Filipenses 2:8 - Tüpä Ñe'ëngagwer

⁸ Ava nungar gwekosa pɨpe oyeekomini ete, iyavei Tüpä mboyeroyasa pɨpe sekoi manosa povrɨve, yatɨkatasa avei kurusu rese imano agwä.

Tũpa Ñehengagüer

⁸ Ẽgüe ehi oyemomini. Vu porocuaita reroyasa pɨpe ou iyavei omano poromochisa pɨpe curusu rese.

Filipenses 2:8 Iomraidhean Croise

San Mateo 17:2

A'eve, avɨyeteramo tëi oñekuñarö Jesús repiaka gwemimbo'e rovai. Sova sendɨyai inungar arɨ, iyavei iturukwar oyekwa morochi iteanga, inungar tataendɨ.

San Mateo 26:39

Koiye Jesús oso tenonde katumi, a'eve oyaɨvɨ ɨvɨ rese oso, aipo e'i oyerure: “Che Ru, iyase ndeu che renose mba'e-mba'e tëi sui eve; tayapo eme ru che remimbotar tëi, nde remimbotar rupi katu tayaposa mba'e”

San Mateo 26:42

Imoñuvɨrïosa rupi oso iri, oyerure aipo e'i: “Che Ru, ereipotase che reike agwä ko mba'e tëi pɨpe, eyapo nde remimbotar che rese.”

San Lucas 9:29

Iyerure vɨteseve, sepiaka opa oñekuñarö, iturukwar morochi sendɨ iteanga avei;

San Juan 10:18

Ndipoi chietera cheyuka va'erä yuvɨreko, che teiete rumo amondora che rekokwer che remimbotar rupi. Che areko ite pirätäsa imondo agwä, che kwerayevɨ iri agwä avei. Supiete areko che amondo va'erä iyavei ayevɨ'irira ipɨsɨ. Ko rese ni'ä che Ru che kwai che mbou.”

San Juan 14:31

egwë e'i etera ni'ä oikwa va'erä ko ɨvɨ pɨpendar yuvɨreko che asaɨsuse che Ru iyavei ayapo ite mba'e chekwaise chupe yepi. Pepü'apa. Yaso ko'ave sui.”

San Juan 15:10

Akoi peroyase che porokwaita, peikora che poroaɨsusa pɨpe, inungar che aroya che Ru porokwaita iyavei aikoveño ite iporoaɨsusa pɨpe vichiko.”

San Juan 4:34

Evokoiyase Jesús aipo e'i: –Che movɨräkwäsa rumo che mbousar porokwaita a'e ayapora iyavei amboavɨye rane itera iporavɨkɨ.

Los Hechos 8:33

Osekomomini yuvɨreko, iyavei ndipoi ete sepɨsar; ¿uma pi'ä oikatura oñe'ë ichuindar rekokwer rese? Esepia ava ko ɨvɨ pɨpendar oyuka ite yuvɨreko.”

Romanos 5:19

Esepia ñepëi ava Tüpä reroya e'ɨ̇sa sui seta oime ava angaipa viyar; egwë e'i aveira ñepëi ava mboyeroyasa sui seta aveira ava vɨreko gweko katuprɨsa yuvɨreko.

2 Corintios 8:9

Peikwa ni'ä pe yande Yar Jesucristo poroaɨsusa, yepe a'e mba'e yar sekoi viña, opa rumo oseya omba'e pe rekokwer rese, iparaɨsu pɨpe sui ni'ä pe ɨva pendar mba'e pereko.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 12:4

Esepia pe ndapemano vɨtei ete angaipa upe peye mbopɨ'avɨräkwäsa pɨpe,

1 San Pedro 2:24

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä.

1 San Pedro 3:18

Esepia Cristo teiete omano yande angaipa repɨrä ñepëi reseve. Gweko maräne'ɨ̇ pɨpe egwë e'i ava rekokwerai rese opakatu pe reraso agwä Vu Tüpä upe. A'e omano gwete rese, ipare rumo okwerayevɨ gweko espíritu pɨpe.