Filipenses 4:19 - Tüpä Ñe'ëngagwer

¹⁹ Evokoiyase yande Ru Tüpä, omba'e eta porañete va'e sui omondora opakatu mba'e ipane va'e peü, teko porañetesa Cristo Jesús rese oime va'e.

Tũpa Ñehengagüer

¹⁹ Evocoiyase yande Ru Tũpa, ombahe eta porañete vahe sui omondora opacatu mbahe ipane vahe pẽu Jesucristo rese oime vahe.

Filipenses 4:19 Iomraidhean Croise

San Mateo 6:32

Opakatu ko mba'e rese ombopɨ'a ñemoñeta gwasuai ava ndiporeroyai va'e yuvɨreko, pe rumo pereko ñepëi ete pe Ru ɨvate katu va'e, a'e rumo oikwa mba'e peipota va'e.

San Juan 20:17

Jesús aipo e'i chupe: –Ani che mombɨta eve, esepia ndaso vitei ete che Ru pɨri. Eso iyavei emombe'u che reroyasar upe osora Vu pɨri erera yuvɨreko chupe, a'e che Ru pe Ru aveino, che Tüpä pe Tüpä aveino.

San Juan 20:27

Ipare aipo e'i Tomás upe: –Emoinge nekwä ko'ave, iyavei ema'e ko che po rese; iyavei embou ndepo emoinge che ɨke rese. Ani ereikora poreroya'ɨ̇sa pɨpe; ¡che reroya katu eve!

Romanos 1:8

Che yɨpɨndar yande Yar Jesucristo rer pɨpe, avɨye ndeu a'e Tüpä upe pe rese, esepia opakatu ɨvɨ rupi ñe'ësa tuprɨai pe rese Tüpä reroyasa pɨpe.

Romanos 11:33

¿Marä e'i rutei Tüpä arakwasa, imba'ekwasa avei? Ndipoi chietera ava yarakwasa mombe'u tuprɨ agwä. Ndayaikatui avei sekokwer kwapa tuprɨ agwä.

Romanos 2:4

Nde ereroɨrö Tüpä rembiapo mba'e ndopai va'e iñemosasa resendar avei, nande pɨ'añemoñetai rumo mba'e sembiapo avɨye va'e rese, ipɨpe sui tosekuñarö gwekokwer oyapave egwë e'i ndeu.

Romanos 8:18

Kurïtëi rumo yande paraɨsusa ndoyoyai ete teko porañetesa yande rese ou va'erä rese.

Romanos 9:23

Egwë e'i avei yapo gwemimbotar rupi gweko porañetesa ɨvate va'e mboyekwa agwä yandeu. Esepia, yande paraɨsuereko iyavei yɨpɨsuive teko orɨ porañetesa omoigätu yandeu a'eve yande reike agwä.

2 Corintios 12:21

Asɨkɨye avei aso irise pe repia, esepia omboura Tüpä che chï agwä pe sui, che mboyase'o uka tiëtera peye yɨpɨsuive angaipa pereko va'e pɨpe, iyavei ndapemboasɨi etese mba'e tëi, yemboagwasa-gwasa tëisa iyavei mba'e pe remimbotarai peyapo va'ekwer.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Efesios 1:18

Egwë a'e aporandu Tüpä upe pe pɨ'a resape agwä rese, ipɨpe peikwa katura ko pesärö va'e ɨvave pereike agwä, peikwa aveira ko mba'e imondopɨrä ɨva pendar iporañete va'e Tüpä upendar yuvɨrekoi va'e upe,

Efesios 1:7

Tüpä yande raɨsu eteprɨsa pɨpe yande pɨsɨrö Gwa'ɨrɨ ruvɨ pɨyeresa pɨpe yande angaipa rese ñeröi agwä,

Efesios 2:7

Ko oyapo opakatu imboyekwa pɨrä kuri katu narä, iporovasasa iporoaɨsusa avei tuvicha va'e yandeu Cristo Jesús rese yeroya agwä.

Efesios 3:16

Che aporandu yande Ru Tüpä upe ombou va'erä gweko porañetesa peü peipɨsɨ agwä pe pɨ'a pɨpe, Tüpä Espíritu pirätäsa sui.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Filipenses 4:7

Evokoiyase Tüpä omondora gweko tuprɨsa peü, pe Jesucristo rese peiko va'e, ko teko tuprɨsa ni'ä avɨye katu ava pɨ'a ñemoñetasa sui, ipɨpe sui osäröra pe pɨ'a, pe pɨ'a ñemoñetasa avei peü.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 3:16

Topɨta tuprɨ Cristo ñe'ëngagwer pe pɨ'a pɨpe. Pe arakwasa tuprɨsave peyembo'e tuprɨ, peyemongere'ɨ̇ katu sapukaisa Tüpä suindar rese. Pesapukai opakatu sapukaisa Tüpä upendar pe pɨ'a pɨpe, avɨye ndeu pe esave yepi.

1 Tesalonicenses 2:12

iyavei oromondo pe kwaitarä pe reko tuprɨ agwä Tüpä remimbotar rupi. A'e ni'ä oñe'ë peü peiko va'erä sese imborerekwasa porañetesave.

1 Timoteo 6:17

Akoi imba'e eta va'e ko ɨvɨ pɨpe, eyokwai toyemboɨvateai eme, iyavei toyeroya rai eme omba'e eta rese tëi yuvɨreko, esepia a'e egwë e'i tëi va'e. Iyakatu rumo Tüpä rese oyeroyara yuvɨreko, a'e ni'ä opakatu mba'e ikatuprɨ va'e ombou yandeu narä yande rembiporugwä.

Filemón 1:4

Che ni'ä avɨye ndeu a'e yande Ru Tüpä upe che yeruresa pɨpe nde rese yepi,

1 San Pedro 5:1

Che amboarakwa pota pe pa'ü pendar Jesús ñe'ë rärösar yuvɨrekoi va'e, inungar avei ni'ä che aiko asepia va'e ite yande Yar mombaraɨsu agwer, inungar a'e vɨreko teko orɨsa, egwë a'e aveira akoi yande Yar oyevɨse kuri.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.