'e, a'e avei omondo oma'endu'asa yuvɨreko peü.

Tũpa Ñehengagüer

²² Iyavei opacatu ambuae yuvɨrecoi vahe cohave Jesús reroyasar iyavei acoi mborerecuar guasu rẽtave yuvɨrecoi vahe, ahe ité avei omondo omahenduhasa yuvɨreco pẽu.

Filipenses 4:22 Iomraidhean Croise

San Mateo 5:47

Ereyapose avɨrave nde mborɨpar eta upe gweraño, ¿Mba'e evokoiyase avɨye sese? Egwë e'i tuprɨ avei ava ndayarakwai va'e yuvɨreko yepi.

Los Hechos 20:38

Ipare ndoyembovɨ'ai ete yuvɨreko, esepia ndache repia iri chietera peye e'i. Ipare yuvɨraso supi ɨarusu yemboyasave.

Los Hechos 9:13

Ko osenduse, Ananías aipo e'i: “Che Yar, seta rumo evokoi mbɨa rekokwer omombe'u yuvɨreko cheu mba'e tëi oyapo va'e nde reroyasar reko maräne'ɨ̇ upe Jerusalén ve.

Romanos 16:16

Peyeovaupɨte katu pe reko maräne'ɨ̇sa pɨpe che ma'endu'asa mombe'use peyeupe. Opakatu Cristo reroyasar ko'ave omondo avei oma'endu'asa yuvɨreko peü.

2 Corintios 13:13

Peipɨsɨ yande Yar Jesucristo porovasasa, Tüpä poroaɨsusa iyavei Espíritu Maräne'ɨ̇ tasekoi opakatu pe rese.

Filipenses 1:13

Evokoiyase opakatu mborerekwar gwasu poravɨkɨsa pendar iyavei opakatu ambuae ava oikwapa che rokendasa Cristo rupi che gwata sui tëi yuvɨreko.

Hebreos 13:24

Pemombe'u che ma'endu'asa opakatu ava pe kwaisar upe, opakatu Tüpä reroyasar upe avei. Ɨvɨ Italia rupindar avei ombou oma'endu'asa yuvɨreko peü.

1 San Pedro 5:13

Iyavei Babilonia pendar Jesús reroyasar yuvɨrekoi va'e oyoya va'e pe rese iporavoprɨ, a'e ombou oma'endu'asa yuvɨreko peü. Marcos, inungar che ra'ɨrɨ avei ima'endu'a pe rese.

3 San Juan 1:14

esepia aso pota ite nde repia, a'ese voi yañemoñetara oyeovai ete.