Filipenses 2:5 - Tüpä Ñe'ëngagwer

⁵ Pe pɨ'a ñemoñetara ñepëi-pëi peyese inungar Cristo Jesús rese yepi,

Tũpa Ñehengagüer

⁵ Inungar Cristo pɨhañemoñeta, ẽgüe peye tuprɨ aveira.

Filipenses 2:5 Iomraidhean Croise

San Mateo 11:29

Peroya mborokwaita amondo va'e peü, iyavei peyembo'e katu che rekokwer sui, esepia ni'ä areko ite poroarösa vichiko iyavei che rekokwer yemominisa pɨpe; a'ese ramo ite peyosɨra pɨtu'usa avɨye va'e.

San Lucas 22:27

¿Uma pi'ä ɨvate katu va'e, ogwapɨ va'e karusa rendave okaru, anise i'añeko va'e tie? ¿Nda'ei vo evokoi ogwapɨ va'e karusa rendave? Che rumo aiko pe pa'üve inungar i'añeko va'e pe rese.”

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 20:35

Che opombo'e va'e ite mboravɨkɨ rese iyavei ava iparaɨsu va'e pɨtɨ̇vɨï agwä, pepɨ'añemoñeta akoi yande Yar Jesús remimombe'u rese: ‘Sorɨvete katu ava iporereko va'e mba'e oipɨsɨ va'e sui.’ ”

Romanos 14:15

Iyavei kurïtëi, akoi ere'u va'e mba'e nde mboetasa rovai a'e evokoiyase sekoira poreroɨrösa pɨpe, a'ese nde rekokwer ndaseko iri chira mba'e avɨye va'e pɨpe. ¡Ko mba'e ere'u va'e sui tokañɨ tëi eme yuvɨreko esepia Cristo omano ite sepɨrä!

Romanos 15:3

Esepia Cristo nda'ei a'e ae tëi oyemo'äpɨsɨ oiko; a'e rumo oyapo mba'e Ikwachiaprɨ mombe'usa rupi tuprɨ ite: “Nde rese ñe'ë-ñe'ë tëi opa che aipɨsɨ.”

Romanos 15:5

Iyavei Tüpä ni'ä ombou ñemosasa poromongere'ɨ̇sa, pepɨtɨ̇vɨï va'erä peiko tuprɨ agwä ñepëi-pëi peyese, inungar Cristo Jesús rembiapokwer rupi,

1 Corintios 10:33

Che opakatu che rembiapo pɨpe aipota ite mba'e tuprɨ apo agwä opakatu ava upe narä, nda'ei cheyeupeño mba'e tuprɨ aseka, ambuae ava upe avei mba'e tuprɨ aipota iñepɨsɨrö agwä yuvɨreko.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Filipenses 1:1

Che Pablo iyavei Timoteo oroiko Cristo Jesús rembigwai, aikwachia ko che ñe'ë peü, pe Tüpä upendar Cristo Jesús rese peiko va'e tekwa Filipos ve, Cristo Jesús reroyasar rärösar upe, seroyasar rese i'añeko va'e upe avei.

1 San Pedro 2:21

Ko apo agwä rese ni'ä Tüpä pe poravo. Esepia Cristo oyemombaraɨsu pe rekokwer rese, esepia a'e ombou yandeu yaiko va'erä sekokwer rupi.

1 San Pedro 4:1

Sese peikora, inungar Cristo oiporara mba'e rasɨkwer gwete rese, pe avei egwë peyera peiko chupe narä. Esepia akoi ava oiporara va'e mba'e raɨsɨkwer gwete rese oseya ite angaipa yuvɨreko,

1 San Juan 2:6

akoi aiko tuprɨ Tüpä rese e'i va'e, a'e sekoira inungar Jesucristo.