Filipenses 3:19 - Tüpä Ñe'ëngagwer

¹⁹ a'e rumo imokañɨpɨ̇ra yuvɨrekoira kuri. Iyavei itüpä ikaruaisa tëiete yuvɨreko, iyavei gweko ɨvate aisa pɨpe oyapo mba'e tëi yande mochiai va'e yuvɨreko. Ko ɨvɨ pɨpendar mba'e-mba'e tëi reseño ite ipɨ'añemoñeta yuvɨreko.

Tũpa Ñehengagüer

¹⁹ Ahe rumo imocañɨpɨrã yuvɨrecoira curi. Oyemonguerẽhɨ opacatu mbahe tẽi apo ãgua rese yuvɨreco yepi. Ahe niha otũpa nungar ité vɨreco. Iyavei güeco ɨvate aisa pɨpe oyapo mbahe tẽi yande mochi ai vahe yuvɨreco. Co ɨvɨ pɨpendar mbahe-mbahe tẽi reseño ité ipɨhañemoñeta yuvɨreco.

Filipenses 3:19 Iomraidhean Croise

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

2 San Pedro 2:3

Gwarepochi potaraisa pɨpe pe mbopara yuvɨreko ko porombo'esa kokotɨ tëi va'e rese; kañɨsa rumo oimeño itera yuvɨreko chupe, yɨpɨsuive ite ni'ä a'e imokañɨpɨ̇ra yuvɨrekoi.

Colosenses 3:2

Pepɨ'añemoñeta mba'e ɨva pendar rese, nda'ei chira ɨvɨ pɨpendar mba'e rese tëi.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

2 Corintios 11:15

sese yaikwa avei Karugwar povrɨ pendar oporombopasa pɨpe oyeapo inungar Tüpä ñe'ë mombe'usar yuvɨreko. ¡A'e chupe rumo oimerä Tüpä ñemoɨrösa mba'e sembiapokwer rupi kuri!

2 Corintios 11:12

Ayapoño itera rumo ko mboravɨkɨ cheu imboepɨ e'ɨ̇sa pɨpe vichiko ko ambuae pe pa'ü pendar ava pe mbopa e'ɨ̇ agwä yuvɨreko, esepia yande nungar yuvɨrekoi pota tëi viña;

2 San Pedro 2:13

oyemombaraɨsu uka ambuae ava mombaraɨsusa pɨpe sui tëi, yayembovɨ'a mba'e yande rembiapoai rese e'i tëiete yuvɨreko viña. ¡Oporomochi pɨpe tëi rumo yuvɨrekoi, yuvɨrasose pe pietasave pe pɨri, gwekorai reseve oyembovɨ'a oporombopasa tëi pɨpe yuvɨreko!

Gálatas 6:13

Akoi oyembocircuncida uka tëi va'e avei rumo nomboavɨyei ete opakatu porokwaita remimombe'u yuvɨreko. Oipota rumo pe mbocircuncida ukara oyemboɨvateai agwä pe kwaise evokoi nungar apo yuvɨreko.

Apocalipsis 21:8

Akoi ava osɨkɨyeai va'e rumo che rekokwer sui, ndache reroyai va'e, ava ndiporoepia potai va'e, oporoyuka va'e, akoi ava oyemboagwasa tëi va'e, ipaye serai va'e, mba'e ra'anga mboeteisar tëi iyavei opakatu ava semirä-mirä tëi va'e, a'e opara yuvɨraso ɨpa nungar azufre okai pirätä va'e pɨpe, a'e ni'ä imoñuvɨrïo manosa.”

1 Corintios 3:3

esepia pegwata vɨteño ko ɨvɨ pɨpendar pɨ'a ñemoñetasa rupi! Peyemoekate'ɨ̇-te'ɨ̇ oyeupe, iyavei peñemoɨrö peyeupe pe pɨ'añemoñeta nda'oyoyai va'esa pɨpe, pe evokoiyase peyapo ava ndoikwai va'e rembiapo nungar tëi.

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”

San Judas 1:16

Opakatu rese oñe'ë yuvɨreko, oñe'ë-ñe'ë tëi iyavei oseka oyeupe narä mba'e gwemimbotar tëi apo agwä. A'e oyemboɨvateai va'e, iyavei oñe'ë tuprɨai anga'u tëi ambuae ava upe imba'e rerokwa agwä ichui.

2 Timoteo 3:4

Iyavei omondora ava yamotare'ɨ̇mbar upe, ndiporomboetei chira gwemimbotar apo yuvɨreko, iyavei oyemboɨvateaira osekara gwemimbotar tëi oyembovɨ'a agwä ipɨpe rumo Tüpä ndosaɨsui chira yuvɨreko.

1 Timoteo 6:5

iyavei iporoakasa ndopai va'e ava yarakwarai va'e pa'üve, ndoikwai rumo mba'e supi tuprɨ va'e yuvɨreko, ipɨ'añemoñeta Tüpä rese oma'endu'asa pɨpe mba'e rereko atɨ agwä yuvɨreko viña.

2 Tesalonicenses 2:12

ipɨpe tokañɨ tëi ko ava, opakatu mba'e supiete va'e reroya e'ɨ̇sar, akoi oyembovɨ'a katu va'e mba'e-mba'e tëi rese yuvɨreko oyapave.

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

1 Corintios 5:6

Ndapeyeeko mboɨvateai chira peiko ko mba'e tëi oimese pe pa'üve. Esepia peikwa ni'ä ko ñe'ësa aipo e'i va'e: “Yepe chi'ïmi imondosa mboyape mboapeposa mboyapegwä rese viña, a'e rumo oikepa tuprɨ mboyapegwä rese.”

1 Corintios 5:2

¡Pe rumo peyeekomboɨvateai peiko! ¡Iyakatu rumo ndapeyembovɨ'ai chira evokoi nungar mba'e tëi repiase viña! Evokoi nungar ava iyakatu ite pemboyepepɨra pe pa'ü sui.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Santiago 4:16

Pe rumo peñe'ëño pe yemboɨvateaisa pɨpe mba'e pe rembiaporä rese; opakatu evokoi nungar mba'e rumo naporäi.

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

San Lucas 18:4

Yɨpɨve ite rumo mborerekwar noipɨtɨ̇vɨï potai, koiye katu rumo ipɨ'a ñemoñeta: ‘Yepe che ndasɨkɨyei va'e Tüpä sui, ava sui avei ndasɨkɨyei va'e ite,

San Lucas 16:19

“Oime aipo ñepëi mbɨa mba'e yar, oyemonde turukwar avɨye va'e pɨpe oyemboetei eteanga, iyavei arɨ yakatu oyapo pieta opakatu mba'e rese oyemboetei aisa pɨpe.

San Lucas 12:19

Evokoiyase aipo a'era che yeupe: Che mborɨpar, oime seta mba'e cheu aravɨter momba-momba agwä; sese kurïtëi apɨtu'ura vichiko, akarura iyavei ayembovɨ'aretera.’

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

Apocalipsis 18:7

pemondo setekwer mombaraɨsusa chupe, tiparaɨsu ta'oyoya iyemondo-mondo tëi agwer iyemboeteiai agwer rese aveino. Esepia ni'ä, a'e aipo e'i opɨ'a pɨpe oiko: ‘Ko'ave che agwapɨ vɨ̇te mborerekwar che reko nungar pɨpe. Nda'ei imer mano va'ekwer aiko, iyavei ndacheparaɨsui chietera.’

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.

Romanos 6:21

evokoiyase ¿mba'e avɨye va'e vo penose ichui? Kurïtëi rumo pëchi tëi ichui, a'e ni'ä ndape pɨtɨ̇vɨï ete pe rekokwer rese, iyavei pe reraso pota manosave.

2 Tesalonicenses 1:9

Evokoi iparaɨsura yuvɨreko, imokañɨprɨ yuvɨrekoira apɨre'ɨ̇, iyavei imboyepepɨsara amombrɨ yande Yar reko pirätäsa porañetesa sui,

San Judas 1:10

Evokoi ava yuvɨrekoi va'e oñe'ë tëi va'e mba'e ndosendukwai; iyavei ko mba'e oikwa va'e oyesui tëi, inungar mba'e mɨmba ndipɨ'a ñemoñetai va'e oyesui tëi imba'ekwa, a'e oiporu yuvɨreko oyemokañɨ agwä tëi.