Filipenses 3:1 - Tüpä Ñe'ëngagwer

¹ Iyavei che rɨvrɨ eta, peyembovɨ'año yande Yar rese peikose. Ndachekwerai ete ñe'ësa aikwachia va'ekwer kwachia iri agwä peü, iyavei avɨye katu ite peü narä.

Tũpa Ñehengagüer

¹ Iyavei, che rɨvɨreta, peyembovɨhaño yande Yar rese peicose. Ndachecuerai eté ñehesa aicuachía vahecuer cuachía iri ãgua pẽu. Iyavei avɨye catu ité pẽu nara.

Filipenses 3:1 Iomraidhean Croise

San Mateo 5:12

Pe rumo peyembovɨ'añora, esepia ɨvave tuvicha va'e porerekosa peipɨsɨra kuri; egwë e'i tuprɨ avei ni'ä yɨpɨndar yuvɨrekoi va'e Tüpä ñe'ë mombe'usareta mombaraɨsu yuvɨreko araka'e.”

San Lucas 1:47

che pɨ'a sorɨvete Tüpä che Pɨsɨrösar rese.

Romanos 5:11

Iyavei nda'ei ko reseño egwë ya'era, yavɨ'a katu aveira Tüpä rese yande Yar Jesucristo rese avei, Cristo sui ni'ä yaipɨsɨ kurïtëi tekokwer ñekuñarösa.

2 Corintios 13:11

Imomba agwä, che rɨvrɨ eta, aipota pevɨ'aretera peiko. Peseka avei pereko tuprɨ katu agwä peyeupe, peyemongere'ɨ̇ katu, oyoya gwasu peiko tuprɨ avei peyese mba'e tuprɨ pɨpe. Evokoiyase Tüpä oporoaɨsusa pɨpe, gweko tuprɨsa pɨpe avei sekoira pe rese.

Efesios 6:10

Sese peyemovɨräkwä katu yande Yar rese, ipirätäsa rese avei.

Filipenses 3:3

yande rumo imbocircuncidaprɨ nungar supiete va'e Tüpä mboyeroyasar yaiko, esepia yayerure Espíritu pɨpe Tüpä upe; yayembovɨ'a avei Jesucristo reroyasar yande rekosa rese. Nda'ei yande retekwer rese tëi yayeroya.

Filipenses 4:4

Peyembovɨ'arete arɨ yakatu rupi yande Yar rese yepi. Amombe'u iri aipo peü: ¡Peyembovɨ'año katu!

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

1 Tesalonicenses 4:1

Che rɨvrɨ eta, kurïtëi oroñe'ë pota peü pe kwaitarä rese yande Yar Jesús rer pɨpe: inungar kurïtëi pe rekokwer pereko, egwë peyeño ite katu peiko ore pe mbo'e agwer rupi Tüpä mboetei agwä.

1 Tesalonicenses 5:16

Peyembovɨ'añora arɨ yakatu rupi yepi.

Santiago 1:2

Che rɨvrɨ eta, pevɨ'areteñora peiko akoi oimese tekoa'äsa peü yepi.

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 4:13

Peyembovɨ'areteñora Cristo paraɨsu agwer rerekosa pɨpe, esepia yande rereko yande Yar yemombaraɨsu agwer nungar pɨpe yuvɨreko, evokoiyase yayembovɨ'arete itera akoi yande Yar oyevɨse gweko pirätäsa pɨpe.

2 San Pedro 3:1

Che rɨvrɨ eta, che rembiaɨsu, ko imoñuvɨrïosa rupi aikwachia che ñe'ë imondo peü. Ko ñuvɨrïo che rembikwachia pɨpe opombopɨ'añemoñeta tuprɨ pota che poromboarakwasa pɨpe.