Filipenses 4:2 - Tüpä Ñe'ëngagwer

² Evodia iyavei Síntique, toyuvɨrekoi oyekupɨ'ɨrɨ nungar yande Yar reroyasa pɨpe yuvɨreko.

Tũpa Ñehengagüer

² Ambuae mbahe, Evodia iyavei Síntique toyuvɨrecoi oyecupɨhɨr nungar ité yande Yar reroyasa pɨpe yuvɨreco.

Filipenses 4:2 Iomraidhean Croise

San Marcos 9:50

Sese yukrɨ avɨyeai ete; nase'ë irise rumo, ¿ndayaikatui chira imoe'ë iri agwä? Peiko katu yukrɨ nungar mba'e tuprɨ pɨpe peyeupe narä.”

1 Corintios 1:10

Che rɨvrɨ eta, yande Yar Jesucristo rer pɨpe aipo a'e peü pemboyoya katu pe pɨ'a ñemoñetasa, ndapeyemboya'oi chira peyesui. Peiko katu pe yeaɨsusa pɨpe, ichui ta'oyoya pe pɨ'a ñemoñetasa, ta'oyoya avei mba'e pe remimbotar.

Filipenses 3:16

Ko yande rekokwer yareko va'e sui rumo ndayande resarai chietera yepi.

1 Tesalonicenses 5:13

Pemboyeroya iyavei pesaɨsu tuprɨra iporavɨkɨsa rese. Peiko tuprɨ aveira peyeaɨsusa pɨpe.

Hebreos 12:14

Peiko katu ava upe mba'e tuprɨ pɨpe, peiko avei pe reko maräne'ɨ̇ pɨpe; esepia ava ndovɨrekoi va'e gweko maräne'ɨ̇, ndosepiai chietera yande Yar.