Filipenses 4:1 - Tüpä Ñe'ëngagwer

¹ Sese che rɨvrɨ eta, che rembiaɨsu, peyemovɨräkwära yande Yar rese yepi; che ni'ä opoepia pota ite, pe inungar porerekosa imbouprɨ peiko cheu, esepia che vɨ'asa peiko.

Tũpa Ñehengagüer

¹ Sese che rɨvɨreta, che rembiaɨsu, peyemovɨracuara yande Yar rese yepi. Che niha opoepia pota ité. Pe inungar porerecosa imbouprɨ peico cheu. Esepia, che vɨhasa ité peico.

Filipenses 4:1 Iomraidhean Croise

San Mateo 10:22

Opakatu ava ndape ambotai chira che rekokwer sui tëi yuvɨreko; akoi oyemovɨräkwä va'eño tuprɨ ite arɨ ipa va'e rupi, a'e ipɨsɨröprɨ yuvɨrekoira kuri.

San Juan 8:31

Jesús aipo e'i vɨroyasar judío eta upe: –Peroyase che ñe'ëngagwer, a'ese peikora che remimbo'e supiete va'e;

Los Hechos 11:23

Oyepotase a'eve, Bernabé osepia Tüpä sovasase, a'ese oyembovɨ'arete katu. Ichui omboarakwa opakatu yuvɨrekoi va'erä pɨ'a ñemoñetasa avɨye va'e yande Yar rese.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 2:42

Opakatu vɨroya tuprɨ ite Jesús ñe'ë mombe'usar porombo'esa, opakatu gwasu avei oyeaɨsu tuprɨ yuvɨreko, oyerure iyavei oñemonu'ä oyeupe mboyape mboya'o-ya'o agwä yuvɨreko yepi.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

1 Corintios 16:13

Pema'emo'ä peyese, peyemovɨräkwä avei Jesús rese pe yeroyasa pɨpe, peñemosaño katu pe kwaita upe, peikoveño itera Tüpä pirätäsa pɨpe.

2 Corintios 1:14

kurïtëi rumo peikwa ite chi'ïmi ore porombo'esa, akoi yande Yar Jesús yevɨse kuri, a'ese peyembovɨ'ara ore rese, inungar avei ore oroyembovɨ'ara pe rese.

Gálatas 5:1

Cristo ni'ä ombou yandeu mbigwai tëi nungar sui yande së agwä. Sese peyemovɨräkwä mbigwai tëi pe reko iri e'ɨ̇ agwä.

Filipenses 1:27

Ko katu toyoya tuprɨ: pe rekokwer ko ñe'ësa avɨye va'e Jesucristo rese. Evokoiyase asose pe repia, anise amombrɨ aikose pe sui, asendu pota pe resendar ñe'ësa avɨye va'e, pe yemovɨräkwäsa resendar, pe pɨ'a ñemoñetasa yoyasa resendar iyavei pe poravɨkɨ pirätäsa resendar pe poreroyasave ko ñe'ësa poropɨsɨrösa rese,

Filipenses 1:8

Tüpä oikwa ite che opoaɨsu eteprɨse opakatu pe rereko, esepia Cristo Jesús ni'ä pe raɨsu uka cheu.

Filipenses 2:16

peyemovɨräkwä katu ñe'ësa avɨye va'e tekovesa ombou va'e rese. Akoi ouse Cristo kuri avɨ'aretera pe rese, esepia pe rese che poravɨkɨsa egwë nde'i tëi va'erä.

Filipenses 2:26

A'e pe repia pota ite opakatu, iyavei ndasesarai ete pesui esepia peikwapa ite imba'easɨse oiko.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

1 Tesalonicenses 3:13

Ipɨpe sui tape movɨräkwä pe reko maräne'ɨ̇ pɨpe pe mba'e avɨe'ɨ̇save yande Ru Tüpä rovai akoi oyevɨse yande Yar Jesús opakatu vɨroyasareta reseve. Amén.

2 Tesalonicenses 2:15

Sese che rɨvrɨ eta, peyemovɨräkwä iyavei peresarai rene akoi ore pembo'e agwer sui, oroikwachia va'e sui avei peü.

2 Timoteo 2:1

Iyavei nde no, che ra'ɨrɨ, eyemovɨräkwä mba'ekwasa Tüpä ombou va'e rese Cristo Jesús rupi ndeu.

Hebreos 10:23

Yayemovɨräkwä katura mba'e avɨye va'e yande remiarö pɨpe yamombe'u va'e ava upe yande pɨ'añemoñeta rerova e'ɨ̇sa pɨpe. Esepia Tüpä omboavɨye itera mba'e gwemimombe'ugwer yandeu.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

2 San Pedro 3:17

Che rɨvrɨ, che rembiaɨsu, peikwa ite ni'ä evokoi mba'e, sese peñearö tuprɨra pe yembopa uka e'ɨ̇ agwä ava ndiporeroyai va'e upe Tüpä rese pe rekokwer yemovɨräkwäsa sui pe yepepɨ e'ɨ̇ agwä.