Filipenses 3:12 - Tüpä Ñe'ëngagwer

¹² Asupitɨ opakatu ko mba'e nda'ei ete, iyavei ndaseko maräi va'e aiko nda'e vɨtei chietera; che rumo aseka vɨte a'e tekokwer che rekorä, esepia Cristo Jesús che pɨsɨ ite oyeupe narä.

Tũpa Ñehengagüer

¹² “Asupitɨ ité opacatu co mbahe” ndahei eté. Iyavei, “Ndaseco marai vahe ité aico” ndahe vɨtei chietera. Che rumo aseca vɨte ahe tecocuer che recorã. Esepia, Jesucristo che pɨsɨ ité oyeupe nara.

Filipenses 3:12 Iomraidhean Croise

San Mateo 5:48

Peikora mba'e tuprɨ pɨpe, inungar pe Ru ɨva pendar seko katuprɨ va'e.”

Los Hechos 9:15

Yande Yar rumo aipo e'i chupe: “Eso, esepia aiporavo evokoi mbɨa che rekokwer rese oñe'ë va'erä ambuae tekwa pendar upe, iyavei serekwar ɨvate katu yuvɨrekoi va'e upe, Israel pendar upe avei.

Romanos 8:39

ani chiaveira mba'e ɨva pendar, ani chiaveira ɨvɨkwar ipɨkuku va'e, ani chiaveira ambuae mba'e Tüpä rembiapokwer. ¡Ndipoi chietera yande mboyepepɨ va'e Tüpä poroaɨsusa sui omboyekwa va'e yande Yar Cristo Jesús rekokwer rupi yandeu!

1 Corintios 13:10

akoi oyepotase rumo ou mba'e kwapar, a'ese opakatu mba'e ndikwasa iri chietera.

1 Corintios 13:12

Kurïtëi yande ndayasendukwa tuprɨi Tüpä resendar mba'e, inungar akoi yepiasa pɨpe yasepia ävomi tëi mba'e; osupitɨra rumo arɨ yayeepia va'erä ñepëi-pëi ete kuri. Kurïtëi rumo che mba'ekwasa nda'ei supi tuprɨ va'e, koiye rumo aikwa tuprɨ katu itera Tüpä, inungar a'e oikwa tuprɨ che rekokwer oiko.

1 Corintios 9:24

Peikwa ni'ä gwayɨsa oimese, ava opakatu gwasu yuvɨnoñase yuvɨreko, ivava katu va'e gweraño rumo oipɨsɨ porerekosa yepi. Evokoiyase inungar ko ivava katu va'e, egwë peye avei pe rekokwer pɨpe Tüpä porerekosa pɨsɨ agwä peiko.

2 Corintios 13:9

Sese orovɨ'año ite norepirätäise, ore rumo oroipota pe momirätä agwä; iyavei ore oroyerure katuño itera pe rekokwer katuprɨ agwä rese.

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Gálatas 5:17

Esepia pe remimbotarai peyapo va'e nda'oyoyai ete Tüpä Espíritu remimbotar rese, iyavei Tüpä Espíritu rese nda'oyoyai ete mba'e peyapo va'e. Esepia ñepëi-pëi oyapo mba'e-mba'e tëi oyeupeae yuvɨreko, sese ndapeyapo ukai mba'e pe remimbotar avɨye va'e peyeupe.

Efesios 1:4

Tüpä yande poravo yɨpɨve ite ɨvɨ apoe'ɨ̇ vɨteseve, Cristo rese yaiko va'erä teko maräne'ɨ̇sa pɨpe sovake. Iporoaɨsusa yareko va'erä,

Efesios 4:12

Egwë e'i ava vɨroyasar mbo'e oyeupe mboravɨkɨ apo agwä, ambuae vɨroyasar movɨräkwä tuprɨ katu agwä avei Cristo rese

Filipenses 1:1

Che Pablo iyavei Timoteo oroiko Cristo Jesús rembigwai, aikwachia ko che ñe'ë peü, pe Tüpä upendar Cristo Jesús rese peiko va'e tekwa Filipos ve, Cristo Jesús reroyasar rärösar upe, seroyasar rese i'añeko va'e upe avei.

Filipenses 3:16

Ko yande rekokwer yareko va'e sui rumo ndayande resarai chietera yepi.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

Filipenses 3:8

Iyavei evokoi nungar mba'e opakatu aseya kokotɨ che yesui, che Yar Cristo Jesús rekokwer kwasa pɨpe. Cristo rekokwer sui opa ite mba'e amokañɨ, ipɨpe sui opakatu mba'e ɨtɨ nungar tëi cheu aiko va'erä supi

1 Tesalonicenses 5:15

Peikwa katu pe rereko megwa potasar sui. Ndapemboyevɨi chira mba'e-mba'e tëi ko pe rereko megwa potasar upe, iyakatu rumo peyapo tuprɨ mba'e avɨye va'e peyeupe, opakatu ava upe aveino.

2 Tesalonicenses 2:13

Ore rumo, avɨye ndeu oro'eño ite Tüpä upe pe rekokwer rese yepi, che rɨvrɨ eta, yande Yar rembiaɨsu peiko va'e, esepia Tüpä ni'ä pe poravo yɨpɨsuive pe pɨsɨrö agwä pe reko maräne'ɨ̇ agwä rese Espíritu pɨpe iyavei porombo'esa supiete va'e reroya agwä.

1 Timoteo 5:10

Ikwaprɨra sekokwer ikatuprɨsa rese, omboakwa tuprɨse chi'ïvä'e oyesuindar, omoingese ava gwëtä pɨpe, i'añekose ava Tüpä reroyasar rese ipɨsei agwä, oipɨtɨ̇vɨïse ava iparaɨsu va'e, oyapo tuprɨse opakatu mba'e avɨye va'e.

1 Timoteo 6:19

Evokoiyase vɨrekora mba'e avɨye va'e, apɨre'ɨ̇ va'e oyeupe narä yuvɨreko kuri, tekovesa supiete va'e rereko agwä.

Hebreos 12:14

Peiko katu ava upe mba'e tuprɨ pɨpe, peiko avei pe reko maräne'ɨ̇ pɨpe; esepia ava ndovɨrekoi va'e gweko maräne'ɨ̇, ndosepiai chietera yande Yar.

Hebreos 12:23

iyavei opakatu yɨpɨndar Tüpä ra'ɨrɨ ikwachiaprɨ va'e ɨvave. Oyemboya Tüpä rese yuvɨreko, a'e opakatu mba'e Moigätusar, iyavei peyemboya ava seko avɨye va'e espíritu yuvɨrekoi va'e rese, a'e ni'ä Tüpä osekomo'ɨ̇vi tuprɨ sereko,

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

Santiago 3:2

Opakatu ite oime mba'e yande rembiavɨ naporäi va'e yepi; oimese ñepëi ava ndoyavɨi va'e oñe'ë, a'e ava seko ɨ̇vi tuprɨ va'e, oikwa avei opakatu gwekokwer rereko tuprɨ agwä.

1 San Pedro 5:10

Koiye peparaɨsu pare rumo, Tüpä teiete pe reko mo'ɨ̇vi tuprɨra, iyavei pe reko movɨräkwära, pe momirätä aveira pe yepepɨ irie'ɨ̇ agwä ichui. Tüpä ni'ä oporoaɨsusa pɨpe yande poravo oyeupe narä, yande yaso va'erä supi teko orɨ ndopai va'esave yaiko va'erä Jesucristo rese yande rekosa pɨpe.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.