Filipenses 3:5 - Tüpä Ñe'ëngagwer

⁵ esepia che imbocircuncidaprɨ aiko mbosapɨ ova arɨ pɨpe che are, iyavei che aiko Israel tekwa pendar Benjamín suindar avei, che hebreo, hebreo ra'ɨrɨ avei aiko no. Che yɨpɨndar fariseo rekokwer areko, evokoiyase ayembo'e tuprɨ fariseo arakwasa judío porokwaita rese vichiko;

Tũpa Ñehengagüer

⁵ Esepia, che imbocircuncidaprɨ aico ocho arɨ pɨpe che hare, israelita, Benjamín suindar aico. Iyavei che hebreo, hebreo rahɨr avei aico no. Che yɨpɨndar fariseo recocuer areco. Evocoiyase ayembohe tuprɨ fariseo aracuasa judío porocuaita resendar rese vichico.

Filipenses 3:5 Iomraidhean Croise

San Lucas 1:59

Mbosapɨ ova arɨ pare, vɨraso ombocircuncida va'erä pitani yuvɨreko, ipare aipo omondo pota iyesupa rer Zacarías, serergwä yuvɨreko viña.

San Lucas 2:21

Mbosapɨ ova arɨ pɨpe pitani ombocircuncida yuvɨreko, omondo serergwä Jesús, a'e terer tuprɨ avei akoi mbigwai ɨva pendar omombe'u va'e María upe imembɨ e'ɨ̇ vɨteseve.

San Lucas 5:38

Sese uva rɨkwer ipɨasu va'e ñoñasara mba'e pirer ipɨasu va'e pɨpe avei.

Los Hechos 22:3

“Che judío aiko. A'a Tarso ve Cilicia ɨvɨ pɨpe, ko'ave rumo akwakwa Jerusalén pɨpe iyavei Gamaliel che mbo'e oyerokɨsave, a'eve ayembo'e tuprɨ yande ramoi porokwaita rese. A'e che mbo'esa pɨpe avei ayembo'e Tüpä mboetei agwä rese vichiko, inungar peiko kurïtëi.

Los Hechos 23:6

Koiye oikwa opɨ'a ñemoñetasa pɨpe oime Ñemonu'äsa pendar saduceo rupindar iyavei ambuae fariseo rupindar, aipo e'i Pablo oñe'ë pirätä: –Che mu eta, che fariseo aiko, iyavei fariseo che yesupa yuvɨrekoi; esepia orovɨroya avei omano va'e kwerayevɨsa, sese imboasɨpave oporandu mba'e rese yuvɨreko cheu.

Los Hechos 6:1

A'e aravɨter pɨpe aipo, oyemboetase Jesús reroyasar yuvɨreko, griego pɨpe oñe'ë va'e oñe'ërai oyeupe hebreo pɨpe oñe'ë va'e rese yuvɨreko, ni'añeko tuprɨi ore mu imer mano va'ekwer rese arɨ yakatu mba'e poropɨtɨ̇vɨïsa imondosase chupe e'i oñe'ë yuvɨreko.

Romanos 11:1

Kurïtëi che aporandu: ¿Oyerova pi'ä Tüpä gwekwa sui? ¡Ani nda'ei ete supi! Esepia che avei ni'ä aiko Israel pendar, Abraham ni'ä che ramoi ete Benjamín suindar avei aiko.

2 Corintios 11:22

¿A'e pi'ä hebreo yuvɨrekoi? Che avei ni'ä a'e aiko. ¿A'e pi'ä yuvɨrekoi Israel ɨgwar? Che avei ni'ä a'e pendar aiko. ¿A'e pi'ä yuvɨrekoi Abraham suindar? Che avei ni'ä ichuindar aiko.