Filipenses 4:14 - Tüpä Ñe'ëngagwer

¹⁴ Pe rumo peyapo mba'e avɨye va'e cheu, che pɨtɨ̇vɨï eteprɨsave peye mba'e-mba'e tëi oimese cheu.

Tũpa Ñehengagüer

¹⁴ Pe rumo peyapo mbahe avɨye vahe cheu che pɨ̃tɨvɨi eteprɨsave peye mbahe-mbahe tẽi oimese cheu.

Filipenses 4:14 Iomraidhean Croise

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

Romanos 15:27

A'e egwë e'i gwemimbotar rupi yuvɨreko iyavei iya ite imboyevɨ agwä yuvɨreko chupe a'e mba'e tuprɨ oyeupe apo agwer rese, esepia yɨpɨndar Jesús reroyasar judío yuvɨrekoi va'e oikwa uka ko tekokwer Tüpä suindar a'e ava nda'ei va'e judío yuvɨrekoi va'e upe, sese iya ite imboyevɨ agwä ko ɨvɨ pɨpendar porerekosa chupe.

Gálatas 6:6

Akoi oyembo'e va'e Tüpä ñe'ë pɨsɨrösa rese, tomondo ombo'esar upe mba'e gwembiereko ipɨtɨ̇vɨï agwä.

Filipenses 1:7

Avɨye ite aipo rupi che pɨ'añemoñeta areko opakatu pe rese, esepia che opoaɨsu ite, opakatu ni'ä oyoya yaipɨsɨ Tüpä porovasasa yepe ko che rokendasave aï, anise kokotɨ rupi aiko mborerekwar rovai ko ñe'ësa pɨsɨrösa resendar repɨ agwä iyavei amboyekwa va'erä ñe'ësa supi tuprɨ va'e yuvɨreko chupe.

Filipenses 4:18

Che opa aipɨsɨ pe porerekosa Epafrodito upe pembou va'e, evokoiyase oimeño ite iyavei sumbɨre vɨte cheu. A'e pembou va'e cheu avɨye ite, inungar itaɨsɨ sɨäkwä va'e, iyavei inungar mba'e seropove'ëprɨ avɨye va'e Tüpä upe.

1 Timoteo 6:18

Eyokwai avei evokoi ava, toyuvɨrekoi mba'e yar nungar mba'e avɨye va'e aposa pɨpe, iyavei toyemoigätuño akoi mba'e vɨreko va'e mboya'o agwä ambuae ava upe yuvɨreko.

Hebreos 10:33

Esepia akoi amove pe pa'ü pendar rese iñe'ë-ñe'ë tëi yuvɨreko, marä-marä tëi avei pe rereko opakatu ava rovake, ambuae pe pa'ü pendar evokoiyase peipɨtɨ̇vɨï peyemombaraɨsusa rese.

Hebreos 10:34

Pesaɨsuño avei ambuae sokendaprɨ yuvɨreko, opase pe mba'e vɨrokwa yuvɨreko pe sui peñemosaño avei pe vɨ'aretesa pɨpe peiko, esepia peikwa ɨvave perekora mba'e avɨye katu va'e iyavei apɨre'ɨ̇ va'e.

Hebreos 13:16

Peresarai eme katu ambuae ava upe mba'e tuprɨ aposa sui, iyavei pemondoño ite mba'e pereko va'e ambuae ava upe. Esepia evokoi nungar mba'e seropove'ëprɨ Tüpä oipota.

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.