Filipenses 2:4 - Tüpä Ñe'ëngagwer

⁴ Pesekai rene mba'e avɨye va'e peyeupe narä gweraño, iyakatu rumo peseka avei mba'e avɨye va'e ambuae ava reko tuprɨ agwä.

Tũpa Ñehengagüer

⁴ Pesecai rene mbahe avɨye vahe peyeupe nara güeraño; iyacatu rumo peseca avei mbahe avɨye vahe ambuae ava reco tuprɨ ãgua.

Filipenses 2:4 Iomraidhean Croise

San Mateo 18:6

“Akoi omboangaipa uka va'e ko chi'ïvä'emi che reroyasar, iyakatu ite imombosara paragwasu pɨpe ñapɨ̇chisara ita gwasu mba'e mboku'isa iyesɨ'o rese.

Romanos 12:15

Peyembovɨ'a akoi ava oyembovɨ'a va'e rupive; peyase'o avei ava oyase'o va'e rupive.

Romanos 15:1

Yande yayemovɨräkwä katu va'e Cristo rese yande yeroyasa pɨpe, iyakatu yande teiete yañemosañora ava Tüpä rese ndipɨ'añemoñeta tuprɨ vɨtei va'e rese, nda'ei chira rumo yande ae tëi yayembovɨ'a.

1 Corintios 10:24

Ndapesekai chira mba'e avɨye va'e peyeupe narä tëi, pesekara rumo ambuae ava upe mba'e avɨye va'e.

2 Corintios 11:29

Oimese oiporara va'e mba'erasɨkwer, che avei ayandu ko mba'erasɨsa; akoi oimese oyavɨ uka va'e mba'e, che avei añemoɨrö egwë e'ise.

2 Corintios 6:3

Ore ni'ä ndoromboyekwai ore rekoai ava pa'üve, esepia ndoroipotai ava Tüpä upe ore poravɨkɨsa rese iñe'ërai agwä yuvɨreko.

Filipenses 2:21

esepia opakatu ava oseka gwemimbotar tëi apo agwä, ndosekai ete rumo Jesucristo remimbotar yuvɨreko.

Santiago 2:8

Supiete pemboavɨyese mborokwaita ɨvate katu va'e, inungar Ikwachiaprɨ pɨpe aipo e'i: “Esaɨsu ava ndeyeaɨsu nungar.”