Filipenses 4:18 - Tüpä Ñe'ëngagwer

¹⁸ Che opa aipɨsɨ pe porerekosa Epafrodito upe pembou va'e, evokoiyase oimeño ite iyavei sumbɨre vɨte cheu. A'e pembou va'e cheu avɨye ite, inungar itaɨsɨ sɨäkwä va'e, iyavei inungar mba'e seropove'ëprɨ avɨye va'e Tüpä upe.

Tũpa Ñehengagüer

¹⁸ Che opa aipɨsɨ pe porerecosa Epafrodito upe pembou vahe. Evocoiyase oimeño ité iyavei sumbɨre vɨte cheu. Ahe pembou vahe cheu avɨye ité, inungar itaɨsɨ sɨ̃acua vahe, iyavei inungar mbahe seropovẽheprɨ avɨye vahe Tũpa upe.

Filipenses 4:18 Iomraidhean Croise

Los Hechos 10:4

Cornelio oma'egätuño ou mbigwai ɨva pendar rese, ipare osɨkɨye pɨpe tëi oporandu chupe: “¿Mba'e vo ereipota eiko, che Yar?” Mbigwai ɨva pendar aipo e'i chupe: “Tüpä oipɨsɨ nde yeruresa; osepia avei nde poroparaɨsuerekosa.

Romanos 12:1

Sese che rɨvrɨ eta, che Tüpä poroparaɨsuerekosa pɨpe aipota pe yemondo ite pe rekoveseve chupe narä, inungar mba'e Tüpä upe seropove'ëprɨ ite, a'e avɨye itera chupe. A'e ni'ä pe kwaita pe pɨ'a pɨpe sui ete peyapo va'erä chupe.

2 Corintios 11:8

Aipɨsɨ ambuae ava Jesús reroyasar sui gwarepochi, pe rekokwer rese che poravɨkɨ agwä.

2 Corintios 9:12

Esepia ko pemondo va'e yande rɨvrɨ eta pɨtɨ̇vɨï agwä, nda'ei peipɨtɨ̇vɨï mba'e ipane va'e rese gweraño, ichui avei ni'ä, avɨye Tüpä upe e'ira yuvɨreko.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Filipenses 4:12

Aikwa marä ya'e yande paraɨsusa pɨpe yaiko, aikwa avei marä ya'e mba'e rereko atɨ agwä. Ayembo'e avei che vɨ'a agwä opakatu mba'e oimese cheu, inungar che ɨ̇taröse ndache rɨepoise avei, oimese sumbɨre va'e mba'e ipanese avei cheu.

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

Hebreos 13:16

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.

1 San Pedro 2:5

Egwë e'ira pe rereko oyeupe inungar ita ndopai va'e, ipɨpe sui Tüpä omopu'ära otüpärogwä pe rese, iyavei pa'i ndaseko maräi va'e nungar peikora semimbotar rupi, pe evokoiyase Jesucristo rembiapo pɨpe sui peyapora Espíritu upendar mba'e avɨye va'e, a'e inungar mba'e seropove'ëprɨ avɨye va'e Tüpä upe.