Filipenses 2:9 - Tüpä Ñe'ëngagwer

⁹ Sese Tüpä oseko mboɨvate katu sereko omondo avei serergwä ɨvate katu va'e opakatu ambuae rer sui,

Tũpa Ñehengagüer

⁹ Sese Tũpa omboɨvate catu, omondo avei sererguã ɨvate catu vahe opacatu ambuae rer sui.

Filipenses 2:9 Iomraidhean Croise

San Mateo 11:27

“Che Ru opakatu mba'e ombou cheu. Iyavei ndipoi ete ava Chekwa tuprɨ va'e yuvɨreko, che Ru gweraño ite rumo Chekwa; ndipoi avei che Ru oikwa tuprɨ va'e yuvɨreko no, che gweraño ite aikwa iyavei akoi ambuae ava upe aikwa uka potase oikwa itera yuvɨreko.

San Mateo 28:18

Jesús oyemboya oso sese aipo e'i chupe: –Tüpä che mbou mborerekwar ɨvate katu va'e che reko agwä ɨvave, ɨvɨve narä aveino.

San Lucas 10:22

“Che Ru opakatu ite mba'e ombou cheu. Iyavei ndipoi ete oikwa va'e yuvɨreko che Ta'ɨrɨ aikose; che Ru gweraño ite oikwa; ndipoi avei oikwa va'e che Ru yuvɨreko, che gweraño ite aikwa iyavei che Ta'ɨrɨ aikwa uka potase ambuae upe aikwa uka ñoitera.”

San Juan 17:11

“Che ndaiko iri chira ko ɨvɨ pɨpe; a'e rumo yuvɨrekoveño itera ko ɨvɨ pɨpe, che evokoiyase asora nde pɨri. Che Ru ndaseko maräne'ɨ̇ va'e, esärö nde pirätäsa pɨpe nderer pɨpe sereko, akoi erembou cheu, oyese yuvɨrekoi tuprɨ agwä, inungar yande yaiko yepi.

San Juan 17:12

Che aikose ko ɨvɨ pɨpe ipɨri yuvɨreko, asärö tuprɨ nderer pirätäsa pɨpe, akoi erembou va'e cheu. Ndipoi ete ñepëi okañɨ tëi va'e, akoi yɨpɨve okañɨ va'eño ite rumo okañɨ tëi; yavɨye rane itera aipo e'i va'e Ikwachiaprɨ pɨpe.

San Juan 17:5

Sese kurïtëi che Ru, embou nde yesuindar mba'e porañete va'e cheu, inungar akoi yɨpɨndar areko va'e nde rese ɨvɨ apoe'ɨ̇seve.

Los Hechos 5:31

Ipare oseko mboɨvate ɨvave oakato kotɨ imbogwapɨ imoi, a'e ni'ä Mborerekwar iyavei Poropɨsɨrösar, tomboasɨ oangaipa, toyevɨ cheu, toipɨsɨ angaipa resendar ñeröisa yuvɨreko oya Tüpä Israel suindar upe.

Efesios 1:10

oyepotase a'e arɨ imboavɨye agwä. Tüpä opakatu mba'e ɨva pendar ko ɨvɨ pɨpendar avei, opara omoinge ñepëi reseve Gwa'ɨrɨ Cristo povrɨve.

Colosenses 1:18

Esepia ni'ä Cristo sekoi opakatu vɨroyasar rerekwar, a'e yande setekwer ite yaiko. A'e rane avei yɨpɨndar sekoi okwerayevɨ va'e, evokoiyase a'e ɨvate katu va'e opakatu sui sekoi.

2 Tesalonicenses 1:12

Evokoiyase yande Yar Jesús rer imboeteiprɨra pe rekokwer pɨpe sui; iyavei pe imboeteiprɨra yande Yar rese peiko va'e yande Ru Tüpä, yande Yar Jesucristo pe raɨsusave.

Hebreos 1:4

iyavei seko ɨvate katu mbigwai ɨva pendar yuvɨrekoi va'e sui, a'e vɨreko omborerekwasa ɨvate katu va'e ichui.

Hebreos 1:9

Mba'e i'ɨ̇vi va'e raɨsusar ereiko iyavei mba'e naporäi va'e raɨsue'ɨ̇sar; sese Tüpä nde poravo, a'e Yar Tüpä ite, omondo avei torɨvetesa ndeu ɨvate katu va'e opakatu nde mboetasa sui.”

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 2:9

Yaikwa ni'ä Jesús, a'e Tüpä gwembigwai sui ndaseta aravɨter ɨvɨ kotɨ katu vɨreko, oporoaɨsusa pɨpe oipota imano agwä opakatu ava repɨrä. Kurïtëi rumo Tüpä iyemombaraɨsu pare, omondo oporañetesa imboeteisave chupe.

1 San Pedro 3:22

a'e oso ɨvave ogwapɨ öi Tüpä akato kotɨ, opakatu sembigwai eta, mborerekwareta, opakatu imborerekwasa ipirätä va'e avei ipovrɨ pendar yuvɨrekoi.

2 San Pedro 1:17

Orosepia ni'ä yande Ru Tüpä omboeteise Gwa'ɨrɨ iyavei omondose seko porañete iri agwä, aipo e'ise Tüpä oñe'ë gweko porañetesa pɨpe: “Ko che Ra'ɨrɨ, che rembiaɨsu, sese ni'ä che ayembovɨ'arete vichiko.”

3 San Juan 1:7

Esepia a'e ogwata yuvɨreko Jesucristo rer pɨpe, ndoipɨsɨi ete rumo mba'e ipane va'e opɨtɨ̇vɨï agwä yuvɨreko ava Tüpä reroyasare'ɨ̇ sui.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,

Apocalipsis 11:15

Imoñuvɨrïo ovasa mbigwai ɨva pendar omoñe'ëse gwemimbɨ, a'ese oyeendu ñe'ësa ipirätä va'e ɨva suindar aipo e'i: “Mborerekwasa ɨvɨ pendar a'e yande Yar Poropɨsɨrösar upendar ite, iyavei imborerekwasa apɨre'ɨ̇ va'erä ite sekoi.”

Apocalipsis 19:16

Oturukwar popɨ rese vɨreko ikwachiaprɨ o'ɨvɨpɨ rese avei aipo e'i va'e: “Mborerekwareta ɨvate katu va'e rerekwar iyavei ava Yar ɨvate katu va'e yar.”

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.

Apocalipsis 5:12

a'e aipo e'i oñe'ë pirätä yuvɨreko: “¡Ko Ovesami a'e Cristo sekoi va'e yukapɨrer a'e chupe iyakatu ite mborerekwasa pɨsɨ agwä, opakatu porerekosa avei, mba'ekwasa iyavei pirätäsa, mboyeroyasa, poromboeteisa, sapukaisa pɨsɨ agwä aveino!”